مەديتسينا • 16 قاراشا، 2018

ومىرگە قۇشتارلىقتىڭ ەرەن ۇلگىسى

206 رەتكورسەتىلدى

جاسى وتىزعا دا تولماعان جاس كاسىپكەر نۇربولات قا­را­باسوۆ­تىڭ ءومىرىن قاي­سار­لىقتىڭ، ومىرگە دەگەن قۇش­تارلىقتىڭ ەرەن ۇل­گىسى دەر ەدىك.  

ءبىزدىڭ كە­يىپ­كەرىمىز 1989 جىلى تۋعان قا­زىرگى تۇر­­كىستان وبلىسى، سا­رى­اعاش اۋدانىنىڭ تۋماسى. مەكتەپتى تەزىرەك ءبىتى­رىپ، جوعارى وقۋ ورنىنا ءتۇ­سىپ، اتا-اناما قولعابىس ەت­سەم، بيىك بەلەستەردى با­عىن­­­­دىرسام دەگەن اسقاق ار­مان­­­­­داردىڭ جەتەگىندە جۇر­گەن بوزبالانىڭ ءومىرى اياق اس­تىنان كۇرت وزگەرەتىنىن كىم بىل­گەن؟! 

ول 2006 جىلدىڭ 14 اق­پا­نىندا كولىك اپاتىنا ۇشى­راپ، مۇگەدەكتەر ارباسىنا­ تا­ڭىلدى. الاڭسىز البىرت جاس­تىقتىڭ ءتاتتى كەزدەرىن ەندى كورە باستاعان شاعىندا بۇل وقي­عا وعان ۇلكەن سوققى بولدى. كەۋ­دە ومىرتقاسىنىڭ ج ۇلىن جا­راقاتىنىڭ سالدارىنان دە­نەسىنىڭ تومەنگى جاعىنىڭ تو­لىق پاراليزاتسياسى دياگنوزى قويىلىپ، نۇربولات ءبىرىنشى توپ­تا­عى مۇگەدەكتەر قاتارىنا قوسىل­­­دى. ول قاي­عىلى جاعدايعا ۇشى­را­عاندا نەبارى 16 جاستا ەدى. ­دا­رىگەرلەر قويعان اۋىر دياگ­نوز، ارباعا تاڭىلعان تاع­دىر... بارلىق قۋانىشتى كۇندەرى كوزىنەن بۇلبۇل ۇشىپ، كوز الدىن تەك قارا تۇنەك باسقانداي. تەپسە تەمىر ۇزە­تىن كەزىندە مۇگەدەكتەر ار­باسىندا وتىرۋ اۋىر ءتيدى، ۇيدەن شىعا الماي، ءتورت قا­بىرعا ىشىندە ءمانسىز 6 جىل ءومىرىن وتكىزگەن.

نۇربولات بەرىكباي ۇلى 2015 جىلى تالدىقورعان قالاسىندا «اسار» وڭالتۋ ور­تالىعىنىڭ اشىلعانىن كەزدەيسوق ەستىدى. ءسوي­تىپ قايت­­سەم دە ەڭسەمدى كوتەرۋىم كە­رەك دەپ، وسى ورتالىققا با­رۋعا شەشىم قابىلداعان. وسىلايشا ارمان جەتەگىنە ەرىپ، جەتىسۋ وڭى­­رىنە باردى. ارينە بوتەن قا­­لا­عا ۇيرەنۋ جالعىز وزىنە قيىن سوققانى راس. الايدا، تابي­عاتىنان اقكوڭىل، وزگەلەرمەن تەز ءتىل تابىساتىن قاسيەتىنىڭ ار­قا­سىندا جاڭا ورتادا كوپ دوس­تار تاپتى. 10 جىل ارباعا تا­ڭىل­عاننان كەيىن الدىمەن ەڭ­بەك­تەپ ۇيرەنىپ، كەيىن لانگەت ار­قىلى اياعىمەن تۇرا باس­تادى. وڭال­تۋ ورتالىعىندا ءجۇرىپ قول قۋسىرىپ وتىرعان جوق. قوسىمشا جۇمىستارعا اتسالىستى، قالانىڭ ءتۇرلى قوعامدىق ءىس-شارالارىنا قاتىسىپ، ءوز ازاماتتىق پوزيتسياسىن ءبىلدىرىپ، بەلسەندىلىك تانىتىپ جۇرەدى. قانشا قيىندىقتى باسىنان وتكىزسە دە، بۇل وڭىرگە كەلگەنىنە ەش وكىنگەن ەمەس.

«تاس تۇسكەن جەرىنە اۋىر»­ دەمەك­شى، نۇربولات ءۇشىن كۇن­دە­لىكتى قولاربامەن جال­عىز ءجۇرۋ قيىن بولعان­دىق­تان، ول ءوزى سياق­تى جان­دارعا قالا ىشىندە وزدى­گىنەن ءجۇرىپ-تۇرۋعا، تəۋەلسىز سە­زى­نۋىنە كو­مەكتەسۋ كەرەك دە­­گەن ويعا كە­لەدى. «ەر­لىك» قوعامدىق بىرلەس­تى­گىن­دە ديسپەتچەردىڭ كو­مەك­­شىسى، ودان كەيىن «اۆ­توۆولونتەرلەر» جو­باسىندا ديسپەتچەر بولىپ جۇمىس ىستەدى. 

