وسىنداي ءساتتى جۇزەگە اسىرىلىپ جاتقان جوبالاردىڭ ىشىندە اكىم Big Data, Smart ءبىلىم, Smart مەديتسينا, Open Data, ITS, ە-پيك-ءتى اتاپ ءوتتى.
سونىمەن قاتار, استانا اكىمى تسيفرلاندىرۋ قالالىقتاردىڭ وزەكتى ماسەلەلەرىنە قالاي اسەر ەتىپ جاتقانىن تىلگە تيەك ەتتى.
«اكىمدىكتىڭ بىرىڭعاي بايلانىس ورتالىعى ءبازاسىندا بىز كەلىپ تۇسكەن بارلىق شاعىمدار مەن وتىنىشتەرگە جۇيەلى تالداۋ جۇرگىزەمىز. ولاردىڭ سانى وتكەن جىلدىڭ وزىندە 1 ملن-نان اسقان بولاتىن», – دەپ حابارلادى ب.سۇلتانوۆ.
سونىمەن قاتار, قالا باسشىسىنىڭ ايتۋىنشا, «سەرگەك» فوتو جانە بەينەباقىلاۋ جۇيەسىن ەنگىزۋ جول-كولىك وقيعالارىنىڭ سانىن 15%-عا, جول-كولىك اپاتىنىڭ سالدارىنان جارالانعانداردىڭ سانىن 16%-عا, ال ءولىم-جىتىمدى ەكى ەسەگە (48%) تومەندەتۋگە مۇمكىندىك بەردى.
اكىم اتاپ وتكەندەي, «سەرگەك» ەلدەگى ءىت جانە قاۋىپسىزدىك سالاسىندا جۇزەگە اسىرىلىپ جاتقان مجس-نىڭ العاشقى جوباسى بولىپ تابىلادى. مەملەكەت باسشىسى تسيفرلاندىرۋ ماسەلەلەرىنە ەرەكشە كوڭىل ءبولىپ كەلەدى. بيىل اكىمدىك استانادا «اقىلدى قالا» جوباسىن قالىپتاستىرۋ جۇمىستارىن تولىق اياقتاۋدى جوسپارلاپ وتىر.
