«ارلاندار»: الدا جاۋاپتى سىن
2 ناۋرىز كۇنى استانادا «استانا ارلانس» پەن «مەحيكو سيتي گۋەرەروس» كوماندالارىنىڭ اراسىندا بۇكىلالەمدىك بوكس سەرياسى جارىسىنىڭ العاشقى شيرەك فينالدىق كەزدەسۋى ءوتتى.
بۇل ايقاستا «ارلاندار» قارسىلاستارىن جەڭىپ, جارتىلاي فينالعا شىعۋعا ءبىر قادام جاقىنداي ءتۇستى. وسى كۇنى «ارلاندار» ساپىندا مەرەي اقشالوۆ (61 كگ.) پەن رامجون احمەدوۆ (85 كگ.) جەكپە-جەكتەرىن ساۋاتتى ءوتكىزىپ, جەڭىسكە جەتسە, اسا اۋىر سالماقتاعى رۋسلان مىرساتاەۆقا قارسىلاسى گارسيا وماردىڭ كەزدەسۋگە كەلمەۋىنە بايلانىستى جەڭىس بەرىلدى. ال حابيبۋلا يسمايل-احۋنوۆ (54 كگ.) پەن رۇستەم سىباەۆ (73 كگ.), وكىنىشكە قاراي, ەميگديو ەلياس پەن «مەحيكونىڭ» ۋكراينالىق لەگيونەرى دميتري ميتروفانوۆتان ايلاسىن اسىرا المادى.
2 ناۋرىز كۇنى استانادا «استانا ارلانس» پەن «مەحيكو سيتي گۋەرەروس» كوماندالارىنىڭ اراسىندا بۇكىلالەمدىك بوكس سەرياسى جارىسىنىڭ العاشقى شيرەك فينالدىق كەزدەسۋى ءوتتى.
بۇل ايقاستا «ارلاندار» قارسىلاستارىن جەڭىپ, جارتىلاي فينالعا شىعۋعا ءبىر قادام جاقىنداي ءتۇستى. وسى كۇنى «ارلاندار» ساپىندا مەرەي اقشالوۆ (61 كگ.) پەن رامجون احمەدوۆ (85 كگ.) جەكپە-جەكتەرىن ساۋاتتى ءوتكىزىپ, جەڭىسكە جەتسە, اسا اۋىر سالماقتاعى رۋسلان مىرساتاەۆقا قارسىلاسى گارسيا وماردىڭ كەزدەسۋگە كەلمەۋىنە بايلانىستى جەڭىس بەرىلدى. ال حابيبۋلا يسمايل-احۋنوۆ (54 كگ.) پەن رۇستەم سىباەۆ (73 كگ.), وكىنىشكە قاراي, ەميگديو ەلياس پەن «مەحيكونىڭ» ۋكراينالىق لەگيونەرى دميتري ميتروفانوۆتان ايلاسىن اسىرا المادى.
ەندى قارىمتا كەزدەسۋ 9 ناۋرىز كۇنى مەحيكو قالاسىندا وتەدى. وسى جەردە جارتىلاي فينالعا قاي كوماندانىڭ شىعاتىنى بەلگىلى بولادى. ازىرشە, ءتىل كوزىمىز تاسقا, «ارلانداردىڭ» مەكسيكالىقتارعا قاراعاندا, كەلەسى اينالىمعا شىعۋعا مۇمكىندىگى كوپتەۋ. «ارلاندارعا» جارتىلاي فينالعا شىعۋ ءۇشىن «مەحيكودان» 4:1 ەسەبىمەن جەڭىلمەۋ كەرەك. ال ەگەر 3:2 ەسەبىمەن جەڭىلىپ جاتسا, وندا كوماندالار اراسىندا جارتىلاي فينالعا جولداما تاعى دا ساراپقا سالىنادى. سوندىقتان «ارلاندارعا» كەلەسى اينالىمعا شىعۋ ءۇشىن 5 جەكپە-جەكتىڭ ۇشەۋىن جەڭسە جەتكىلىكتى. سولاي بولاتىنىنا سەنگىمىز كەلەدى.
دەگەنمەن, «مەحيكو قالاسىنىڭ جاۋىنگەرلەرى» دە وڭاي شاعىلاتىن جاڭعاق ەمەس ەكەن. 2010 جىلدىڭ قاراشا ايىندا باستالعان بۇكىلالەمدىك بوكس سەرياسى جارىسىنا بيىل العاش رەت قاتىسىپ جاتقان بۇل كوماندا ءوزىن بەس ايدان بەرى جاقسى جاعىنان كورسەتە ءبىلدى. بۇعان ءبىزدىڭ «استانا ارلاندارىمەن» بولعان كەشەگى جەكپە-جەكتەردە تاعى كوزىمىز جەتتى. وسى كەزدەسۋدە مەكسيكالىق 54 كگ. سالماقتاعى ەميگديو ەلياس بەسىنشى وتكىزگەن ايقاسىندا بەسىنشى جەڭىسىنە جەتتى. ول ءبىزدىڭ حابيبۋلا يسمايل-احۋنوۆتى ايقىن باسىمدىقپەن ۇتتى. سول سياقتى «مەحيكولىق جاۋىنگەرلەر» ساپىنداعى ۋكراينالىق دميتري ميتروفانوۆتى دا جاقسى قىرىنان ايتۋعا بولادى. بۇل بوكسشى دا اۋەسقوي بوكستان ەندى كەلىپ, بەس راۋندقا ۇيرەنىپ جۇرگەن رۇستەم سىباەۆتان ايلاسىن اسىرىپ كەتتى. وسى جەكپە-جەكتە قازاقستاندىق سوڭعى راۋندقا دەيىن نامىستى قولدان بەرمەۋگە تىرىستى. بىراق شەبەردىڭ اتى – شەبەر, مەكسيكالىق جەڭىسكە جەتتى.
