IBU كۋبوگى الەم كۋبوگى كەزەڭدەرىنە قاتىسۋ كۆوتاسىن كوبەيتۋگە مۇمكىندىك بەرەدى. IBU كۋبوگىندە جيناعان ۇپاي سانى سپورتشىلارعا الەم كۋبوگى كەزىندە قاجەت بولادى.
قازاقستان كومانداسى 11-27 قاراشا ارالىعىندا يدرە قالاسىندا وقۋ-جاتتىعۋ جيىندارىن وتكىزۋدى جوسپارلاپ وتىر. جاتتىعۋ جيىنى ءۇشىن اتالعان ەلدىڭ تاڭداپ الىنۋى دا بەكەر ەمەس. باسشىلىق سپورتشىلاردىڭ جەرگىلىكتى كليماتقا بەيىمدەلىپ, الداعى جارىسقا تىڭعىلىقتى دايىندالۋىنا جاعداي جاساۋدا.
شۆەتسياعا اتتاناتىن قازاقستان قۇراماسى مۇشەلەرىن نازارلارىڭىزعا ۇسىنادى.
ايەلدەر قۇراماسى: گالينا ۆيشنەۆسكايا, داريا كليمينا, اناستاسيا كوندراتەۆا, ەليزاۆەتا بەلچەنكو, ليۋدميلا احاتوۆا.
ەرلەر قۇراماسى: ۆلاديسلاۆ ۆيتەنكو, رومان ەرەمين, انتون پانتوۆ, ماكسيم براۋن, تيمۋ كۋتس ي پەتر ەرمولەنكو.
يدرەدە وتەتىن IBU كۋبوگىنىڭ ءبىرىنشى كەزەڭى 29 قاراشا مەن 2 جەلتوقسان ارالىعىنا جوسپارلانعان.
IBU كۋبوگىنىڭ العاشقى كەزەڭىنەن سوڭ دەرەۋ الەم كۋبوگى كەزەڭى دە باستالادى. ءبىرىنشى كەزەڭ سلوۆەنيانىڭ پوكليۋكا قالاسىندا, 2 جەلتوقسان كۇنى وتەدى. اتالعان جارىسقا قاتىساتىن كوماندا قۇرامى كەيىنىرەك بەلگىلى بولماق.
ەسكە سالا كەتەيىك, بيىلعى ماۋسىمدا IBU كۋبوگىنىڭ 8 كەزەڭى, الەم كۋبوگىنىڭ 9 كەزەڭى جانە الەم چەمپيوناتى وتكىزىلەدى.
