اتاۋلى جىلدىڭ بەلگىلەنۋى جاستار ومىرىنە الاڭدايتىن ازاماتتار ءۇشىن جاقسى جاڭالىق بولدى. قۋانتا تۇرا, بۇل ۇسىنىس ماعان ءۇمىت پەن كۇدىك سىيلادى.ءۇمىتىم ۇنەمى ء«بىزدىڭ بولاشاعىمىز» دەگەن ادەمى تىركەسپەن ايتىلاتىن جاستارعا دا ءبىر جىل ارنالىپ, جاس بۋىننىڭ ساياسي-الەۋمەتتىك, ماتەريالدىق, رۋحاني احۋالىن جاقسارتاتىن ماڭىزدى باعدارلامالار جاسالاتىن جىل بولادى دەيدى. ال, كۇدىگىم بۇل جولى قۇرعاق ۇرانداردى كوتەرگەن فلەشموبتار كوبەيىپ, «جاستار جىلى» كوشەدەگى الاۋلاعان, جالاۋلاعان شارالارمەن اياقتالىپ قالماسا ەكەن دەيدى.
جاستاردىڭ اقپاراتتىق تەحنولوگيانى جەتىك مەڭگەرىپ, وزىق ويلى مامان, بىلىكتى باعدارلاماشى عانا ەمەس, ماڭىزدى سالالاردا تىڭ جاڭالىقتار اشۋىنا ىقپال ەتەتىن جوبالارعا كوڭىل بولىنگەنى ابزال. قازاقتا «نە ەكسەڭ, سونى وراسىڭ» دەگەن ءسوز بار, جاستار كومپيۋتەر ءتىلىن جانە اعىلشىن ءتىلىن, وزگە دە شەتەل تىلدەرىن جەتىك مەڭگەرسە «تسيفرلى قازاقستان» سىندى الىپ مىندەتتەردى الدىنا قويعان ەلىمىزدىڭ شىن تىرەگى بولىپ, اۋقىمدى ىستەردى ءوز قولدارىمەن قينالماي جۇزەگە اسىراتىن بولادى.
وزىق وي, ىزگى يدەيالارمەن جاراقتالعان, ناتيجەلى جۇمىسقا نەگىزدەلگەن جوبالار رەسپۋبليكالىق دەڭگەيدە قولدانىسقا يە بولسا دەگەن وي بار.
جاستار ماسەلەسىنە كوڭىل ءبولىپ, ارنايى جىل بەلگىلەگەنى ءۇشىن ەلباسىمىز نۇرسۇلتان ءابىش ۇلىنا العىسىمىز شەكسىز, ەندىگى مىندەت قازاقستان حالقىنىڭ موينىندا, ول – مەملەكەتتىك ورگاندار مەن جاستار ساياساتى باسقارمالارى جاستارمەن بىرلەسىپ اتالمىش جىلدى ابىرويمەن وتكىزۋى جانە تەك وتكىزىپ قانا قويماي جاستار ومىرىنە وڭ اسەرىن بەرەتىن ناتيجەلى ىستەرگە قول جەتكىزۋ.
تيمۋر بەكتۇر,
IT مامانى, «Timur academy»
جوباسىنىڭ جەتەكشىسى
ماڭعىستاۋ وبلىسى
