وبلىستىق ءبىلىم باسقارماسىنىڭ مالىمەتىنشە, پاندىك وليمپياداعا 26 كومانداعا بولىنگەن 680 وقۋشى قاتىستى.
وبلىس ورتالىعىنداعى مەكتەپتەر قۇراما كومانداسىندا 65 وقۋشى,اۋىلدان باياناۋىل اۋدانىنان 25 وقۋشى ءبىلىم جارىسىنا ءتۇستى.
وليمپيادا قورىتىندىسى بويىنشا ساپاسى جاعىنان جوعارى كورسەتكىشكە يە بولعان كوماندالار جاراتىلىستانۋ-ماتەماتيكالىق جانە گۋمانيتارلىق باعىت بويىنشا «ەڭ ۇزدىك وليمپيادالىق كوماندا-2019» نوميناتسياسى بويىنشا سەرتيفيكاتتارعا يە بولدى
جاراتىلىستانۋ-ماتەماتيكالىق باعىتى بويىنشا ءى ورىن «دارىندى بالالارعا ارنالعان» №8 ليتسەي-مەكتەبىنىڭ كومانداسى, ءىى ورىن – «دارىندى ەر بالالارعا ارنالعان» ء«بىلىم- يننوۆاتسيا» ليتسەيىنىڭ كومانداسى جانە ءىىى ورىندى «جاس دارىن» مامانداندىرىلعان مەكتەبىنىڭ كوماندالارى يەلەندى.
ال, گۋمانيتارلىق باعىتتاعى ءبىلىم جارىسىندا وبلىستىق دارىندى بالالارعا ارنالعان كوپ سالالى ليتسەي-ينتەرناتى, «جاس دارىن» مامانداندىرىلعان مەكتەبى, ى.التىنسارين اتىنداعى گيمنازيا-ينتەرناتى , №3 گيمنازيا ۇزدىك شىقتى.
سونىمەن بىرگە, «ەڭ ۇزدىك قالالىق كوماندا-2019» نوميناتسياسىندا - پاۆلودار قالاسىنىڭ قۇراما كومانداسى,
«ەڭ ۇزدىك اۋداندىق كوماندا-2019» نوميناتسياسىندا ەرتىس اۋدانىنىڭ وقۋشىلار كومانداسى ماراپاتتالدى.
وقۋشىلاردىڭ جالپى ءبىلىم بەرەتىن پاندەر بويىنشا وبلىستىق وليمپياداسىندا 283 وقۋشى ماراپاتتالدى.
16 وقۋشى 3 جوعارى وقۋ ورنىنىڭ ءبىلىم گرانتىنا يە بولدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن باقداۋلەت نۇرمات
