كەنشىلەر استاناسىندا بيىلعى جىلدىڭ العاشقى «اۋىل − بەرەكە» جارمەڭكەسى ءوتىپ, قالا تۇرعىندارى نارىقتاعىدان الدەقايدا تومەن باعاعا ازىق-ت ۇلىك ونىمدەرىن ساتىپ الدى. بۇل جولى جالپى كولەمى 500 توننادان استام ەت پەن ءسۇت ونىمدەرى, كوكونىستىڭ بىرنەشە ءتۇرى ساۋداعا تۇسكەن بولاتىن.
قالا تۇرعىندارىنا ىڭعايلى بولۋى ءۇشىن ساۋدا نۇكتەلەرى ورنالاسقان جەرگە جەرگىلىكتى بيلىك وكىلدەرى ارنايى اۆتوبۋستار ۇيىمداستىردى. سا-ۋدا ورىندارىن جالعا الۋ تەگىن بولعاندىقتان, تاۋارلار تومەندەتىلگەن باعامەن ساتىلدى.
جارمەڭكە ويىن-ساۋىقسىز وتكەن بە؟! وساكاروۆ اۋدانىنان كەلگەن قوناقتار جايما بازار تورىندە «باۋىرساق-شوۋ» ۇيىمداستىردى. باحارشى قاۋىم ۇيدە پىسىرىلگەن باۋىرساقتان ءدام تاتتى. ال سورەلەردىڭ ماڭىندا ورنالاسقان ساحنادا ءوڭىردىڭ ونەرپازدارى شاعىن كونتسەرت قويىپ, جارمەڭكە كورىگىن قىزدىردى.
قايرات ءابىلدا,
«ەگەمەن قازاقستان»
قاراعاندى
