جىلداعى ءداستۇر بويىنشا «تەڭىزشەۆرويل» جشس الماتىدا جۋرناليستەرىمەن جۇزدەسىپ, كومپانيا قىزمەتىنە قاتىستى اقپاراتتارمەن ءبولىسىپ وتىرادى. باق وكىلدەرىمەن وتكەن سوڭعى كەزدەسۋدە يمەر بوننەر «تەڭىزشەۆرويل» جشس (تشو) باس ديرەكتورى بولىپ تاعايىندالعانى ءمالىم بولدى.
2018 جىلدىڭ 1 جەلتوقساننان باستاپ ءوندىرىس ءبولىمىنىڭ باس مەنەدجەرى يمەر بوننەر «تەڭىزشەۆرويل» جشس-ءنىڭ باس ديرەكتورى تەد ەتچيسوندى الماستىردى.
«تەڭىزشەۆرويل» جشس-ءنىڭ باس ديرەكتورى قىزمەتىن ابىرويلى اتقارعان تەد ەتچيسون شەۆرون كورپوراتسياسىنداعى 38 جىلدىق ەڭبەك وتىلىنەن كەيىن زەينەتكە شىعىپ وتىر. تەد يندونەزيا, نيگەريا, قازاقستان جانە اقش-تىڭ ءتۇرلى بيزنەس بولىمشەلەرىندە جوبالاۋ, ءوندىرىس, باسقارۋ سالالارىندا ءار الۋان باسشىلىق قىزمەتتەردى اتقاردى.
بۇعان دەيىن بوننەر حانىم 2015 جىلدىڭ قاراشاسىنان باستاپ تشو-نىڭ ءوندىرىس جونىندەگى باس مەنەدجەرى قىزمەتىن اتقارعان. بۇل قىزمەتتە ول كاسىپورىننىڭ وندىرىستىك قىزمەتىنىڭ بارلىق قىرىنا, ياعني وندىرىسكە, بۇرعىلاۋعا, قاۋىپسىزدىككە, اقپاراتتىق تەحنولوگيالارعا, كەنىش يگەرۋدى نورماتيۆتىك قۇقىقتىق قامتاماسىز ەتۋگە جانە ماتەريالدىق-تەحنيكالىق جابدىقتاۋعا جاۋاپتى بولدى.
يمەر مانساپ جولىن ۇلىبريتانيادا, سولتۇستىك تەڭىزدەگى كەنىشتە مۇنايشى - ينجەنەر رەتىندە باستاپ, ۇلىبريتانيادا, تايلاندتا, قازاقستاندا, سونداي-اق كاليفورنيا شتاتىنىڭ سان-رامون قالاسىنداعى «شەۆرون» كورپوراتسياسىنىڭ باس كەڭسەسىندە جاۋاپكەرشىلىك دەڭگەيى ارتا تۇسكەن تەحنيكالىق قىزمەتكەردەن باسشىلىق لاۋازىمعا دەيىن كوتەرىلدى.
ونىڭ قازاقستانداعى قىزمەتى 2012-2013 جىلدارى «شەۆرون» كورپوراتسياسىنىڭ ەۋرازيا بولىمشەسىنە باسقارۋشى ديرەكتوردىڭ ورىنباسارلىعىنان باستالعان. ول بۇل قىزمەتتە NOJV كومپانياسىنىڭ ءازىربايجان مەن قازاقستانداعى قىزمەتىنە باسشىلىق ەتتى. سونداي-اق, يمەر ءوندىرىس پەن قايتا ينۆەستيتسيا جاساۋ پورتفەلىنە, ءوندىرىستى وڭتايلاندىرۋ جونىندەگى فۋنكتسيونالدىق توپتار قىزمەتىنە, ماركەتينگ پەن ءونىم وتكىزۋگە, بارلاۋ جۇمىستارىنا جاۋاپ بەردى.
بۇنىڭ الدىندا ول «شەۆرون تايلاند» بولىمشەسى نىسانىندا مەنەدجەر مىندەتىن اتقارىپ, ءۇش تەڭىز كەشەنىندەگى وندىرىسكە جاۋاپ بەردى جانە دە ءىرى كۇردەلى جوبانى تابىستى جۇزەگە اسىرۋعا, «شەۆرون» كومپانياسىنىڭ تايلاندتاعى اكتيۆتەرىن ۇلعايتۋ ءۇشىن ينۆەستيتسيا پورتفەلىن دايىنداۋعا باسشىلىق ەتتى.
ول بەلفاستتاعى كۆينس ۋنيۆەرسيتەتىندە «حيميا ينجەنەرى» ماماندىعى بويىنشا باكالاۆر دارەجەسىن, ال لوندونداعى يمپەريالىق كوللەدجدەن «حيميا ونەركاسىبى تەحنولوگياسى», «مۇناي-گاز ءوندىرىسى تەحنولوگياسى» ماماندىقتارى بويىنشا ەكى ماگيسترلىك دارەجە يەلەندى.
يمەر مايكل بوننەر اتتى جۇبايىمەن جانە ەكى قىزىمەن اتىراۋ قالاسىندا تۇرادى
ايناش ەسالي,
«ەگەمەن قازاقستان»
الماتى
