سوڭعى قارداعى شاڭعى ءىزى
قازاقستان رەسپۋبليكاسى قورعانىس مينيسترلىگى اوسك-ءنىڭ ششۋچەدەگى وقۋ-دايىندىق ورتالىعىندا شاڭعىمەن باعدارلاۋ بويىنشا الەم كۋبوگىنىڭ ءۇشىنشى كەزەڭى اياقتالدى. اتالعان دودا 2013 جىلى ناۋرىز ايىنىڭ 3-11-ءى ارالىعىندا ريددەر قالاسىندا وتەتىن الەم چەمپيوناتىنا دايىندىق شەڭبەرىندە ۇيىمداستىرىلدى.
جارىسقا بولگاريا, يتاليا, قازاقستان, قىرعىزستان, نورۆەگيا, رەسەي, رۋمىنيا, اقش, فينليانديا, شۆەتسيا, شۆەيتساريا, ەستونيا سياقتى 12 ەلدىڭ مىقتى سپورتشىلارى مەن باعدارلاۋ سپورتى حالىقارالىق فەدەراتسياسىنىڭ وكىلدەرى رەتىندە IOF كونسۋلى ماريا ۆيتتا سيلۆا مەن يتاليا باعدارلاۋ فەدەراتسياسىنىڭ پرەزيدەنتى سەردجيو گريفوني قاتىستى.
قازاقستان رەسپۋبليكاسى قورعانىس مينيسترلىگى اوسك-ءنىڭ ششۋچەدەگى وقۋ-دايىندىق ورتالىعىندا شاڭعىمەن باعدارلاۋ بويىنشا الەم كۋبوگىنىڭ ءۇشىنشى كەزەڭى اياقتالدى. اتالعان دودا 2013 جىلى ناۋرىز ايىنىڭ 3-11-ءى ارالىعىندا ريددەر قالاسىندا وتەتىن الەم چەمپيوناتىنا دايىندىق شەڭبەرىندە ۇيىمداستىرىلدى.
جارىسقا بولگاريا, يتاليا, قازاقستان, قىرعىزستان, نورۆەگيا, رەسەي, رۋمىنيا, اقش, فينليانديا, شۆەتسيا, شۆەيتساريا, ەستونيا سياقتى 12 ەلدىڭ مىقتى سپورتشىلارى مەن باعدارلاۋ سپورتى حالىقارالىق فەدەراتسياسىنىڭ وكىلدەرى رەتىندە IOF كونسۋلى ماريا ۆيتتا سيلۆا مەن يتاليا باعدارلاۋ فەدەراتسياسىنىڭ پرەزيدەنتى سەردجيو گريفوني قاتىستى.
قازاقستاندىق سپورتشىلاردىڭ سوڭعى ەكى جىلداعى ناتيجەلەرى ايتارلىقتاي جوعارى. وتانداستارىمىزدىڭ ءوز ەلىندە وتكىزىلىپ وتىرعان الەم كۋبوگىندا جوعارى ناتيجە كۇتكەنى جاسىرىن ەمەس. بۇل جولى كوماندا قۇرامىندا الەمگە تانىمال سپورتشىلار بولدى. ولار – وتكەن جىلدارداعى الەم كۋبوگىنىڭ, الەم چەمپيوناتىنىڭ, قىسقى ازيا ويىندارىنىڭ جانە قازاقستان چەمپيوناتىنىڭ جەڭىمپازدارى مەن چەمپيوندارى ولگا نوۆيكوۆا, ميحايل سوروكين, ەلميرا مولداشەۆا, اسلان توقباەۆ, ۆيتالي ليليچەنكو, دەنيس ۆلاسوۆ. بۇل تىزىمگە بولاشاعى بار جاس سپورتشىلار داريا كورنەۆا, اسەم نازىروۆا, يۆان نەكليۋدوۆ, دميتري ءاداموۆيچتى دە قوسۋعا بولادى.
جارىستىڭ ءبىرىنشى كۇنى سپرينت قاشىقتىعى بويىنشا ولگا نوۆيكوۆا التىن مەدال يەلەنسە, ەرلەر كومانداسىنىڭ كوشباسشىسى 40 باعدارلاۋشىنىڭ اراسىنان 8-ورىندى باعىندىردى.
قالعان كۇندەرى دە ءبىزدىڭ جىگىتتەر ءوز شەبەرلىكتەرىن تانىتتى.
قازىرگى تاڭدا سپورتتىق باعدارلاۋ الماتى, استانا قالالارى مەن الماتى, شىعىس قازاقستان, باتىس قازاقستان, قاراعاندى, سولتۇستىك قازاقستان جانە جامبىل وبلىستارىندا دۇرىس جولعا قويىلعان.
