سەسسيادا وبلىستا اسسامبلەيا اياسىندا جاسالعان جۇمىستار قورىتىندىلاندى.
سەسسيا بارىسىندا قازاقستان حالقى اسسامبلەياسى توراعاسىنىڭ ورىنباسارى ۆيتاليا يونوتۆاريوناس قۇتتىقتاۋ ءسوز سويلەدى. سونداي-اق, «قىرعىزستان-استانا» قوعامدىق بىرلەستىگىنىڭ توراعاسى ش. يسمايلوۆ, «بۋلگار» تاتار ەتنومادەني بىرلەستىگىنىڭ وكىلى, StreetWorkaut 2018 جىلالەم چەمپيونى ي.ياگياەۆ, جيھاز شىعارۋ تسەحىنىڭ ديرەكتورى ا.چيگين, ءسوز سويلەدى. ش. ەسەنوۆ اتىنداعى كمتيۋ «قازاقستان حالقى اسسمابلەياسى» كافەدراسىنىڭ مەڭگەرۋشىسى ا.مامبەتوۆا ەلباسى جولداۋىن تالقىلاپ, قحا جانىنداعى عىلىمي-ساراپتامالىق توپتىڭ اتقارعان جۇمىستارىنا توقتالدى.
«ۆايناح» شەشەن جانە ينگۋش ەتنو مادەني بىرلەستىگىنىڭ وكىلى د. ەليمحانوۆ: «كەلەسى جىلدى ەلباسىمىز جاستار جىلى دەپ جاريالاعانى بەلگىلى, بۇل, جاستارعا كوبىرەك كوڭىل بولىنەدى دەگەن ءسوز. سوندىقتان, ءبىز, ءوز ەڭبەگىمىزبەن, بىلىمگە قۇشتارلىعىمىزبەن جانەناقتى ىستەرىمىزبەن ەلىمىزدىڭ داڭقىن شىعارۋعا مىندەتتىمىز! بىزگە تاۋەلسىزدىكتى ساقتاۋ جانە نىعايتۋ ءۇشىن ەرەكشە جاۋاپكەرشىلىك جۇكتەلدى!» دەدى ءوز بايانداماسىندا.
سەسسيا سوڭىندا بەلسەندى قوعامدىق قىزمەتى, ۇلتتىق بىرلىكتى نىعايتۋعا جانە قوعامنىڭ رۋحاني دامۋىنا قوسقان ۇلەسى ءۇشىن وبلىستىق ەتنومادەني بىرلەستىكتەر مۇشەلەرىنە العىس حاتتار تابىستالدى.
ءىس-شارا سوڭىندا سەسسيا قاتىسۋشىلارى مەن قوناقتارعا كىشىگىرىم كونتسەرتتىك باعدارلاما ۇسىنىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
