«جىلدىڭ جاس اقىنى» بولىپ مەرەي قارت تانىلدى

- قازىرگى زاماندا جاستارعا كوپ تالاپ قويىلادى, سىزدەر ەلدىڭ بولاشاعىسىزدار! ءبىز جاستار ساياساتىن ارقاشان قولداپ وتىرامىز. سىزدەرگە بارلىق جاقسىلىقتار مەن زور دەنساۋلىق, وتباسىلارىڭىزعا اماندىق تىلەيمىن,-دەدى قالا اكىمى ەرماك بيداحمەت ۇلى.

فورۋم بارىسىندا كوپشىلىك «Career guidance»,  «Elective», «Zhas Study»  «بيزنەس-ينكۋباتور كازگيۋيۋ», «InWave» سياقتى باعدارلامالارمەن دە تانىستى. فورۋم كەشىندە قالا اكىمىنىڭ سىيلىعىنا 11 ۇمىتكەر تاڭدالىنىپ الىنىپ, اقشالاي سىيلىق پەن ماراپاتتارىن الدى. ولاردىڭ قاتارىندا «جىلدىڭ جاس ۇيىمى» اتاۋىنا «نۇر وتان» پارتياسىنىڭ «جاس وتان» قاناتى يە بولدى. «جىلدىڭ جاس وتباسىنا» ەكى بىردەي وتباسى تاڭدالىنىپ الىندى. قوعام ومىرىنە بەلسەندى قاتىسۋشى ايبەك  جالەلوۆ پەن جارى ساۋلە, سونداي-اق,  ابايدىڭ مەملەكەتتىك قورىق-مۋزەيىنىڭ عىلىمي قىزمەتكەرى قۋات قيىقباي مەن جۇبايى ايگەرىم قابيدوللاقىزىن قالا اكىمى ەرماك ءسالىموۆ قۇتتىقتادى. ۇزدىك ستۋدەنت ەرنار امانگەلدى ۇلى «جىلدىڭ جاس ۆولەنتەرى» اتاعىنا يە بولدى. پاۋەرليفتينگىشى  تاستانبەكوۆ ەرجان «جىلدىڭ ۇزدىك سپورتشىسى» ماراپاتىنا يە بولدى. ەرجان ءوزى بالا كەزىنەن سپورتپەن اينالىسىپ, قاجىماس قايراتىن دالەلدەي ءبىلدى. ال  «جىلدىڭ جاس دارىنى» بولىپ اقىن, قازاقستان جازۋشىلار وداعىنىڭ سەمەي فيليالىنىڭ تورعاسى مەرەي قارت تانىلدى. مەرەي قارتتىڭ وسى ماراپاتقا لايىق ەكەندىگى ونىڭ جاس تا بولسا, كوپتەگەن قوعامدىق ىستەرگە ارالاسىپ, ءوزىنىڭ تالانتىمەن تانىلۋىندا, دەدى ۇيىمداستىرۋشى جاستار رەسۋرستىق ورتالىعىنىڭ ماماندارى. مەرەيلى قۇتتىقتاۋدان سوڭ بارلىعى ارنايى كونتسەرتتىك باعدارلامانى تاماشالادى. جىل ۇزدىكتەرى اتالعانداردىڭ بارلىعىنا ارنايى ديپلوم مەن 50 مىڭ تەڭگە اقشالاي سىيلىق تابىس ەتىلدى.

راۋشان قابجانقىزى,

سەمەي