قازاقستان تاراپىن سىرتقى ىستەر ءمينيسترىنىڭ ورىنباسارى رومان ۆاسيلەنكو, ال شۆەتسيالىق تاراپىن شىعىس ەۋروپا جانە ورتالىق ازيا دەپارتامەنتىنىڭ ديرەكتورى اندرەاس فون بەكەرات باسقاردى.
كەلىسسوزدەر بارىسىندا قازاقستان-شۆەتسيا ىنتىماقتاستىعىن جانداندىرۋدىڭ كەڭ اۋقىمدى ماسەلەلەرى, ونىڭ ىشىندە قۇقىقتىق جانە كونسۋلدىق, عىلىم جانە تەحنولوگيالار, ءبىلىم بەرۋ باعدارلامالارى تالقىلاندى.
ەرەكشە نازار ساۋدا-ەكونوميكالىق ىنتىماقتاستىقتى نىعايتۋعا, اتاپ ايتقاندا ەكى ەلدىڭ بيزنەس دەلەگاتسيالارىنىڭ ءوزارا ساپارلارى ارقىلى قازاقستاندا شۆەتسيالىق كومپانيالارىنىڭ بولۋىن كەڭەيتۋ (قازىرگى ۋاقىتتا 40-تان استام) قاجەتتىلىگىنە اۋدارىلدى.
ر. ۆاسيلەنكو 2017 جىلى شۆەتسيا سولتۇستىك ەۋروپادا قازاقستاننىڭ نەگىزگى ساۋدا ارىپتەسىنە اينالعانىن اتاپ ءوتتى. سونىمەن قاتار, قازاقستان ەكونوميكاسىنداعى ينۆەستيتسيالىق مۇمكىندىكتەر جانە شەتەلدىك ينۆەستورلار ءۇشىن ارتىقشىلىقتار تۋرالى حابارلاپ, شۆەتسيالىق كومپانيالاردى «استانا» حالىقارالىق قارجى ورتالىعىنىڭ, «Astana Hub» حالىقارالىق IT-ستارتاپتار تەحنوپاركىنىڭ, جاسىل تەحنولوگيالار جانە ينۆەستيتسيالىق جوبالار حالىقارالىق ورتالىعىنىڭ جۇمىستارىنا جانە ءورازا ارەكەتتەرىنە قاتىسۋعا شاقىردى.
انىقتاما: 2018 جىلدىڭ قاڭتار-قىركۇيەك كەزەڭىندە ەكى ەل اراسىنداعى تاۋار اينالىمى 374,2 ملن.دوللاردى (ەكسپورت – 273,9 ملن.دولل., يمپورت – 100,2 ملن.دولل.), ال 2017 جىلى – 314 ملن. دوللاردى (ەكسپورت – 191 ملن.دولل., يمپورت – 123 ملن.دولل.) قۇرادى.
سونىمەن قاتار, مەملەكەت باسشىسىنىڭ «استانا كلۋبى» وتىرىسىندا ايتقان 2020 جىلى قاۋىپسىزدىك جانە ىنتىماقتاستىق جونىندەگى كونفەرەنتسياسىن وتكىزۋدى, سونداي-اق يادرولىق ارسەنالداردى ودان ءارى قىسقارتۋ جونىندەگى كەلىسسوزدەردى جانداندىرۋ قاجەتتىلىگى بويىنشا باستامالارى تۋرالى حاباردار ەتتى.
ا. فون بەكەرات شۆەتسيا قازاقستاننىڭ حالىقارالىق ارەناداعى كۇش-جىگەرىن جوعارى باعالايتىنىن جانە ونى الەمدەگى ەڭ قارقىندى دامىپ كەلە جاتقان ەكونوميكالاردىڭ ءبىرى دەپ سانايتىنىن اتاپ ءوتتى. بۇعان شۆەتسيانىڭ ساۋدا سالاسىنداعى ىنتىماقتاستىعى ءۇشىن 26 باسىم ەلدىڭ قاتارىنا قازاقستاننىڭ ەنۋى دالەل.
كەزدەسۋ بارىسىندا وڭىرلىك ىنتىماقتاستىقتىڭ پەرسپەكتيۆالارى, ەاەو اياسىنداعى ىنتىماقتاستىق جانە ورتالىق ازياداعى اعىمداعى ۇدەرىستەر بويىنشا تەرەڭ پىكىر الماسىلدى. اۋعانستاندى قالپىنا كەلتىرۋگە جاردەمدەسۋ ماسەلەلەرى دە تالقىلاندى.
سونىمەن قاتار كوپجاقتى فورماتتاعى ىنتىماقتاستىق, اتاپ ايتقاندا 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرى رەتىندە قازاقستان مەن شۆەتسيانىڭ ءوزارا ءىس-قيمىلى, يادرولىق قارۋدى تاراتپاۋ جانە يادرولىق قاۋىپسىزدىك سالاسىنداعى, سونداي-اق گەندەرلىك تەڭدىكتى قامتاماسىز ەتۋ ماسەلەلەرى ەرەكشە قىزىعۋشىلىق تۋدىردى.
تاراپتار اعىمداعى جىلدىڭ 23 قاراشاسىندا بريۋسسەلدە وتەتىن «ەۋروپالىق وداق – ورتالىق ازيا» 12-ءشى مينيسترلىك كەزدەسۋىنە دايىندىقتى جانە ەو-نىڭ ورتالىق ازيا بويىنشا جاڭا ستراتەگياسىنىڭ دايىندالۋ بارىسىن قاراستىردى.
