«ەل پرەزيدەنتى ن.ءا.نازارباەۆتىڭ كەزەكتى جولداۋى – ءتورتىنشى ونەركاسىپتىك رەۆوليۋتسيا جاعدايىنداعى قازاقستاندى جۇيەلى جاڭعىرتۋ شارالارىنىڭ ناقتى باعدارلاماسى. دەنساۋلىق ساقتاۋ سالاسى بويىنشا ەلباسى بىرقاتار باسىم باعىتتاردى انىقتادى, ونىڭ ىشىندە مەديتسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ, اسىرەسە اۋىلدىق جەرلەردە, اۋرۋلاردىڭ الدىن الۋ جانە ەمدەۋدە جاڭا تەحنولوگيالاردى قولدانۋ ماسەلەسىنە باسىمدىقتار بەرىلۋدە», دەدى ول.
مەملەكەت ءۇشىن تيىمدىلىگى از جانە شىعىنى كوپ ديسپانسەرلىك ەم قولدانۋدان, نەگىزگى سوزىلمالى اۋرۋلارعا قاشىقتان دياگنوستيكا جاساپ, سونداي-اق وسى سالانى امبۋلاتوريالىق ەمدەۋ ارقىلى باسقارۋعا كوشۋ قاجەتتىگى پايدا بولۋدا.
زاماناۋي دەنساۋلىق ساقتاۋ قىزمەتى قىمبات ستاتسيونارلىق ەمدەلۋگە ەمەس, اۋرۋلاردىڭ الدىن الۋعا كوپ كوڭىل ءبولۋى كەرەك. سالاماتتى ءومىر سالتىن ناسيحاتتاي وتىرىپ, قوعامدىق دەنساۋلىق ساقتاۋدى باسقارۋدى زامان تالابىنا ساي جەتىلدىرۋگە, جاستاردىڭ رەپرودۋكتسيالىق دەنساۋلىعىن قورعاۋ مەن كۇشەيتۋگە ەرەكشە نازار اۋدارىلماق.
«الدىن الۋ مەديتسيناسى – ءححى عاسىرداعى دەنساۋلىق ساقتاۋدىڭ نەگىزگى ترەندى. اقپاراتتىق جۇيەلەردى, ءموبيلدى تسيفرلى قوسىمشالاردى بىرىكتىرۋ, ەلەكتروندى دەنساۋلىق پاسپورتىن ەنگىزۋ, مەديتسينالىق قۇجاتتامانى قاعازسىز جۇرگىزۋگە كوشۋدى قولدانا وتىرىپ, دەنساۋلىق ساقتاۋ سالاسىنداعى قىزمەتتەردى بارىنشا جاقسارتۋىمىز قاجەت», دەدى ول.
ەلىمىزدە مەملەكەتتىڭ جانە جۇمىس بەرۋشىنىڭ ورتاق جاۋاپكەرشىلىگىنە نەگىزدەلگەن مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىنە كەزەڭ-كەزەڭىمەن كوشۋ جالعاسۋدا. ونى ەنگىزۋ قاجەتتىلىگى زاماناۋي شىندىققا سايكەس كەلىپ وتىر جانە الەمدىك وزىق تاجىريبەلەر ارقىلى دالەلدەنۋدە.
حالىق سانىنىڭ ءوسۋى جانە ءومىر ءسۇرۋ ۇزاقتىعىن قامتاماسىز ەتۋ شارالارى مەديتسينالىق قىزمەتتى تۇتىنۋ كولەمىنىڭ ارتۋىنا اكەلدى. سوندىقتان مەملەكەت باسشىسى ءوز جولداۋىندا دەنساۋلىق ساقتاۋعا جۇمسالاتىن شىعىنداردى ءىجو-ءنىڭ 7 پايىزىنان 10 پايىزىنا دەيىن كوتەرۋ تۋرالى ناقتى تاپسىرما بەردى. وسىعان وراي حالىققا قىزمەت كورسەتۋدىڭ ساپاسى ايتارلىقتاي ارتۋى ءتيىس.
«حالىققا قىزمەت كورسەتۋدىڭ ساپاسىن ايتارلىقتاي ارتتىرۋ جانە مەديتسينا قىزمەتكەرلەرىن وسى ىسكە ىنتالاندىرۋدىڭ جولدارى بەلگىلەندى. وسىنىڭ ءبىر شاراسى رەتىندە 2019 جىلدىڭ 1 قاڭتارىنان باستاپ اۋرۋلاردى باسقارۋدىڭ جاڭا ادىستەرىن ەنگىزگەن ۋچاسكەلىك مەديتسينا قىزمەتكەرلەرىنىڭ جالاقىسى 20 پايىزعا كەزەڭ-كەزەڭىمەن وسىرىلمەك. بۇل ءۇشىن بيىل 5 ملرد تەڭگە بولىنەدى», دەدى ش.بايماعامبەتوۆ.
سۇڭعات ءالىپباي,
«ەگەمەن قازاقستان»
