الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى اينۇر مۇقاجانوۆانىڭ ايتۋىنشا, بيىلعى اعىمداعى جىلدىڭ 1 قاڭتارىنان اتاۋلى الەۋمەتتىك كومەك (ااك) جاڭا نۇسقادا كورسەتىلىپ كەلەدى. جاڭا نىسانداعى ااك جان باسىنا شاققانداعى ورتاشا تابىسى كەدەيلىك شەگىنەن اسپايتىن (الماتى قالاسى بويىنشا 15 919 تەڭگەنى قۇرايدى) ازاماتتارعا كورسەتىلەدى. كەدەيلىك شەگى ەڭ تومەنگى كۇنكورىس دەڭگەيىنىڭ 50 پايىزىن قۇرايدى جانە ءار توقسانعا ەسەپتەلەدى. بيىلعى جىلدىڭ IV توقسانىنا كۇنكورىس دەڭگەيىنىڭ كولەمى 31 838 تەڭگەنى قۇراپ وتىر.
اتاۋلى الەۋمەتتىك كومەكتىڭ شارتسىز جانە شارتتى اقشالاي ەكى ءتۇرى قاراستىرىلعان. ونى تاعايىنداۋ ءۇشىن قالالىق حالىقتى جۇمىسپەن قامتۋ ورتالىعىنا بارىپ ءوتىنىش بەرۋ قاجەت. وندا وتباسى قۇرامى تۋرالى, ء(وتىنىش بەرۋشىنىڭ وتباسى مۇشەلەرىنىڭ) تاپقان تابىسى جايلى جانە جەكە قوسالقى شارۋاشىلىعىنىڭ بار-جوعى تۋرالى مالىمەتتەرمەن قاتار الەۋمەتتىك كەلىسىمشارتتىڭ كوشىرمەسى مەن ءوتىنىش بەرۋشىنىڭ (وتباسى مۇشەلەرىنىڭ) تۇرعىلىقتى جەرى بويىنشا تىركەلگەنىن راستايتىن قۇجاتتىڭ كوشىرمەسىن تىركەۋ قاجەت.
بيىلعى جىلدىڭ 9 ايىندا 491 وتباسىنا (2 387 ادامعا) 100 ملن تەڭگە مولشەرىندە ااك تاعايىندالعان. ونىڭ ىشىندەگى 54 جۇمىسسىزدىڭ 50-ءى تۇراقتى جانە ۋاقىتشا جۇمىس ورىندارىنا, 4-ەۋى كاسىپتىك وقىتۋ كۋرستارىنا جىبەرىلدى. بۇل باعدارلاما شەگىندە از قامتىلعان ازاماتتارعا اتاۋلى الەۋمەتتىك كومەك الۋ مۇمكىندىگى, جۇمىسقا ورنالاستىرۋ ماقساتىندا تەگىن كاسىپتىك وقىتۋ مەن قايتا وقىتۋ جانە بيزنەس-جوبالارىن جۇرگىزىپ نەمەسە جوسپارلاپ جۇرگەن جۇمىسسىزدار ءۇشىن شاعىن نەسيە الۋ مۇمكىندىگى بار. مۇنىڭ ناتيجەسىندە وتباسىنىڭ تابىسى تۇراقتالىپ, ەڭبەك نارىعىندا بەيىمدەلۋ مۇمكىندىگى پايدا بولادى.
باسقارمانىڭ الەۋمەتتىك تولەمدەر ءبولىمىنىڭ باس مامانى مۇراتبەك سەيناسينوۆتىڭ ايتۋىنشا, قالا تۇرعىندارىن تسيفرلى ەفيرلىك تەلەراديو حابارلارىن تاراتۋعا تولىق كوشىرۋ ماقساتىندا قۇرىلعىلارمەن قامتاماسىز ەتۋ جالعاسىن تاۋىپ كەلەدى. بۇگىنگى تاڭدا اتاۋلى الەۋمەتتىك كومەك 491 وتباسىنا تاعايىندالعان, ونىڭ ىشىندە 133-ىنە جالعامالار ورناتىلعان. جالعامالاردى الۋ ءۇشىن تىركەلگەن تۇرعىلىقتى مەكەنجايى بويىنشا باسقارمانىڭ اۋداندىق بولىمدەرىنە ءوتىنىش بىلدىرۋگە بولادى.
الەۋمەتتىك قورعاۋ جونىندەگى ۆەدومستۆوارالىق كوميسسياسىنىڭ مالىمەتتەرى بويىنشا الماتىدا حالىقتى الەۋمەتتىك جاعىنان قامتاماسىز ەتۋ ماقساتىندا الداعى ۋاقىتتا 1,3 مىڭ جاڭا جۇمىس ورنى قۇرىلادى. بۇل مۇمكىندىكتەرى شەكتەۋلى, زەينەتكە دەيىنگى جاستاعى تۇلعالار جانە جاستاردى قامتىماق. سونداي-اق قىسقا مەرزىمدى كۋرستاردان جىل سايىن 1-1,5 مىڭ ادامعا دەيىن قابىلدانادى. «شاشتاراز», «تىگىنشى» سياقتى 50 ماماندىق بويىنشا قوسىمشا ءبىلىم الۋعا مۇمكىندىكتەر قاراستىرىلعان. كۋرستاردىڭ ۇزاقتىعى 1-6 اي.
ەلۆيرا سەرىكقىزى,
«ەگەمەن قازاقستان»
الماتى
