وتباسىلىق مۇراعاتىمىزدا اتامىز ساتپاي ايتاليەۆتىڭ تۋعان اعاسى, كەڭەس داۋىرىندەگى قازاقتىڭ تۇڭعىش گەنەرالى شاكىر جەكسەنباەۆتىڭ 1917 جىلعى اتتەستاتى ساقتاۋلى. ول پاتشا داۋىرىندە, ياعني 1912-1917 جىلدارى جاڭگىر حان اشقان مەكتەپتى 1917 جىلدىڭ 9 ماۋسىمىندا №217 اتتەستاتپەن اياقتاعان. وسى مەكتەپ شاڭىراعىندا شاكىر اتامىز ولكەمىزگە كەڭىنەن تانىمال حاميت چۋرين, حۋساين يششانوۆ, نۇرسۇلتان بەكەتوۆ سياقتى شاكىرتتەرمەن بىرگە ءتالىم العان.
وسى اتتەستاتتى مۇقيات قاراستىرساق, سول داۋىردە ءبىزدىڭ اتالارىمىزدى, قالا بەردى ولكەمىز وردانى قالاي اتاعانىن قۇجاتتىڭ ءبىرىنشى بەتىنەن كورۋگە بولادى, ال ەكىنشى بەتىندە بۇل اتتەستاتتىڭ قولدانۋ اياسىن, اتتەستات يەسىنىڭ قۇقىقتارى مەن مۇمكىندىكتەرى باياندالادى.
سول داۋىردەگى ۋاقىت مەزگىلىنىڭ بەلگىلەنۋى دە نازار اۋدارارلىق – «پەريود جرەبەمەتانيا».
بۇل اتتەستاتتى قازىرگى 8-9 سىنىپ دەڭگەيىندە, ءتىپتى ورتاشا ءبىلىم رەتىندە دە قولدانۋعا بولادى دەسەك, وندا ناقتى قاجەتتىلىككە ساي, ارتىق جالپىلاما پاندەردىڭ جوق ەكەنىن كورەمىز. العاش رەت قازاق توپىراعىندا, ياعني بوكەي ورداسىندا, دۇنيەتانىمدىق پاندەر وقىتىلا باستاعانىن كورەمىز. ياعني, ورىس ءتىلى (ۆوستوكوۆ, «كراتكايا رۋسسكايا گرامماتيكا»; ەسەپ (بۋنيانكوۆسكي, اريفمەتيكا); جاعرافيا (شۋلگين, «گەوگرافيا چاست», 1-2); تاريح (ۋستريالوۆ, «رۋسسكايا يستوريا چاست», 1-2); يسلام ءدىني ساباعى ت.ب.
الداعى ۋاقىتتا اتالعان قۇجاتتىڭ تۇپنۇسقاسىن اسكەري جوعارى وقۋ ورنىنا تاپسىرۋدى جوسپارلاپ وتىرمىز.
شاكىر ايتاليەۆ,
قازان فەدەرالدىق ۋنيۆەرسيتەتىنىڭ اسپيرانتى
رەسەي فەدەراتسياسى