ال «ارلانداردىڭ» وزبەك لەگيونەرى رامجون احمەدوۆتى سول كۇنگى كەشتىڭ باتىرى دەسە بولادى. ول بيىلعى ماۋسىمدا ءۇش كەزدەسۋ وتكىزىپ, سونىڭ ءبارىن دە جەڭگەن بولاتىن. ال مىنا ايقاستا نامىسقا تىرىسقان احمەدوۆ مەكسيكانىڭ شۆەتسيالىق لەگيونەرى كاتەندە كەننەديدى ايقىن باسىمدىقپەن ۇتتى. احمەدوۆپەن كەزدەسۋگە دەيىن 4 رەت جەڭىپ, ءبىر رەت جەڭىلگەن شۆەتسيالىق لەگيونەر ءبىزدىڭ بوكسشىدان مۇنداي قارسىلىق كۇتپەدى دەسە بولادى. قىسقاسى, سول كۇنى كەشتەگى ەڭ ادەمى, ەڭ جاقسى بوكستى كورسەتكەن دە وسى احمەدوۆ بولدى. ونىڭ بەس راۋند بويى جاساعان سوققىلارى كەننەديدى ەسىنەن تاندىرا جازدادى.
61 كيلو سالماقتا كۇش سىناسقان مەرەي اقشالوۆ بولسا, مەكسيكالىق قارسىلاسى گۋتيەرەس انگەلدى وزىنە ءتان قيمىل-قوزعالىسىمەن, تاكتيكاسىمەن جەڭدى. ءسويتىپ, ول بيىلعى ماۋسىمداعى 4 كەزدەسۋىنىڭ ءبارىن جەڭىسپەن اياقتادى.
ال 9 ناۋرىز كۇنگى كەزدەسۋ «استانا ارلاندارى» ءۇشىن وتە جاۋاپتى سىن بولاتىنى ءسوزسىز. ويتكەنى, «مەحيكو قالاسىنىڭ جاۋىنگەرلەرى» – وسال كوماندا ەمەس. ەگەر «ارلاندار» ءوز توبىندا ءۇشىنشى ورىن الىپ, شيرەك فينالعا شىقسا, بۇل ۇجىم «ۆ» توبىندا ەكىنشى ورىندى يەلەنىپ, كەلەسى اينالىمعا جولداما العان. ولار توپتىق تۋرنيردە 10 كەزدەسۋ وتكىزىپ, سونىڭ التاۋىندا جەڭىسكە جەتكەن. بارلىق جيناعان ۇپايى – 20. وسى ايقاستاردا ولار «باكۋ وتتارىن» عانا العا ءجىبەرىپ قويدى. بىراق, ءوز توبىندا فرانتسيانىڭ «پاريج يۋنايتەد», گەرمانيانىڭ «لەيپتسيگ قابىلاندارى», قىتايدىڭ «بەيجىڭ ايداھارلارى», ءتۇركيانىڭ «ىستامبۇل بۇقالارى» كوماندالارىنىڭ ءبارىن ارتتا قالدىردى.
مەكسيكالىق ۇجىمنىڭ ساپىندا تالانتتى, تاجىريبەلى بوكسشىلار از ەمەس. ولاردىڭ اراسىندا ەميگديو ەلياس پەن حۋان رومەرو بار. كوماندادا ءالى قىرى مەن سىرى اشىلماعان لەگيونەرلەر دە كوپ. ماسەلەن, بولگاريالىق اۋىر سالماقتاعى ملادەن مانەۆتى, شۆەتسيالىق كەننەدي كاتانە مەن ۋكراينالىق دميتري ميتروفانوۆتى سولاردىڭ قاتارىنا جاتقىزۋعا بولادى.
ەگەر «ارلاندار» قارىمتا ماتچتا جەڭىلمەسە, وندا جارتىلاي فينالدا ماسكەۋدىڭ «دينامو» كومانداسىمەن كەزدەسەدى. بۇل كوماندا وتكەن جۇما كۇنى العاشقى شيرەك فينالدىق كەزدەسۋىندە سىرت الاڭدا گەرمانيانىڭ «لەيپتسيگ قابىلاندارى» كلۋبىن 5:0 ەسەبىمەن ۇتتى. تاعى ءبىر كەزدەسۋدە «مۋمباي جويعىشتارى» ءوز الاڭىندا «باكۋ وتتارىن» 3:2 ەسەبىمەن جەڭسە, «پاريج يۋنايتەد» پەن «ميلان نايزاعايى» ۇجىمدارى اراسىنداعى ماتچ ءسال كەيىنىرەك ءوتىپ, كەشە كەشكىسىن اياقتالدى.
داستان كەنجالين, سۋرەتتەردى تۇسىرگەن ورىنباي بالمۇرات.
