ءوندىرىس سالاسىن تسيفرلاندىرۋدىڭ بۇدان باسقا دا ۇتىمدى تۇستارى كوپ. ەكى جىل بۇرىن «ەمبىمۇنايگاز» اق «ۋاز» كەن ورنىندا «ينتەللەكتۋالدى كەن الاڭى» جوباسىن ىسكە قوسقان ەدى. سونىڭ ناتيجەسىندە ەلەكتر ەنەرگياسىن پايدالانۋ كورسەتكىشى, ۇڭعىمالاردى جوندەۋ شىعىنى, جەراستى جوندەۋ جۇمىستارى ايتارلىقتاي ازايدى. ەندى وپەراتور ماماندار بۇرىنعىداي جازدىڭ اپتاپ ىستىعى مەن قىستىڭ قاقاعان سۋىعىندا ۇڭعىمالاردى تەكسەرىپ, ىستەن شىققان جاعدايدا كەن الاڭدارىن ارالاپ جۇرمەيدى. ءبارى اۆتوماتتى تۇردە جانە قاشىقتىقتان جۇزەگە اسادى. قوندىرعىلارعا تۇسەتىن اۋىرتپالىق ازايعاندىقتان, كوپ بۇزىلمايدى. قاۋىپسىزدىك تە ساقتالادى, ياعني ديسپەتچەرگە دابىل كەلىپ تۇسسە, اپاتتى جاعداي بولا قالسا, جابدىق اۆتوماتتى تۇردە توقتاتىلادى.
ەلباسى حالىققا جولداۋىندا «يندۋستريالاندىرۋ جوباسى جاڭا تەحنولوگيالاردى ەنگىزۋدە كوشباسشى بولۋى ءتيىس», دەپ اتاپ وتكەن بولاتىن. «ينتەللەكتۋالدى كەن الاڭى» جوباسى وتكەن جىلى «پرورۆا» كەن ورنىندا قولعا الىنسا, بيىل بۇل قاتارعا «جاڭاتالاپ» قوسىلدى. «2024 جىلعا دەيىن كومپانيانىڭ 12 كەن الاڭىنا جوبا تاراتىلادى. مۇنداعى ماقسات – مۇناي ءوندىرۋ پروتسەستەرىن وڭتايلاندىرۋ, ءوندىرىس بارىسىندا تۋىنداعان پروبلەمالار بويىنشا جەدەل شەشىم قابىلداۋ جانە تالداۋ», دەيدى ء وندىرىستى اۆتوماتتاندىرۋ جانە اقپارات تەحنولوگياسى دەپارتامەنتىنىڭ ديرەكتورى بولات نىسانباەۆ.
«قازمۇنايگاز» ءبو» اق اقپاراتتىق تەحنولوگيا تپابج دەپارتامەنتىنىڭ ديرەكتورى تالعات ماحامبەتوۆ: «ينتەللەكتۋالدى كەن الاڭى» جوباسىنىڭ باستى باعدارى «قازمۇنايگاز» ءبو» اق ءوندىرۋشى اكتيۆتەرىندە ءوندىرىستى باسقارۋدىڭ قازىرگى زامانعى كەشەندى جۇيەسىن قۇرۋ, – دەيدى. − بۇگىندە ەمبىدە جوبانى پرورۆا توبى كەن ورىندارىندا كەڭەيتۋ, وزەندە مگوتس جەلىسىنىڭ جەدەل ەسەبىن الۋدى قايتا جاڭارتۋ, «قازگەرمۇنايدا» كەن ورىندارىن اۆتوماتتاندىرىلعان جۇيەدە باقىلاۋ جانە باسقارۋ, «قاراجانباسمۇنايدا» مۇناي ايداۋ تسەحتارىندا سۇيىقتىق بالانسىن ەسەپكە الۋدى اۆتوماتتاندىرۋ جۇيەسى ورىندالۋدا. «قمگ ءبو» اق-دا 2017 جىلى تالداۋ جانە شەشىم قابىلداۋ ورتالىعى قۇرىلىپ, بۇل بارلىق وندىرىستىك اقپاراتتى شىن مانىندەگى رەجىمدە قامتاماسىز ەتەتىن اۋديو-ۆيدەو جابدىقتارمەن قامتاماسىز ەتىلگەن. «ينتەللەكتۋالدى كەن الاڭى» جوباسىنىڭ پەريمەترى «قمگ ءبو» اق-تىڭ باسىم كەن ورىندارىنان الىناتىن مۇناي-گاز قورىنىڭ 90%-دان استامىن قامتيدى».
«ەمبىمۇنايگاز» اق باسقارما توراعاسى ءانۋار جاقسىبەكوۆتىڭ ايتۋىنشا, الەمدىك مۇناي-گاز سالاسى ينتەللەكتۋالدى كەن الاڭدارىن قۇرۋعا الداعى بەس جىلدا 1 ملرد دوللار قاراجات جۇمساۋدى جوسپارلاپ وتىر. ەمبىنىڭ «تسيفرلى كەن الاڭى» جوباسى وتكەن جىلى IX بۇكىلرەسەيلىك «مۇناي-گاز سالاسىنداعى 10 ۇزدىك ءىت-جوبا» بايقاۋىندا ۇزدىك دەپ تانىلدى. مەملەكەت باسشىسى نۇرسۇلتان نازارباەۆ «تسيفرلى قازاقستان» مەملەكەتتىك باعدارلاماسىنا ەنگىزىلگەن جوبا جۇمىسىمەن تامىز ايىندا اتىراۋعا كەلگەن ساپارىندا تانىسىپ, وڭ باعاسىن بەرگەن بولاتىن. يننوۆاتسيالىق جوبانىڭ يگىلىگى كوپ ەكەنىن تاجىريبە كورسەتىپ وتىر.
باقىتگۇل باباش,
«ەگەمەن قازاقستان»
اتىراۋ
