قازىرگى تاڭدا استانادا 8700 ورىنعا ارنالعان سەگىز مەكتەپ پەن مەكتەپكە جاپسارلاس عيماراتتىڭ جانە ءبىر كوللەدجدىڭ قۇرىلىسى جۇرگىزىلىپ جاتىر.
بۇدان بولەك, مەملەكەتتىك جەكەمەنشىك ارىپتەستىك ء(مجا) كەلىسىم-شارتتارىنىڭ اياسىندا ۇلتتىق كومپانيالاردىڭ ەسەبىنەن 480 ورىنعا ارنالعان ەكى بالاباقشانىڭ, 720 ورىنعا ارنالعان تاعى دا ەكى بالاباقشانىڭ قۇرىلىسى جۇرگىزىلۋدە. سونىمەن قاتار, بالالاردى مەكتەپكە دەيىنگى بىلىممەن قامتۋعا قاتىستى جاعداي جاقسارا تۇسۋدە.
ەگەر 3-6 جاس ارالىعىنداعى بالالاردى مەكتەپكە دەيىنگى بىلىممەن قامتۋ كورسەتكىشى 2016 جىلى 70,6%, 2017 جىلى 78% قۇراسا, 2018 جىلى ول 90% دەيىن وسكەن بولاتىن. بۇل رەتتە جەكە سەكتوردى تارتۋ شارالارى ماڭىزدى ءرول اتقاردى. ول قامتىلعان بالالاردىڭ جالپى سانىنىڭ 30%-ىن قۇرايدى.
