قازىر جەرگىلىكتى بيۋدجەتتەن قاراجات ءبولىنىپ, قۇرىق ەلدى مەكەنىنە ينتەرنەت جۇيەسى تارتىلىپ جاتىر. الداعى جازعا دەيىن قازاق-تۇركىمەن شەكاراسىنداعى بولاشاق ستانتسياسىنا, سەنەك, قۇلاندى اۋىلدارىنا دا كەڭ جولاقتى عالامتور جەتەدى. مەكتەپ پەن اۋرۋحانالاردى تسيفرلاندىرۋ ءىسى دە ءساتتى جۇزەگە اسۋدا. بۇلدىرشىندەردى بالاباقشا كەزەگىنە قويۋ ەلەكتروندى قىزمەت ارقىلى جۇرگىزىلۋدە. اۋدانداعى 17 مەكتەپتىڭ بارلىعى ەلەكتروندى كۇندەلىكتى قولدانىپ جاتىر.
- دەنساۋلىق سالاسى بويىنشا دا قازىر تسيفرلاندىرۋ جۇمىسى قارقىندى ءجۇرىپ جاتىر. 100 % دەنساۋلىق پاسپورتتارى ەلەكتروندىق باعدارلاماعا كوشتى. سونىمەن قاتار «دامۋ مەد» الەۋمەتتىك جەلىسى ارقىلى دا دارىگەرگە قارالۋدىڭ باعىتىن وسى قىزمەت ارقىلى جۇزەگە اسىرىپ جاتىرمىز. اۋداندا 20 قىزمەت ەلەكتروندى تۇردە كورسەتىلەدى. بۇل باعىتتا 7 اۋىل مەن 8 بولىمشەدە تۇسىندىرمە جۇمىستارى جۇرگىزىلۋدە, دەيدى قاراقيا اۋدانىنىڭ اكىمى قىدىربەردى بەكوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
