5-16 قاڭتار ارالىعىندا وتەتىن جاسوسپىرىمدەر مەن قىزدار اراسىنداعى چەمپيوناتقا ەلىمىزدىڭ ءار وڭىرىنەن كەلگەن شاحماتشىلار قاتىسادى.
جارىستى ۇيىمداستىرۋشىلاردىڭ ءبىرى داستان قاپاەۆتىڭ ايتۋىنشا, شاحمات جارىسىنا كەلگەن جاسوسپىرىمدەر اراسىندا سپورت شەبەرلەرى, ازيا جانە الەم چەمپيوناتتارىنىڭ جۇلدەگەرلەرى دە بار.
شاحمات جارىسى حالىقارالىق شاحمات فەدەراتسياسىنىڭ ەرەجەسىنە ساي وتكىزىلەدى.
سونىمەن بىرگە, بارلىق جاستاعى توپتاردىڭ ءبىرىنشى تاقتا ويىندارى ينتەرنەت ارقىلى ونلاين تۇردە جاريالانادى.
جالپى, وتكەن جىلدىڭ قاراشا ايىندا شاحماتتان جىل سايىن ءداستۇرلى تۇردە ۇيىمداستىرىلاتىن حالىقارالىق «پاۆلودار Open» ءتۋرنيرى بولىپ ءوتتى.
حالىقارالىق جارىسقا تمد ەلدەرىنىڭ شاحماتشىلارى كەلىپ قاتىستى.
فاريدا بىقاي,
«ەگەمەن قازاقستان»
پاۆلودار
