بۇگىن استانا اكىمىنىڭ توراعالىعىمەن 2018 جىلدىڭ قورىتىندىسى جانە 2019 جىلدىڭ جوسپارىنا ارنالعان قالا اكتيۆىمەن كەڭەيتىلگەن اپپاراتتىق كەڭەسى ءوتىپ جاتىر. كەڭەستە باقىت سۇلتانوۆ استانانىڭ 20 جىل ىشىندەگى باستى جەتىستىكتەرى تۋرالى ايتتى.
«20 جىل ىشىندە استانا ەلباسىنىڭ باستامالارىنىڭ جۇزەگە اسۋى جانە مەملەكەتتىڭ تاۋەلسىزدىگىنىڭ سيمۆولىنا, قازاقستاننىڭ قوعامدىق-ساياسي جانە مادەني ءومىرىنىڭ ورتالىعىنا اينالدى. اتالمىش كەزەڭدە قالا اۋماعى 3 ەسەگە, قۇرىلىس كولەمى 19 ەسەگە, تۇرعىندار سانى 4 ەسەدەن اسا جوعارىلادى (1997 ج – 300,5 مىڭ ادام, 2018 ج – 1065,9 مىڭ ادام). ەگەر 20 جىل بۇرىن ورتاشا جالاقى قۇنى 10 مىڭ تەڭگەگە دە جەتپەسە, قازىرگى كەزدە 230 مىڭ تەڭگەدەن جوعارى. جۇمىسسىزدىق دەڭگەيى 1998 جىلدان بەرى 12,8%-دان 4,5%-عا ازايدى, بۇل رەسپۋبليكا بويىنشا ەڭ تومەنگى كورسەتكىش بولىپ تابىلادى», - دەدى ب.سۇلتانوۆ. «وسى جىلداردا الەۋمەتتىك ينفراقۇرىلىمنىڭ اۋقىمدى قۇرىلىستىق باعدارلاماسىنىڭ ناتيجەسىندە 20-دان اسا رەسپۋبليكالىق جانە قالالىق دەنساۋلىق ساقتاۋ مەكەمەلەرى, 300-دەن اسا بالاباقشا مەن مەكتەپتەر سالىندى», - دەپ جالعاستىردى ب.سۇلتانوۆ.
استانانىڭ جالپى تۇرعىن قورى 20 جىل ىشىندە 4 ەسەدەن ارتىق جوعارىلاپ, 20 ملن شارشى مەتردەن استى (1998 ج – 4,9 ملن شارشى مەتر), وندا كوممەرتسيالىق قۇرلىسشىلاردىڭ دا ۇلەسى بار, ولاردىڭ ارقاسىندا استانا ساپالى تۇرعىن ۇيمەن قامتاماسىز ەتۋ دەڭگەيى بويىنشا ۇلتتىق كوشباسشىعا اينالدى. سونىمەن قاتار, قالا اكىمى استانانىڭ ەلىمىزدىڭ ەكونوميكالىق پوتەنتسيالىندا ەرەكشە ءرول وينايتىنىن ەسكە سالدى. بۇندا رەسپۋبليكانىڭ جالپى ىشكى ءونىمىنىڭ 11%-دان كوبى وندىرىلەدى, مەملەكەتتىڭ نەگىزگى كاپيتالىنا ينۆەستيتسيانىڭ 10% قۇرىلادى, تۇرعىن ءۇيدىڭ 23%-دان استامى ەنەدى.
ء«بىز مۇناي جانە ونەركاسىپتىك وڭىرگە جاتپايمىز, سوندىقتان دا ءبىز نەگىزگى باسىمدىقتى يننوۆاتسيانىڭ دامۋى مەن بيزنەسكە يەك ارتامىز. باسقاشا ايتقاندا, قالا ەكونوميكاسىندا ورتا جانە شاعىن كاسىپكەرلىكتىن ۇلەسى ارتا تۇسەدى. ول بۇگىننىڭ وزىندە ەل بويىنشا رەكوردتىق جانە قالا ەكونوميكاسىندا 58,5% - دان اسسا ءوستى», - دەدى ب. سۇلتانوۆ.
