2018 جىلدىڭ قورىتىندىلارى مەن 2019 جىلدىڭ جوسپارلارىنا ارنالعان قالا اكتيۆىنىڭ كەڭەيتىلگەن اپپاراتتىق كەڭەسى بارىسىندا استانا اكىمى باقىت سۇلتانوۆ ەلوردا اكىمدىگى مادەنيەت جانە سپورت مينيسترلىگىمەن بىرلەسىپ, 2020 جىلعا دەيىن بوزوق تاريحي-مادەني كەشەنىن قۇرۋ جۇمىستارىن اياقتاۋدى جوسپارلاپ وتىرعانىن مالىمدەدى.
«بيىل مەملەكەت باسشىسىنىڭ «رۋحاني جاڭعىرۋ» جانە « ۇلى دالانىڭ جەتى قىرى» باعدارلامالىق ماقالالارىن جۇزەگە اسىرۋ بويىنشا ءىس-شارالار جالعاساتىن بولادى. ونىڭ شەڭبەرىندە بىرنەشە ۆيرتۋالدى مۋزەيلەر قۇرۋ, مۇراعاتتىق دەرەكتەردى تسيفرلاۋ, مەكتەپتەردە ولكەتانۋ مۋزەيى مەن تاريحي-ارحەولوگيالىق قوزعالىستاردى قۇرۋ جوسپارلانۋدا. اتاپ ايتقاندا, قازاقستان رەسپۋبليكاسىنىڭ مادەنيەت جانە سپورت مينيسترلىگىمەن بىرلەسىپ, 2020-شى جىلعا دەيىن بوزوق تاريحي-مادەني كەشەنىن قۇرۋ جۇمىستارىن اياقتاۋدى جوسپارلاپ وتىرمىز. بۇدان ءارى بوزوق حالىقارالىق دەڭگەيدەگى مادەني, تۋريستىك جانە عىلىمي-زەرتتەۋ ورتالىعى, سونداي-اق ەۋرازيا ايماعىنداعى ارحەولوگيالىق-ەتنوگرافيالىق زەرتتەۋ عىلىمي-ادىستەمەلىك بازاسى بولادى», - دەدى باقىت سۇلتانوۆ.
ال ارحەولوگيالىق ەسكەرتكىشتەردىڭ اۋماعىندا ەكسپەديتسيالار ۇيىمداستىرىلماق.
«كيەلى استانا» جوباسى اياسىندا تاريحي ەسكەرتكىشتەردى زەرتتەۋ ءۇشىن 4 ارحەولوگيالىق نىساننىڭ اۋماعىندا عىلىمي ەكسپەديتسيالار ۇيىمداستىرىلادى. ەكسپەديتسيانىڭ ناتيجەسىندە ارنايى كىتاپتار, جۋرنالدار مەن فوتوالبومدار باسىلىپ شىعارىلادى دەپ جوسپارلانىپ وتىر. مۇنىڭ بارلىعى ەلورداداعى تۋريزم دامۋىنىڭ ىسكەرلىك كەلبەتىن دامىتىپ قانا قويماي, ونىڭ تاريحي-مادەني الەۋەتىن ارتتىرادى», - دەپ اتاپ ءوتتى قالا اكىمى.
سونىمەن قاتار, « ۇلى دالانىڭ ۇلى وركەنيەتتەرى» جالپىۇلتتىق تاريحي-رەكونسترۋكتسيالار كلۋبى قۇرىلىپ, ونىڭ نەگىزىندە استانا مەن قازاقستاننىڭ وزگە وڭىرلەرىندە كونە ساقتار; عۇندار, ۇلى تۇركى قاعاندارىنىڭ ءداۋىرى تاقىرىپتارىندا فەستيۆال وتكىزىلەتىن بولادى.
