جاھاندىق جىلىنۋدىڭ سالدارى اتوم بومباسىنىڭ كۇشىمەن تەڭەسەدى

جاڭا زەرتتەۋلەرگە سايكەس, سوڭعى 150 جىل ىشىندە جاھاندىق جىلىنۋدىڭ اسەرى ءبىر سەكۋندتىق اتوم بومباسىنىڭ جارىلۋى سالدارىمەن تەڭ ەكەنى بەلگىلى بولدى.

پارنيكتىك گاز شىعارىندىلارى ارقىلى پايدا بولاتىن جىلۋدىڭ 90%-ى مۇحيت ارقىلى جانە قالعان بىرنەشە پايىزى عانا اۋا, سۋ جانە مۇز جابىندىلارى ارقىلى سىڭىرىلەدى. مۇحيتتارعا كەلىپ قوسىلاتىن ەنەرگيانىڭ ۇلكەن مولشەرى مۇحيت دەڭگەيىنىڭ كوتەرىلۋىنە جانە داۋىلدار مەن تايفۋنداردىڭ كۇشىنىڭ ارتۋىنا الىپ كەلەدى.

جىلۋدىڭ كوپ بولىگى مۇحيت تۇبىندە ساقتالادى, بىراق مۇنداعى ولشەۋ جۇمىستارى تەك سوڭعى ونجىلدىقتا باستالعاندىقتان, بۇگىن تەك 1950 جىلعا دەيىنگى جىلۋدىڭ جالپى دەڭگەيى تۋرالى دەرەكتەرگە قول جەتكىزە الامىز. ال جاڭا جۇمىستار 1871 جىلعا دەيىنگى دەرەكتەردى الۋعا مۇمكىندىك بەرەدى. عالىمداردىڭ ايتۋىنشا, مۇحيتتىڭ جىلىنۋ دەڭگەيى تۋرالى ەرتەرەكتەگى دەرەكتەردى ءبىلۋ الداعى كليماتتىڭ وزگەرۋىنىڭ سالدارىن بولجاۋ كەزىندە اسا  ماڭىزدى.

Guardian-نىڭ ەسەبى بويىنشا, 150 جىل ىشىندەگى ورتاشا جىلىنۋدىڭ كۇشى حيروسيماداعى ءبىر سەكۋندتىق 1,5 اتوم بومباسىنىڭ كۇشىمەن دەڭگەيلەس بولعان. بىراق وسى ۋاقىت ىشىندە جىلىنۋدىڭ جىلدامدىعى ارتتى, سەبەبى كومىرقىشقىل گازىنىڭ ءبولىنۋى ۇلعايىپ, ەندى ول ءبىر سەكۋندتىق 3-6 اتوم بومباسىنىڭ كۇشىنە تەڭەسكەن.

قارلىعاش قۇرامىس,

«ەگەمەن قازاقستان»