2019 جىلدان باستاپ 41433 اسكەري ءبولىمى ءوزىنىڭ اسكەري قىزمەتشىلەرىمەن تۇيىسەتىن سپورت تۇرلەرىمەن بەلسەنە اينالىسۋدى باستاپ كەتتى. ول ءۇشىن اسكەري بولىمدە اسكەري قويان-قولتىق كۇرەستەن ءبولىم كومانديرىنىڭ كۋبوگىنە ارنالعان سايىس وتكىزىلىپ, نۇسقاۋشى بولىپ تاعايىندالعان مىقتى سپورتشىلار ىرىكتەلىپ الىندى.
- ىرىكتەلگەن ۇزدىك سپورتشى جاۋىنگەرلەر دەنە دايارلىعى ساعاتتارىندا بارلىق ساناتتاعى اسكەري قىزمەتشىلەرمەن, روتا كومانديرىنەن باستاپ قاتارداعى ساربازدارعا دەيىن جەكپە-جەك تۇرلەرىمەن اينالىساتىن بولادى. بۇل باستاۋ سپورت سەكتسيالارىنداعى ساباقتارعا ساي بولىپ سانالادى, دەيدى اسكەري ءبولىمنىڭ سپورت جانە دەنە دايارلىعى قىزمەتىنىڭ باستىعى كاپيتان ەرنات احتاەۆ.
اسكەردەگى جەكپە-جەك تۇرلەرىمەن اينالىسۋ, اسكەري قىزمەتشىلەردىڭ پسيحولوگيالىق دايارلىعىنا, قورقىنىش سەزىمىن باسۋعا جانە وزىنە دەگەن سەنىمدىلىكتى ارتتىرۋعا سەپتىگىن تيگىزەدى. سونىمەن قوسا, قويان-قولتىق كۇرەسى اسكەري قىزمەتشىلەردىڭ اسكەري قاقتىعىس كەزدەرىندە قارسىلاسىن وقشاۋلاۋعا جانە جويۋعا قاجەت ماشىقتاردى دامىتادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
