- ءوزىم كوكپەكتى اۋدانىنداعى قاراعاندىكول دەگەن شاعىن اۋىلدىڭ تۋماسىمىن. سپورتپەن بالا كەزدەن شۇعىلداندىم. وسكەمەندەگى پەداگوگيكالىق ۋچيليششەدە ءبىلىم الىپ جۇرگەندە تاعدىر مەنى ۇستازىم ءجانادىل ابدىرامان ۇلىمەن جولىقتىردى. ءسويتىپ سامبو كۇرەسىمەن مىقتاپ شۇعىلداندىم. العاشقى كەزدە بەس قاباتتى ءۇيدىڭ پودۆالىندا جاتتىقتىق. اق تەر, كوك تەر بولىپ جاتتىققان ەڭبەگىمىز ناتيجەسىن بەرە باستادى. سامبودان الەمنىڭ ەكى دۇركىن چەمپيونى ەرجان ومارباەۆ, الەم بىرىنشىلىگىنىڭ كۇمىس جۇلدەگەرى مارات قاراقونوۆ تا ءجانادىل اعانىڭ شاكىرتتەرى. مەن وبلىستىق, رەسپۋبليكالىق جارىستارعا قاتىسىپ, تاجىريبەمدى شىڭداي ءتۇستىم. باپكەرىمىز قاتال, كۇنىنە بىرنەشە ساعات ازىرلەنەتىنبىز,-دەيدى سول كەزدى ەسكە العان سەرىك اسىراندى ۇلى.
رەسەيدىڭ ۇركىت, تۋلا قالالارىندا وتكەن وداقتىق جارىستاردا دا سەرىك سان مارتە جەڭىمپاز اتانىپتى. قۇقىق قورعاۋ سالاسىندا قىزمەت ەتىپ, زەينەتكەرلىككە شىققاننان كەيىن دە ول ءوزى ۇناتاتىن سامبونى تاستاپ كەتكەن جوق. مىنە, كۇنى كەشە ارداگەرلەر اراسىندا ماروككودا وتكەن الەم بىرىنشىلىگىندە قولا القانى قانجىعاعا بايلاعان سەكەڭ الداعى ۋاقىتتا الەمدىك دودادا توپ جارۋ ءۇشىن جاتتىعۋلارىن جالعاستىرۋدا.
- سەرىك مەنىڭ جەرلەسىم. الپىس-ءتالتۇس دەيدى حالقىمىز. دەمەك, ول ءالى جاس.ونىڭ بەرگەنىنەن بەرەرى كوپ. اۋداندا اعاسىنىڭ جولىن قۋىپ كۇرەستى سەرىك ەتكەندەر قاتارى كوبەيۋدە. الداعى ۋاقىتتا ىنىمىزدە ساتتىلىك سەرىك بولا بەرسىن,-دەيدى وبلىستىق ارداگەرلەر كەڭەسىنىڭ توراعاسى, قول كۇرەسى مەن گىر سپورتىنان الەمنىڭ بىرنەشە دۇركىن چەمپيونى مۇقان اعزاموۆ.
وڭداسىن ەلۋباي,
جۋرناليست
شىعىس قازاقستان وبلىسى
كوكپەكتى اۋدانى.
