بۇگىن, 22 قاراشادا 15 جاڭا اۆتوبۋس «12» باعىتى بويىنشا جولعا شىقتى. اتىراۋ قالاسى اكىمىنىڭ ورىنباسارى مەيىرىم قالاۋيدىڭ ايتۋىنشا, وبلىس ورتالىعى قوعامدىق كولىك تۇجىرىمداماسىن جۇزەگە اسىرۋدى جالعاستىرۋدا.
«Daewoo» ماركالى جاڭا اۆتوبۋستار 21 ورىندىق جانە تۇرىپ تۇرۋعا 75 ورىنعا ارنالعان. ءاربىر جاڭا قوعامدىق كولىكتە ەلەكتروندى بيلەتتەردى ساتۋ جۇيەسى ەنگىزىلدى, سونداي-اق Gps-ترەكەرلەرى, ناتيجەسىندە مارشرۋتتار اراسىنداعى جىلدامدىقتى جانە ينتەرۆالدى باقىلاۋعا بولادى.
- ەگەر بۇرىن «12» باعىتىندا 10 اۆتوبۋس جۇرسە, قازىرگى كەزدە «اۆانگاردتان» سوڭعى «بالىقشى» ايالداماسىنا دەيىن 15 اۆتوبۋس شىعادى. ەسكى اۆتوبۋستاردى «2», «30» جانە «30ا» باعىتتارىندا جۇرەتىن بولادى. ءبىز بارلىق 15 ورتالىق اۆتوبۋستاردىڭ جاڭارتىلۋىن جوسپارلاپ وتىرمىز. سونىمەن قاتار, جۇرگىزۋشىلەر جەتىسپەۋشىلىگى ماسەلەسى شەشىلۋدە, بۇگىنگى تاڭدا قالالىق جۇمىسپەن قامتۋ ورتالىعىندا جولاۋشىلار كولىگىنىڭ جۇرگىزۋشىلەرىنە دەگەن سۇرانىس جالاقىنىڭ وسۋىنەن كەيىن ارتا ءتۇستى, مەنىڭ ويىمشا, جاقىن ارادا بۇل ماسەلە شەشىمىن تابادى,- دەيدى مەيىرىم قالاۋي.
ايتا كەتۋ كەرەك, جاڭا كادرلار جاڭا قوعامدىق كولىكتە جۇمىس ىستەۋ ءۇشىن جۇمىسقا قابىلداندى, ولار جۇمىس سيپاتتاماسىنا سايكەس وقىتىلدى جانە سەرتيفيكاتتالدى.
- جەرگىلىكتى بيۋدجەتتەن جاڭا اۆتوبۋستار ساتىپ الۋعا ەشقانداي قاراجات بولىنگەن جوق. قوعامدىق كولىك «برك-ليزينگ» اق وپەراتورى اۆتوبۋس پاركىن جاڭارتۋدىڭ جاڭا باعدارلاماسى بويىنشا ساتىپ الىندى. بولاشاقتا اتىراۋ اەا اتىراۋ وبلىسىنىڭ اكىمدىگىمەن بىرلەسە وتىرىپ جاڭارتۋ بويىنشا جۇمىستاردى جالعاستىرامىز, دەپ مالىمدەدى «اتىراۋ» اكك »اق باسقارما توراعاسىنىڭ ورىنباسارى دانيار تاحاۋوۆ.
ايتا كەتەيىك, اتىراۋ قالاسىندا «اتىراۋ» اكك »اق قاتىسۋىمەن وبلىستىق اكىمدىكتىڭ قولداۋىمەن جەرگىلىكتى تاسىمالداۋشىلارمەن بىرگە «Atyrau-Avtopark», جاڭا اۆتوبۋس پاركى قۇرىلدى, مۇندا سەمەيدەن 120 اۆتوبۋس ساتىپ الىنعان. 2018 جىلدىڭ سوڭىنا قاراي سەمەيدەن قوسىمشا 30 جاڭا اۆتوبۋس, ال 2019 جىلدىڭ قاڭتارىندا تاعى 55 بىرلىك قوعامدىق كولىك كەلمەك. سونداي-اق 2019 جىلى قوسىمشا 200 جاڭا اۆتوبۋس ساتىپ الۋ جوسپارلانۋدا.
ءبىر جىل بۇرىن اتىراۋ وبلىسىنىڭ اكىمى نۇرلان نوعاەۆ اتىراۋداعى قوعامدىق كولىكتىڭ جاڭا تۇجىرىمداماسىن ەنگىزۋ تۋرالى جاريالادى. جولاۋشىلار تاسىمالى رەفورماسى جاڭا اۆتوبۋستار ساتىپ الۋدى, قوسىمشا باعىتتاردى دامىتۋدى, سونداي-اق قالالىق قوعامدىق كولىكتە قىزمەت كورسەتۋ ساپاسىن جاقسارتۋدى قامتيدى.
