سۋرەتتى تۇسىرگەن: ولگا بۋگاەۆا
- اپپاراتتىق جيىندار ونلاين رەجيمدە ءوتۋى ءۇشىن كوممۋنيكاتسيا تارتۋ كەرەك, - دەدى ب. باقاۋوۆ. – ۇكىمەت وتىرىسىنداعى ءتارىزدى كەز كەلگەن ادام سايتقا كىرىپ قاراي الاتىنداي جاعداي جاساۋ قاجەت. جيىندا جۇرتشىلىق باق وكىلدەرى جاريالاعان, تاراتقان, كورسەتەتىن حابارالار ارقىلى عانا ەمەس, ونلاين رەجيمى ارقىلى اتقارىلىپ جاتقان ىستەردەن ۋاقىتىلى حاباردار بولۋى قاجەتتىگى ايتىلدى.
وبلىس اكىمدىگى وتەتىن اشىق وتىرىستار مەن جيىنداردى ينتەرنەت رەسۋرستاردا ونلاين تۇردە كورسەتۋ-كەز-كەلگەن ءوڭىر تۇرعىنى مەملەكەتتىك ورگاننىڭ سايتىنا كىرىپ, كورۋ الۋى ءۇشىن قاجەت.
ەگەر حالىق اكىمدىكتەردىڭ اتقارىپ جۇمىستارىنان حاباردار بولسا, ماسەلەلەر دە ازايادى, سۇراقتار دا شەشىمىن تابادى. ونلاين جۇيەسى تۇرعىندار سۇراقتارىنا ۋاقىتىلى جاۋاپ بەرۋگە مۇمكىندىك بەرەدى.
ناتيجەسىندە, جىل بويىنداعى ەسەپتىك كەزەڭدەگى كوپتەگەن سۇراقتارعا جاۋاپ بەرۋ مۇمكىندىگى تۋىندايدى. ءارى ينتەرنەتتى پايدالانۋشىلار اكىمدىكتە وتەتىن جيىن بارىسىندا كوتەرىلگەن ماسەلەلەردى كۇندەلىكتى كورىپ, ءبىلىپ وتىرادى.
سونىمەن بىرگە,ونلاين جۇيەسىندە تۇرعىندار اكىمدىكتىڭ باسقارما باسشىلارىنىڭ ەسەبىن دە تىڭداۋعا مۇمكىندىك الادى.
فاريدا بىقاي,
«ەگەمەن قازاقستان»
پاۆلودار
