قازاقستان رەسپۋبليكاسى مادەنيەت جانە اقپارات ءمينيسترىنىڭ 2009 جىلعى 23 ناۋرىزداعى № 43 بۇيرىعىمەن بەكىتىلگەن

الماتى قالاسىندا ۇلى وتان سوعىسىندا ەرلىكپەن قازا بولعان مايدانگەر-دارىگەرلەرگە ارنالعان ەسكەرتكىشتىڭ تاڭداۋلى جوباسىنا ارنالعان رەسپۋبليكالىق اشىق كونكۋرس وتكىزۋدىڭ ءتارتىبى1. جالپى ەرەجەلەر 1. الماتى قالاسىندا ۇلى وتان سوعىسىندا ەرلىكپەن قازا بولعان مايدانگەر-دارىگەرلەرگە ارنالعان ەسكەرتكىشتىڭ ەڭ ۇزدىك جوباسىنا ارنالعان رەسپۋبليكالىق اشىق كونكۋرستى (بۇدان ءارى – كونكۋرس) قازاقستان رەسپۋبليكاسى مادەنيەت جانە اقپارات مينيسترلىگى وتكىزەدى. 2. كونكۋرستىڭ ماقساتى – ۇلى وتان سوعىسىندا ەرلىكپەن قازا بولعان مايدانگەر-دارىگەرلەردىڭ ەرلىگىن بەينەلەپ, ەسكەرتكىشتىڭ ناقتى مۇسىندىك-كوركەمدىك شەشىمىن تابۋ. 3. كونكۋرسقا ۇسىنىلعان جوبالار ان­سامبلدىك ۇيلەسىمدى شەشىممەن قورىتىندىلانعان جوعارى يدەيالىق جانە ساۋلەتتىك-كوركەم دەڭگەيدە ورىندالۋى ءتيىس. 2. كونكۋرستىڭ باعدارلاماسى 4. ۇلى وتان سوعىسىندا ەرلىكپەن قازا بولعان مايدانگەر-دارىگەرلەرگە ارنالعان ەسكەرتكىشتىڭ جوباسىن ىرىكتەۋ تالاپتارى: 1) جوعارى كوركەمدىك دەڭگەي, ەستەتيكالىق مانەرلىلىك, يدەيالىق مازمۇندىلىق, كوركەمدىك تۇتاستىق پەن ەرەكشە بىتىمدە بولۋى; 2) ءمۇسىن الىستان كوز تارتىپ, جەرگىلىكتى كەڭ كورىنىستىڭ (پانوراما) وزەكتى كومپوزيتسياسىنا اينالۋى كەرەك. 3. كونكۋرستىق جوبا ۇسىنىستارىنىڭ قۇرامى جانە ۇسىنىلاتىن ماتەريالداردى راسىمدەۋگە قويىلاتىن تالاپتار 5. كونكۋرستىق ماتەريالدار قۇرامىندا ۇسىنىلاتىن قۇجاتتار: 1) ورنالاستىرۋ سىزباسى م 1:100 كەم ەمەس; 2) باس جوسپار      م 1: 500 كەم ەمەس; 3) نۇسقا                م 1:50 كەم ەمەس; 4) ەسكەرتكىش قاسبەتتەرى جانە نەگىزگى مودەل 60ح80 سم پلانشەتتە; 5) مودەل ەسكيزى (ەسكيزدىك مودەلدىڭ ماتەريالى اۆتوردىڭ قالاۋىنشا ورىندالادى) م 1:10 كەم ەمەس; 6) ەسكەرتكىشتىڭ كوركەمدىك شەشىمى مەن كەڭىس­تىكتى ۇيىمداستىرۋ قاعيدالارى جانە نەگىزگى يدەياسى مازمۇندالعان №14 ولشەمدى ء“TىmesNewRoman” شريفتىمەن ءبىرىنشى جولارالىعىمەن باسىلعان 2-پاراقتان اسپايتىن ماتىننەن تۇراتىن, 2 دانا تۇسىنىكتەمە جازبا; 7) اۆتوردىڭ اتى-ءجونى, مەكەنجايى, تەلەفون­دارى تۋرالى اقپاراتتار جيناقتالعان كونۆەرت. بارلىق گرافيكالىق جۇمىستار 60 ح 80 سم پلانشەتتە بەرىلەدى. 4. كونكۋرس شارتتارى 6. كونكۋرسقا قاتىسۋعا اۆتورلىق جانە اۆتورلىق ۇجىمدار شاقىرىلادى. 7. كونكۋرسقا قاتىسۋشىلار ەسكەرتكىشتىڭ بەينەسىن تولىق اشۋ ءۇشىن ۇلى وتان سوعىسى مەن وعان قاتىسقان مايدانگەر-دارىگەرلەردىڭ قىزمەتى تۋرالى جان-جاقتى ءبىلىپ, ەسكەرتكىشتىڭ اۋقىمدىق قۇرىلىمى مەن فيزيكالىق ولشەمدەرىنىڭ سايكەستىگىن انىقتاۋ ماقساتىندا ەسكەرتكىش ورناتىلاتىن جەرمەن تانىسۋى قاجەت. 8. ەسكەرتكىش الماتى قالاسى, 28 گۆاردياشى-پانفيلوۆشىلار ساياباعىنداعى ء“ومىر ءۇشىن” اللەياسىندا ورناتىلادى. 9. ەسكەرتكىش ماتەريالى – قولا جانە بيىكتىگى تۇعىرىمەن قوسقاندا شامامەن 3-4 مەتر بولۋى كەرەك. 10. اۆتورلار كونكۋرس ماتەريالدارىن مادەنيەت جانە اقپارات مينيسترلىگىنىڭ مادەنيەت كوميتەتىنە 2010 جىلدىڭ 31 ناۋرىزىنا دەيىن ۇسىنۋى كەرەك. 11. كونكۋرسقا ۇسىنىلعان ماتەريالدارعا, سونداي-اق كونۆەرتتىڭ جوعارى وڭ جاق بۇرىشىنا التى تاڭبالى شيفر بەلگىلەنەدى. 12. كونكۋرس شارتتارىن ساقتاماعان ماتەريالدار كونكۋرسقا جىبەرىلمەيدى جانە كوميسسيادا قارالمايدى. 13. باعدارلاما جانە بايقاۋ شارتتارى بويىنشا قوسىمشا اقپارات الۋ ءۇشىن مىنا مەكەن-جايعا حابارلاسۋعا بولادى: 010000, استانا ق., ەسىل وزەنىنىڭ سول جاعالاۋى, “مينيسترلىكتەر ءۇيى” عيماراتى, قازاقستان رەسپۋبليكاسى مادەنيەت جانە اقپارات مينيسترلىگى مادەنيەت كوميتەتى, 15-كىرەبەرىس, 515 بولمە, ت/فاكس: 8(7172)740-434, 8(7172)740-430, ە-ءmaىl: ءmkى.gov.kz.