«بارىس» ءۇمىتتى اقتاسا يگى

1 ناۋرىز كۇنى استانانىڭ «بارىس» كومانداسى قۇرلىقتىق حوككەي ليگاسىنداعى پلەي-وفف باسە­كە­سىنىڭ العاشقى كەزدەسۋىن وتكىزدى. وكى­نىشكە قاراي, رەسەيدىڭ ماگنيتوگورسك قالاسىندا جەرگىلىكتى «مەتاللۋرگ» كلۋبىمەن كەزدەسكەن اس­تا­نالىقتار الاڭ يەلەرىنەن 3:2 ەسەبىمەن ۇتىلىپ قالدى.

1 ناۋرىز كۇنى استانانىڭ «بارىس» كومانداسى قۇرلىقتىق حوككەي ليگاسىنداعى پلەي-وفف باسە­كە­سىنىڭ العاشقى كەزدەسۋىن وتكىزدى. وكى­نىشكە قاراي, رەسەيدىڭ ماگنيتوگورسك قالاسىندا جەرگىلىكتى «مەتاللۋرگ» كلۋبىمەن كەزدەسكەن اس­تا­نالىقتار الاڭ يەلەرىنەن 3:2 ەسەبىمەن ۇتىلىپ قالدى.

جالپى, بۇل ماتچتىڭ تەڭ ءدا­رە­جەدە وتكەنىن ايتۋعا بولادى. كەزدەسۋدە «بارىستىڭ» ويىنشىلارى قور­­­­عانىستا قالىپ قويماي, ءجيى-ءجيى شا­­­­بۋىلدارعا شىعىپ, بۇكىل ويىن بويى قارسىلاستار قاق­پا­سى­نا قاۋىپ ءتون­دى­رۋمەن بولدى. دەگەنمەن, ويىندا ال­­عاشقى بولىپ الاڭ يەلەرى ەسەپ اشتى. ماتچتىڭ 37-ءشى مينوتىندە سۋشينسكي شايبانى ەرەمەەۆ قورعا­عان قاقپاعا توعىتسا, ودان كەيىن بۋت 40-ءشى مينوتتە ەكىن­شى شايبانى سوقتى.

وسىدان كەيىن نامىسقا تىرىس­قان قوناقتار ساپىنداعى پۋشكارەۆ 43-ءشى مينوتتە ەسەپتى قىس­قارت­تى. وسى شايبادان كەيىن كوزدى اشىپ-جۇمعانشا الاڭ يەلەرىنەن بوندارەۆ تاعى ءبىر شايبا سالدى. ال وي­­ىننىڭ نۇكتەسىن ءبىزدىڭ كو­مان­دانىڭ ساپىندا وينايتىن چە­حيا­لىق لەگيونەر كرەپس قويدى. ول 54-ءشى مي­نوتتە ەكىنشى شايبا سو­عىپ, ەسەپتى 3:2-گە قىسقارتتى. ودان ارىگە «با­رىس­تىڭ» شاماسى جەتپەدى.

كەشە كەشكىسىن  ماگنيتوگورسك مۇز ايدىنىندا پلەي-وفف كەزەڭى­نىڭ ەكىنشى كەزدەسۋى ءوتتى.

قۇرلىقتىق حوككەي ليگاسىنىڭ پلەي-وفف كەزەڭىندە «بارىس» حوككەي كلۋبى «شىعىس» توبىندا 6-شى ورىندى يەلەنگەن ەدى. ونىڭ قار­سى­لاسى – ماگنيتوگورسكىنىڭ «مەتال­لۋر­گى» وسى توپتا 3-ءشى ورىن العان بولاتىن.

ەكى كوماندا اراسىنداعى كەلەسى ەكى كەزدەسۋ ەندى 4 جانە 5 ناۋرىز كۇندەرى استانادا وتەدى.

داستان كەنجالين.