16 قاراشا، 2018

اسىل بولۋعا اسىققاندار

188 رەتكورسەتىلدى

اڭساپ جەتكەن اتاجۇرتتىڭ توپىراعىنا تابانى تيگەن ساتتە-اق تىلمەن ايتىپ جەتكىزگىسىز سەزىمنىڭ قۇشاعىنا بولەنگەن. سول اسەردەن كوپكە دەيىن ارىلا المادى. تىرشىلىكتىڭ قىم-قۋىت شارۋاسى دا ەستەن شىققان. ءوڭ مەن ءتۇستىڭ اراسىندا جۇرگەندەي بولعان اعايىن كەيىن ءومىر اعىسىنا ىلەسىپ، اتا قونىسقا قازىعىن قاعىپ، جەرسىنىپ كەتتى.   

بيىل شورتاندى اۋدانىنا بەس وتباسى، ياكي 18 ادام قونىس­­­تاندى. بىلاي قاراعاندا تىم از بولعانىمەن، انا ءتىلى مەن ۇلتتىق سالت-ءداستۇرىنىڭ مۇر­تىن بۇز­­­باي ساقتاعان وسى اعايىننىڭ سارى ور­مانداي سامساعان وزگە جۇرتتىڭ قاق ورتاسىنا توپ ەتە ءتۇسۋى دە ءبىر ولجا. زايىرى شورتاندى تىڭنىڭ ەپيتسەنترى اتانعان ولكە. اۋىل-ايماقتىڭ ءبارى دەر­لىك تىڭگەرلەردىڭ قونىسى. تاۋەل­سىزدىك العانعا دەيىن وز­گە ءتىل، بوتەن سالت-ءداستۇر جاي­­لاعان جەر ەدى. ەندى مىنە، بىر­تە-بىرتە ءوز تو­پىراعىمىزدا ءوزى­مىزدىڭ ءوڭىمىز جادىراپ كەلەدى. تاۋبە دەرلىك. 

شورتاندى اۋدانىنىڭ حا­لىقتى جۇمىس­پەن قامتۋ ور­تا­لىعىنىڭ باسىم باعىت­تا­رى­نىڭ ءبىرى – اتاجۇرتقا قو­نىس اۋدارعان اعايىنعا مۇم­كىن­­دىگىنشە قول­داۋ كورسەتۋ. ورتا­لىق ءوز جەرى بولسا دا، ءاپ ەتكەن بەتتە جاتىرقاپ قاراعان جان­دارعا مەملەكەتتىك قولداۋ تۇر­لەرىنىڭ قاندايىنا قول جەت­كىزۋگە بولاتىنىن، ورتاعا بەيىم­دەلىپ، جۇمىستى قالاي تابۋ كەرەكتىگىن تاپتىشتەپ تۇ­­سىن­دىرۋدە.   

– اتاجۇرتقا كوشىپ كەلگەن اعايىن­عا سۋبسيديا تۇرىندە كو­مەك كورسەتىلەدى، – دەي­دى اۋدان­­­­دىق حالىقتى جۇمىسپەن قام­تۋ ورتالىعىنىڭ ديرەكتورى ەرلان جاپاروۆ، – ءاربىر ادام­عا 35 ايلىق ەسەپتىك كور­سەتكىش كو­­لەمىندە قارجى بولىنەدى. وعان قوسا، پاتەر جال­داپ تۇرۋ قاجەت بولسا، وتەم­اقىسى دا قا­راس­تىرىلعان. ول كەلىسىمشارت ارقىلى نەگىزدەلەدى.  قونىس اۋدارعان وتباسى ءبىر جىل بويى وسى كومەككە ارقا سۇيەيدى. 

ءبىر كەزدە تورتكۇل دۇنيەنىڭ ءتورت بۇ­رى­­شىنا تارىداي شا­شىلعان قان­داستارى­مىزدىڭ ءبىرى – مامان قىدىربەك قى­تاي­دان كوشىپ كەلىپ وتىر. ازىر­گە نوۆو­­كۋبانكا اۋىلىندا پاتەر جالداپ كۇ­نەلتۋدە. 

– قول قۋسىرىپ قاراپ وتى­­رۋ­دىڭ ءجونى جوق، – دەيدى ما­­مان اپاي، – ازىن-اۋلاق مال ساتىپ الىپ، تىربانىپ جا­­­­تىر­مىز. ءالى-اق قاتارعا قو­سىلىپ كە­تەمىز عوي. تاۋبە، تۋ­عان جەردىڭ توسىنە جەتتىك. ەندى قالعانى وڭاي. اۋەل باس­تا قينالىپ قالامىز با دەپ قورىققانىمىز دا راس. بى­راق ەل ىستىق قۇشاعىن جا­­يىپ، باۋىرىنا تارتىپ­ جاتىر. قام­قورلىق كورسەت­كەن مەملەكەتىمىزگە دە، ەل اعا­لا­رىنا دا مىڭ دا ءبىر راحمەت. سولاردىڭ جاناشىرلىعىنىڭ ار­قا­سىندا بالالارىمىز­ دا جەتىلىپ ءوسىپ، قاتار قۇربىلارى­مەن ۇيرەنىسىپ قالدى. 

اپايدىڭ ايتۋىنا قاراع­­ان­دا، اتا قو­نىسقا ۇرپاعى ءۇشىن جەتكەن. جەلكىلدەپ ءوسىپ كە­لە جات­قان باۋىر ەتى – بالالارى ءوز­ جۇرتىندا وسسە ار­مان بار ما؟! جانە ءبىر ءسو­زى كوكىرەگىمىزدى ۋىل­­جىتىپ جى­بەردى. 

– سول بالالار، – دەيدى اپاي،­ – ەل­گە ماسىل ەمەس، اسىل بو­­­ل­ۋعا كەلىپ وتىر. اسىل­دىعى، ءوز ­ەلى­نىڭ كوركەيۋىنە ۇلەس­تەرىن قوس­پاق. بايلام سول، ماقسات تا وسى. 

وسىنداي اتالى سوزدەن اينالىپ كەت­سەڭ بولماي ما؟!.

بايقال ءبايادىل،

«ەگەمەن قازاقستان»

اقمولا وبلىسى، شورتاندى اۋدانى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار