اۋىل شاراۋشىلىعى مينيسترلىگىنىڭ قولداۋىمەن قازاق ۇلتتىق اگرارلىق ۋنيۆەرسيتەتى, اگروتەحنولوگيالىق حاب جانە ازيا دامۋ بانكىمەن بىرلەسە ۇيىمداستىرىلعان سامميت جۇمىسىن قر ۇعا اكادەميگى تىلەكتەس ەسپولوۆ كىرىسپە سوزبەن اشىپ, حالىقارالىق پىكىرلەسۋ الاڭى اۋىل شارۋاشىلىعى سالاسىنىڭ باسەكەگە قابىلەتتى بولۋىنا مۇمكىندىك بەرەدى دەپ اتاپ ءوتتى.
اۋىل شارۋاشىلىعى مينيسترلىگىنىڭ جاۋاپتى حاتشىسى اسىلجان مامىتبەكوۆ 2028 جىلعا دەيىن سۋارمالى جەرلەردى دامىتۋ, اۋىل شارۋاشىلىعىن تسيفرلاندىرۋ, تەحنولوگيالاردى كوممەرتسيالاندىرۋ تاقىرىپتارىن قوزعاعان ءسامميتتىڭ العاشقى سەسسياسىندا اگروكەشەندى مەملەكەتتىك قولداۋدىڭ ماڭىزدىلىعىنا توقتالدى. قۇرعاقشىلىققا بەيىم, قۇبىلمالى اۋا رايىنا بايلانىستى ەلىمىزدە جوعارى ونىمدىلىككە سۋارمالى جەرلەردى كوبەيتۋ ارقىلى عانا قول جەتكىزۋگە بولادى. ەلباسى الدىعا قويىپ وتىرعان جوعارى ونىمدىلىككە, اۋىل شارۋاشىلىعى ونىمدەرىن 2,5 پايىزعا ارتتىرۋ مەجەسىنە جەتۋ ءۇشىن سۋارمالى جەرلەردىڭ جايىنا ەرەكشە كوزقاراس قاجەت. ال الداعى ون جىلدا سۋارمالى جەرلەردىڭ كولەمىن 1,4-تەن 3,5 ملن گەكتارعا دەيىن جەتكىزۋ مىندەتى تۇر. وسى ورايدا الەمدىك تاجىريبەنى يگەرۋدىڭ ماڭىزى زور. وسى تاقىرىپقا ارنايى شولۋ جاساپ وتكەن قر اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ توراعاسى يسلام ابىشەۆ 2018-2025 جىلدارعا دەيىنگى بولجامدارعا توقتالدى. ماماننىڭ ايتۋىنشا, جوعارى ىلعالدىلىقسىز ساپالى ءارى مول ونىمگە قول جەتكىزۋ مۇمكىن ەمەس. حالىقارالىق تاجىريبەگە جانە الەمدىك بانك زەرتتەۋلەرىنە سۇيەنەتىن بولساق, قازاقستاندىق اگراريلەردىڭ سۋعا شىعىنى 4 پايىزدان اسپاۋى قاجەت. سۋدى ۇنەمدەي وتىرىپ, جوعارى ونىمدىلىككە قول جەتكىزۋدە مەملەكەتتىڭ قولداۋى دا جەتكىلىكسىز بولىپ تابىلادى. مۇنداي جاعدايدا مەملەكەتتىك جەكەمەنشىك ارىپتەستىك ارقىلى سالاداعى بىرقاتار كەشەندى جۇمىستار جۇزەگە اسۋى ءتيىس.
ەلىمىزدىڭ جانە دە اقش, يتاليا, نيدەرلاندى, گەرمانيا, تۇركيا, تمد ەلدەرى عىلىمي ورتالىقتارىنىڭ جەتەكشى ماماندارى وزىق تاجىريبەلەرىمەن بولىسكەن سەسسيا وتىرىسىندا ميچيگان شتاتىنىڭ جەردى باقىلاۋ ورتالىعىنىڭ ديرەكتورى, دوكتور دزياگۋو چي, ەكونوميست رەنە اراۋيو ەنسيزو, ازيا دامۋ بانكىنىڭ قازاقستانداعى وكىلدىگىنىڭ باسشىسى دجيوۆانني كاپپانەللي, عالىم توماس سەللۋچچي, اكادەميك عاني قاليەۆ, قازاقستان قارجىگەرلەر قاۋىمداستىعى ءتورايىمى ەلەنا باحمۋتوۆا, ازىق-ت ۇلىك جانە اۋىل شارۋاشىلىق ۇيىمى ينۆەستيتسيالىق ورتالىعىنىڭ اگروبيزنەس جونىندەگى جەتەكشىسى يننا پۋندا, نيدەرلاندىنىڭ دەلفت حالىقارالىق گيدرولوگيالىق ينستيتۋتىنىڭ دوكتورى ۆيم باستياانسەن, اقش عالىمدارى كەن سپاەت, فيليپپ گەرتين, براين رەكتور جانە ت.ب. عالىمدار جايىلىمدىق جەرلەر مەن القاپتارعا مونيتورينگ جۇرگىزۋدە قاشىقتىقتان باقىلاۋ تەحنولوگيالارىن قولدانۋ, اگروونەركاسىپتىك كەشەندى جەتىلدىرۋ, جاڭا عىلىمي زەرتتەۋلەر, سۋ رەسۋرستارىن پايدالانۋدا عارىشتىق تەحنولوگيالاردى پايدالانۋ, ەت ءوندىرىسى, مال شارۋاشىلىعى, جىلىجايلاردا داقىلدار ءوسىرۋ, وسىمدىكتەردى قورعاۋداعى بيولوگيالىق ادىستەردى قولدانۋداعى وزىق جەتىستىكتەرمەن ءبولىستى.
ەلۆيرا سەرىكقىزى,
«ەگەمەن قازاقستان»
الماتى
