ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ پەن قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساحودجاەۆا كەزدەسۋ بارىسىندا شىعارماشىلىق كوكجيەكتەرى تۋرالى كەڭىنەن اڭگىمە قوزعادى. اتاپ ايتار بولساق, تاراپتار مەموراندۋم اياسىندا بىرقاتار بىرلەسكەن جوبالاردى قولعا الماق. عىلىمي-زەرتتەۋ قىزمەتىندە بىرلەسكەن يننوۆاتسيالىق جوبالاردى ازىرلەۋ جانە وتكىزۋ, ادىستەمەلەردى, وقۋ قۇرالدارىن ازىرلەۋ جانە سىناۋ; ەكى جاقتىڭ ساحنالارىندا كونتسەرتتىك ونەر كورسەتۋ; قازۇوۋ ءبىلىم الۋشىلارىنىڭ ۇلتتىق ۇلاننىڭ اسكەري وركەسترلەرىندە, ءان-بي انسامبلىندە, بەينە ستۋديا بولىمشەسىندە تاعىلىمدامادان ءوتۋى, ءارى قاراي تۇلەكتەردى جۇمىسقا ورنالاستىرۋ سۇراقتارىن قاراۋ.
بىلىكتىلىكتى ارتتىرۋ ماقساتىندا ۇلتتىق ۇلان اسكەري وركەسترلەرىنىڭ, ءان-بي ءانسامبلىنىڭ, بەينە ستۋديا بولىمشەلەرىنىڭ جانە كلۋبتارىنىڭ ماماندارى ونەر ۋنيۆەرسيتەتىندە وقىتۋ كۋرستارىنان وتۋگە مۇمكىندىك الماق. سونداي-اق كوشپەلى شەبەرلىك سىنىپتارىن وتكىزۋ دە قاراستىرىلعان. تاراپتار ءتيىستى قىزمەت سالالارىندا جيناقتاعان تاجىريبەلەرىمەن ءبولىسىپ, بىرلەسكەن مادەني ءىس-شارالار دا وتكىزبەك. مۇنىڭ بارلىعى ءوز كەزەگىندە ۇلتتىق ۇلان ونەرىن ودان ءارى ورگە دومالاتۋعا سوڭى سەرپىن بەرەتىنى ءسوزسىز.
كەزەدەسۋ سوڭىندا گەنەرال-مايور مۇحامەتقالي ساتوۆ الەمگە ايگىلى ونەر تۇلعاسى, قازاقستاننىڭ حالىق ءارتىسى, ونەر ورداسىنىڭ باسشىسىنا ۇلتتىق ۇلان باس قولباسشىسىنىڭ اتىنان العىسىن جەتكىزىپ, اسكەردەگى شىعارماشىلىقتى دامىتۋعا قوسقان ۇلەسى ءۇشىن «قۇقىقتىق ءتارتىپ اسكەرىنە 25 جىل» مەرەيتويلىق مەدالىمەن ماراپاتتادى.
