ايماقتار • 27 قاراشا، 2018

پاۆلوداردا وقۋشىلار شوكولاد ساتاتىن روبوت قۇراستىردى

591 رەت كورسەتىلدى

وبلىستىق ءبىلىم باسقارماسىنىڭ «اقپاراتتىق تەحنولوگيالار ورتالىعى» وتكىزگەن بايقاۋدا وبلىس ورتالىعىنداعى وقۋشىلار سارايىنىڭ روبوتوتەحنيكا كلۋبىنىڭ مۇشەلەرى نۇرات تاتەنوۆ، عالىمجان ابىشەۆ «Lego- داعى روبوتوتەحنيكا بويىنشا جوباسى» بويىنشا  «شوكولاد ساتاتىن ساۋدا اۆتوماتى» جوبالارى ءبىرىنشى ورىن الدى.

روبوتتى قۇراستىرعان نۇرات تاتەنوۆ  ى. التىنسارين اتىنداعى دارىندى بالالارعا ارنالعان قازاق گيمنازيا ينتەرناتىنىڭ، عالىمجان ابىشەۆ  باۋىرجان مومىش ۇلى اتىنداعى مەكتەپتىڭ وقۋشىلارى.  

- ءبىزدىڭ شوكولاد ساتاتىن روبوتتى جاساۋعا ەكى ايداي ۋاقىتىمىز كەتتى. جوبا بارىسىندا ءۇش رەت بۇزىپ، ءۇش رەت قايتادان قۇراستىردىق. سونىڭدا، بالالار شوكولاد ساتاتىن  روبوت جاساپ شىعاردى،- دەيدى روبوتوتەحنيكا كلۋبىنىڭ جەتەكشىسى قايرات سولتانالينوۆ.

شوكولاد جاساۋشى روبوت  قۇرىلعىنى جاساۋدا نۇرات ەرەكشە كوزگە ءتۇستى. ويتكەنى، ول كىشكەنتايىنان ءارتۇرلى ويىندار قۇراستىرۋدى جاقسى كورەتىن.

- نۇراتتىڭ  كامپيت ساتاتىن روبوت جاساۋ ارمانى ەدى.  وعان دوسى عالىمجان ابىشەۆ تە كومەكتەستى. وبلىستىق وبلىستىق ءبىلىم باسقارماسىنىڭ «اقپاراتتىق تەحنولوگيالار ورتالىعى» وتكىزگەن بايقاۋعا ولار شوكولاد ساتاتىن روبوت جاساپ الىپ باردى،-دەيدى ۇستازى قايرات

- روبوتتى ءۇش رەت قۇراستىرىپ، ءۇش رەت بۇزىپ تاستادىق. باستاپقىدا لەگو مەحانيزىمدە شوكولاد ساتاتىن روبوتتى  جاساپ كوردىك. بىراق، تەحنيكالىق بايقاۋدىڭ تالابى بويىنشا Lego education mindstorms Ev3 كونسترۋكتورى بويىشا جاساۋ كەرەك. ينتەرنەتتەن ساۋدا اۆتوماتتارىنىڭ ۆەن ماشينا مەحانيزمدەرىن قارادىق. تاعى  بۇزىپ تاستادىق. وڭاي بولعان جوق،-دەيدى نۇرات.

ءسويتىپ، نۇرات پەن عالىمجان قايرات ۇستازمەن بىرگە اۋەلى 50 تەڭگەلىكتەردى قابىلدايتىن تەتىك جاسايدى.  كەلەسى دە شوكولاد بەرەتىن مەحانيزىمىن قۇرادى. بىراق، اقاۋلىقتارى تاعى دا كەدەرگى كەلتىردى.

-تەتىك بىردەن ەكى شوكولاد تا بەرىپ قويادى. بۇل مەحانيزم دە جارامادى. تاعى دا ينتەرنەتكە جۇگىندىك. باسقا مەحانيزم ىزدەدىك، قۇرادىق، قايتا بۇزدىق. ەڭ سونىڭدا 50 تەڭگەنى قابىلدايتىن 1 شوكولاد ساتاتىن روبوتتى ويلاپ تاپتىق!-دەدى نۇرات پەن عالىمجان قوسارلانا.

بۇل اپپارات قالاي جۇمىس جاسايدى؟- دەگەن ءبىزدىڭ سۇراعامىزعا:

- الدىمەن باعدارلامانى قوساسىز. سونان سوڭ، 50 تەڭگەنى سالاسىز. روبوتتىڭ ەكرانىندا تۆيكس-مينيس دەگەن حابارلاما شىعادى. باتىرمانى باسىپ قالساڭىز بولدى-قولىڭىزعا شوكولاد تۇسەدى، -دەيدى ولار تاعى دا جارىسا.

جوبالارى جەڭىسكە جەتكەن سوڭ، ولار  مەكتەپتەرىنە بارىپ، دوستارىڭا سىنىپتاستارىڭا شوكولاد ساتىپ كوردى.

-بىراق، ارينە، بۇل ء الى بيزنەس ەمەس. وقۋشىلاردىڭ الەم جاڭالىقتارىنا دەگەن قىزعۋشىلىق، ىزدەنۋشىلىكتەرى عوي. وزگە دوستارىن دا سان قىرلى تەحنيكا ومىرىنە، روبوتتارمەن جۇمىس جاساۋعا تارتۋ. الداعى ۋاقىتتا سنيكەرس، باۋنتي  شوكولادتارىن ساتاتىن روبوت جاساۋعا كىرىستى،-دەيدى ۇستازدارى قايرات.

وقۋشىلار سارايىنىڭ باسشىسى الما ەرۋباەۆانىڭ ايتۋىنشا، ەلىمىزدەگى «تسيفرلى قازاقستان» باعدارلاماسى  بويىنشا اشىلعان «BALA BISNESS» تەحنوپاركى بالالارعا IT-تەحنولوگياسىن پايدالانىپ، بىلىمدەرىن جەتىلدىرۋگە مۇمكىندىك بەرۋدە

بالالار تەحنوپاركىنىڭ يننوۆاتسيالىق الاڭىندا تاجىريبەلىك جانە  كوممەرتسيالىق ماقساتتا پلاستيك ماتەريالداردان بۇيىمدار جاسايدى. ءاربىر اتا-انا بالالارىن 3D مودەلى ۇلگىمەن كومپيۋتەردە جاسالعان ناقتى نىساندى قۇرۋ ءۇشىن  ۇيىرمەگە اكەلە الادى.

IT-سىنىبىندا IT-رەسۋرستار، تسيفرلىك ءبىلىم الۋ رەسۋرستارىنا كوڭىل بولىنگەن. بۇل جەردە وزىق ويلى، زەرەك وقۋشىلار  Corel، Photoshop، AutoCAD باعدارلامالارىن يگەرىپ، بولاشاق ماماندىقتارىنا جول اشادى.

فاريدا بىقاي،

«ەگەمەن قازاقستان»

پاۆلودار

سوڭعى جاڭالىقتار

پرەزيدەنت جامبىل وبلىسىنا باردى

قازاقستان • بۇگىن، 11:43

ۇقساس جاڭالىقتار