2017 جىلى نۇربولات Zhasproject جوباسى جايىندا ەستيدى. ونىڭ كوكەيىندە كوپتەن بەرى جۇرگەن ءبىر يدەيا – مۇمكىندىگى شەكتەۋلى جان­داردىڭ ەركىن ءجۇرىپ-تۇ­رۋىنا مۇمكىندىك جاساۋ ەدى. وسى ماقساتىنا قول جەتكىزۋ ءۇشىن بيزنەس جوبا جاساپ، جاڭا جو­باعا قاتىسۋ تۋرالى شەشىم قا­بىلدادى. قايسارلىعى مەن ەڭبەك­قورلىعىنىڭ ارقا­سىن­­دا جوبا جەڭىمپازى اتانىپ، «Zhasproject» جاستار كورپۋسىن دامىتۋ جوباسى ۇيلەستىرۋ اگەنتتىگى تارا­پى­نان قاجەتتى قارجىعا قول جەت­­­ك­ىزدى، ويداعى ارمانىن ىس­كە اسى­­رۋعا كىرىستى. ول بۇل قار­جىعا قى­تايدان 4 ەلەكتر قوندىرعىسىن ساتىپ الادى. 

– بۇگىنگى تاڭدا 50-دەن استام ەلەكتروموبيل مۇگە­دەك جاندارعا ەركىن قاتىناسۋ مۇمكىندىگىن بەرىپ وتىر، دەمەك مەن ولاردىڭ 10 مىڭ شا­­­قىرىم جولدى قينالماي با­عىن­دىرۋىنا مۇمكىندىك تۋ­عىزدىم دەگەن ءسوز. ادەتتە، قارا­پايىم قولاربامەن ادامدار كۇنىنە 5-6 شاقىرىم جۇرەتىنىن ەسكەرسەك، كۇنىنە 30 شاقىرىمدى ساعاتىنا 22 شاقىرىم جىلدام­دىقپەن ءجۇرۋدىڭ قانداي جەتىستىك ەكەنىن بىلسەڭىزدەر عوي! ەلەكترلى جەتەك، ياعني ەلەكتروموبيل بىز­گە بۇرىن مۇمكىن بولماعان كە­دەر­گىلەردى باعىندىرۋعا جول اش­تى. بىراق ەڭ ماڭىزدىسى جىل­دامدىق ەمەس، ءبىز سياقتى ار­باعا تاڭىلعان جانداردىڭ ءتورت بولمەنىڭ ورتاسىندا قامالىپ وتىرماي، دالاعا ءوز بەتىنشە شى­عىپ سەرۋەندەپ ءجۇرۋى. وزگە قاتارلاستارى سىندى قوعاممەن تىعىز قارىم-قاتىناستا بولۋدىڭ ءوزى ءبىر باقىت. ءبىز دە قوعام­­­نىڭ تولىق مۇشەسى رەتىندە جۇمىسقا ارالاسىپ، ەلى­مىز­دىڭ بولاشاعى ءۇشىن ەڭ­بەك ەتكىمىز كەلەدى. ۇلى اباي­دىڭ «سەن دە ءبىر كىرپىش دۇ­نيەگە، كەتىگىن تاپ تا، بار قا­لان» دەپ ايتقانىنداي، مەن دە ءوز ەڭبەگىم ارقىلى قوعامنىڭ دامۋىنا ۇلەسىمدى قوسسام دەيمىن» دەپ ويىمەن ءبولىستى نۇربولات قا­را­باسوۆ. نۇربولاتتىڭ الداعى ماقساتى − جوبانى ەلىمىزدىڭ بارلىق قالا­لارىندا ىسكە اسىرىپ، قو­لاربا قولدانۋشىلارعا جولداعى كەدەرگىلەردى جويۋ جانە تەڭ مۇمكىندىكتەرمەن قامتاماسىز ەتۋ. 

نۇربولاتتىڭ جۇرەگىندە ءۇمىت وتىن جاعىپ، ونىڭ ومىرگە قاي­تا ورالۋىنا، قوعامنىڭ ءبىر مۇشەسىنە اينالۋىنا سەبەپ بولعان «Zhasproject» جوباسىنا قىسقاشا توقتالىپ كەتەيىك. اتالعان جاستار كورپۋسىن دامىتۋ جوباسى – حالىقارالىق قايتا قۇرۋ جانە دامۋ بانكىنىڭ جانە ءبىلىم جانە عىلىم مينيسترلىگىنىڭ بىرلەسكەن جوباسى. ۇيلەستىرۋ اگەنتتىگى جوبانى 2017-2020 جىلدار ارالىعىندا جۇزەگە اسى­­­رۋدى جوسپارلاپ وتىر. وت­كەن جىلدارى ەلىمىزدىڭ 4 اي­ماعىن وڭتۇستىك قازاقستان، پاۆ­لودار، قاراعاندى جا­نە الماتى وبلىستارىن قام­­­تىعان جوبا 589 جوباعا قار­جى الىپتى. وسىلايشا

2 مىڭعا تارتا جاس ازامات وز­­دەرىنىڭ الەۋمەتتىك جوبا­لارىن جۇزەگە اسىرۋعا مۇم­­كىندىك العان. بيىلدىڭ وزىندە «Zhasproject» اقتوبە، قوستاناي، قىزىلوردا، شى­عىس جانە سولتۇستىك قا­زاق­­ستان وبلىستارىنداعى مىڭ­نان استام جاستىڭ كەۋدەسىندە ءۇمىت وتىن جاقتى. نۇربولات قاراباسوۆ سىندى تاعدىردان سوققى السا دا ومىرگە دەگەن قۇشتارلىعى كوپشىلىككە ۇلگى بولاتىن جاستاردى قولدايتىن جوبالار كوپ بولسا دەيسىڭ مۇندايدا. 

اسلان قانعوجين،

جۋرناليست

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار