وتىرىستى اشقان گ.ابدىقالىقوۆا مەملەكەت باسشىسى نۇرسۇلتان نازارباەۆتىڭ « ۇلى دالانىڭ جەتى قىرى» اتتى باعدارلامالىق ماقالاسىنداعى «وتكەنىن ماقتان تۇتىپ, بۇگىنىن ناقتى باعالاي ءبىلۋ جانە بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى دەگەنىمىز وسى» دەگەن سوزىنە توقتالدى.
– بۇل باسىمدىقتار 2019 جىلى جاستار جىلىن وتكىزۋدىڭ نەگىزىنە اينالۋعا ءتيىس, – دەدى مەملەكەتتىك حاتشى.
جيىندا قوعامدىق دامۋ مينيسترلىگىنىڭ «قازاقستان 2020: بولاشاققا جول» قازاقستان رەسپۋبليكاسىنىڭ مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ جۇزەگە اسىرىلۋ بارىسى جونىندەگى مالىمەتى تىڭدالدى. 2018 جىلعى قىركۇيەكتە 18-29 جاس ارالىعىنداعى NEET جاستارىن, سونىڭ ىشىندە 2018 جىلعى تۇلەكتەردى جۇمىسپەن قامتۋ جانە الەۋمەتتەندىرۋ جونىندەگى جول كارتاسى بەكىتىلدى. قازاقستاندا 2018 جىلعى ەكىنشى توقساندا NEET ساناتىنداعى جاستار 7,7 پايىز (بىلتىرعى سايكەس كەزەڭدە 8,5 پايىز) بولعان. «بارشاعا تەگىن كاسىپتىك-تەحنيكالىق ءبىلىم بەرۋ» جوباسى اياسىندا 312 كوللەدجدە 381 ماماندىق بويىنشا 21 مىڭ ادام ءبىلىم الۋدا.
سونىمەن قاتار, ىشكى ىستەر جانە دەنساۋلىق ساقتاۋ مينيسترلىكتەرىنىڭ جاستار اراسىنداعى قۇقىق بۇزۋشىلىق پەن ءسۋيتسيدتىڭ الدىن الۋ جونىندەگى مالىمەتى تىڭدالدى. سوڭعى 5 جىل ىشىندە جاستار اراسىنداعى قىلمىس سانى (14-29 جاس ارالىعى) 5 پايىزعا ازايعان. ەلىمىزدىڭ جوعارى وقۋ ورىندارىنداعى جانە ستۋدەنتتەر جاتاقحاناسىنداعى ءتارتىپتى قامتاماسىز ەتۋ بارىسىندا پوليتسياعا جاردەمدەسەتىن 196 ستۋدەنتتىك جاساق قىزمەت اتقارادى. ولار بيىل 180 قىلمىستى اشكەرەلەپ, 5,4 مىڭنان استام اكىمشىلىك قۇقىق بۇزۋ جايتتارىن انىقتادى. 2017 جىلى 15-17 جاس مولشەرىندەگى جاستاردىڭ سۋيتسيد كورسەتكىشى 36,6 پايىزعا, ءوز-وزىنە قول سالۋ ارەكەتى 43,4 پايىزعا ازايعانى بايقالعان.
كەڭەس وتىرىسىندا 2019 جىلعا ارنالعان جۇمىس جوسپارى قارالدى.
سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا مەملەكەتتىك ورگاندارعا بىرقاتار ناقتى تاپسىرما بەردى.
