«سەرپىن» باعدارلاماسى بويىنشا 600-700-گە جۋىق جاستى وقۋعا تارتۋ جوسپارلانىپ وتىر جانە بارلىق مەكتەپتە كاسىپتىك باعدارلاۋ كابينەتتەرىن اشۋ كوزدەلگەن.
جاستار باسقارماسى باسشىسىنىڭ ايتۋىنشا, وتكەن جىلى 9119 جاس جۇمىسقا ورنالاسقان. جارتى جىلدا ءبىر رەت وبلىستىق قوعامدىق تىڭداۋ وتكىزىلمەك. ەڭبەك نارىعىنا قاجەت ماماندىقتار كارتاسىن ازىرلەپ, وقۋ ورىندارىنا تاراتىلادى,. «جاسىل ەل» باعدارلاماسىمەن جاز ايلارىندا جۇمىسپەن قامتىلاتىن جاستار سانى 1500-گە جەتپەك.
قازىر «7-20-25» باعدارلاماسىمەن 241 وتباسى باسپانالى بولسا, سونىڭ 200-ءى جاس وتباسى ەكەن. سونىمەن قاتار 3000 ورىندىق جاتاقحانانىڭ قۇرىلىسى باستالادى. ال «ديپلوممەن الۋعا» باعدارلاماسى بويىنشا 200-دەن استام جاسقا ءۇي الۋعا نەسيە بەرىلەدى. سونىمەن قاتار جاستاردى قولداۋ باعىتىندا ماۋسىم ايىندا «رۋحاني جاڭعىرۋ» جانە « ۇلى دالانىڭ 7 قىرى» ماقالالارى اياسىندا ء«وز تاريحىڭدى تانىپ ءبىل» اتتى جاستاردىڭ رەسپۋبليكالىق ەكسپەديتسياسى جوسپارلانۋدا. اۋقىمدى ەكسپەديتسيا ماڭعىستاۋدان باستاۋ الادى, ودان ءارى اتىراۋ (سارايشىق, يساتاي, ماحامبەت كەسەنەلەرى), ورال (بوكەي وردا), اقتوبە (قوبىلاندى باتىر كەسەنەسى), قىزىلوردا, ۇلىتاۋ, تۇركىستان, ەسىك قورعانى, استانا قالالارىن ارالاماق.
«تۋعان جەر upgrade» شەرقالا نەمەسە ايراقتى تاۋى ەتەگىندە كوشپەلى جاستار كەزدەسۋ-ترەنينگى ءوتىپ, رەسپۋبليكا بويىنشا «100 جاڭا ەسىمگە» ەنگەن, جەتىستىككە جەتكەن تۇلعالار شاقىرىلادى. جاس بلوگەرلەردىڭ مەديا-تۋرى قىركۇيەك ايىنا جوسپارلانعان, شاراعا الەۋمەتتىك جەلىدە تانىمال جاستار, ۆاينەرلەر قاتىستىرىلماق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
