بۇل تۋرالى وبلىس اكىمى قىرىمبەك كوشەرباەۆ:
- ەلباسىنىڭ بەس الەۋمەتتىك باستاماسىنا سايكەس بۇگىندە قىزىلوردا وبلىسىنىڭ اۋماعىندا 1747 پاتەرلىك تاعى 69 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە. كەمىندە 55-ءىن بيىل ىسكە قوسامىز, ولاردىڭ قاتارىندا سىرداريانىڭ سول جاعالاۋىنداعى 14 كوپپاتەرلى تۇرعىن ۇيدەن قۇرالاتىن تۇتاس شاعىن مولتەك اۋداندى پايدالانۋعا بەرۋ جوسپارلانىپ وتىر, - دەدى.
ءسوز ىڭعايىندا ايتا كەتەيىك, 2013 جىلدان باستاپ قولعا الىنعان ايماقتاعى اپاتتى جاعدايداعى كەزەكتە تۇرعان ءۇي يەلەرىنىڭ ماسەلەسى 2017 جىلى وڭ شەشىمىن تاپتى. بۇگىنگى تاڭدا وبلىس بويىنشا اپاتتى جاعدايداعى ۇيلەردىڭ ورنىنا 645 وتباسى ءۇشىن جاڭا جايلى باسپانا سالىندى.
سونىمەن قاتار, سوڭعى 3 جىلدا جەكە تۇرعىن ءۇي قۇرىلىسى شەڭبەرىندە 24 مىڭنان استام جەر ۋچاسكەسى ينجەنەرلىك ينفراقۇرىلىممەن قامتاماسىز ەتىلدى. ناتيجەسىندە, تەك 2017 جىلدىڭ وزىندە تۇرعىنداردى باسپانامەن قامتۋ 17%-عا جۋىق, ال, 2018 جىلدىڭ 9 ايىندا تاعى 4%-عا ءوستى.
باقتيار تايجان,
«ەگەمەن قازاقستان»
قىزىلوردا وبلىسى
