GE Healthcare تسيفرلى تەحنولوگيالاردى قولدانۋمەن دەنساۋلىق سالاسىنداعى بىرىڭعاي اقپاراتتىق جۇيەنى ازىرلەۋگە قاتىستى جوبالار بويىنشا بىرلەسكەن قىزمەتتىڭ نەگىزگى باعىتتارىن بەلگىلەيدى. قۇجاتقا سايكەس تاراپتار الەۋمەتتىك ماڭىزدى اۋرۋلاردى الدىن الا انىقتاۋ مەن ءتيىمدى ەمدەۋ, دياگنوستيكانىڭ دالدىگىن ارتتىرۋعا باعىتتالعان تەلەراديولوگيا, تەلەونكوراديولوگيا جانە ءسۇت بەزدەرى وبىرى بويىنشا سكرينينگ جونىندەگى تەلەمەديتسينالىق ساراپتاۋ ورتالىقتارىن, سونداي-اق رەسپۋبليكالىق كلينيكالىق مۇراعاتىن اشۋ بويىنشا مۇمكىندىكتەرگە تالداۋ جۇرگىزۋگە ۋاعدالاستى.
سونداي-اق كەلىسىم دەنساۋلىق ساقتاۋ مينيسترلىگىنىڭ «قازاق ونكولوگيا جانە راديولوگيا عىلىمي-زەرتتەۋ ينستيتۋتى» رمك بازاسىندا تەلەمەديتسينالىق ورتالىق ۇيىمداستىرۋ ءۇشىن GE Healthcare تسيفرلى مۇمكىندىكتەردى قولدانۋ ارقىلى قاناتقاقتى جوبانى ىسكە اسىرۋدى قولعا الادى. بۇل وبلىستىق ونكوديسپانسەرلەردىڭ دارىگەرلەرىنە ونكولوگياداعى كۇردەلى جاعدايلاردىڭ دياگنوستيكاسى كەزىندە مامانداردىڭ قاشىقتان قوسىمشا كەڭەس الۋىنا مۇمكىندىك بەرەدى.
جانە دە, GE Healthcare وڭىرلىك ۆەندور-بەيتاراپ مۇراعاتتاردى قالىپتاستىرۋ مەن ەلەكتروندى قۇجات اينالىمىن ۇيىمداستىرۋ بويىنشا اقپاراتتىق جانە كەڭەس بەرۋ ارقىلى قولداۋ كورسەتەدى دەپ جوسپارلانۋدا.
قۇجاتتا دەنساۋلىق ساقتاۋ ۆيتسە-ءمينيسترى ولجاس ابىشەۆپەن جانە ورتالىق ەۋروپا, شىعىس ەۋروپا, رەسەي جانە تمد-عى GE Healthcare Digital ۆيتسە-پرەزيدەنتى ديتمار سەيفريدسبەرگەر قول قويدى.
مەموراندۋمعا قول قويۋدى تۇسىندىرە وتىرىپ, ورتالىق ەۋروپا, شىعىس ەۋروپا, رەسەي جانە تمد-عى GE Healthcare Digital ۆيتسە-پرەزيدەنتى ديتمار سەيفريدسبەرگەر ء«بىز دەنساۋلىق ساقتاۋ سالاسىندا قازاقستان رەسپۋبليكاسىمەن تىعىز ىنتىماقتاستىقتا بولۋ مۇمكىندىگىمىزدىڭ بار بولعانىنا قۋانىشتىمىز جانە GE Healthcare تەحنولوگيالارى تسيفرلى مەديتسينانى دامىتۋ بويىنشا ءوڭىردىڭ اعىمداعى جانە ستراتەگيالىق مىندەتتەرىن شەشۋگە, سونداي-اق جالپى مىڭداعان پاتسيەنتتەر ءۇشىن ساپالى مەديتسينالىق كومەككە قولجەتىمدىلىكتى ارتتىرۋعا مۇمكىندىك بەرەتىنىنە سەنىمدىمىز», دەپ اتاپ ءوتتى.
ءوز كەزەگىندە, دەنساۋلىق ساقتاۋ ۆيتسە-ءمينيسترى و.ابىشەۆ مەموراندۋمعا قول قويۋ قورىتىندىسى بويىنشا «بۇگىن GE Healthcare تسيفرلى مەديتسينانىڭ جاھاندىق نارىعىنداعى باستى ارىپتەستەردىڭ ءبىرى. ارىپتەستىك قاتىناستار حالىققا قولجەتىمدى بولاتىن وزىق تەحنولوگيالاردى ەنگىزە وتىرىپ, قازاقستانداعى تسيفرلى دەنساۋلىق ساقتاۋ سالاسىن ايتارلىقتاي دامىتۋعا مۇمكىندىك بەرەدى», دەپ تۇيىندەدى.
راۋان قايدار,
«ەگەمەن قازاقستان»
