وڭىرارالىق ىنتىماقتاستىق فورۋمى

بىلتىر وڭىرارالىق ىنتى­ماق­تاس­تىق فورۋمى ەكى مەملەكەت باسشىلارى­نىڭ قاتىسۋىمەن شەكارالاس ايماق­تاعى چەليابى قالاسىندا ءوتىپ, كەلەسى جيىن و­ر­تا­لىعى پەتروپاۆل قالاسى بولىپ بەلگى­لەنگەن ەدى. ونىڭ وزىندىك ءمانى بار. سولت­ۇستىك قازاق­ستان – تۋريزم الەۋەتى وتە زور وڭىرلەردىڭ ءبىرى. تاريحي ەسكەرت­كىشتەرگە, كيە­لى ورىندارعا, تابيعاتى تامىل­جىعان كورىكتى جەرلەرگە باي. 

سوڭعى جىلدارى ىشكى, سىرت­قى تۋريزم جاندانىپ, شەتەل­دىكتەردىڭ دە نازارىن اۋدارا باستادى. بۇل باعىت­تاعى اتقا­رىل­عان كەشەندى شارالار­دىڭ ناتي­جەسىندە تۋريستىك كلاستەردىڭ تارتىم­دىلىعىن ارتتىرۋعا, ينۆەستيتسيالار تارتۋعا ۇلكەن مۇمكىندىكتەر بەرىلدى. وبلىس اكىمىنىڭ ورىنباسارى داۋرەن جان­­دار­بەك باق وكىلدەرىمەن وتكەن بريفينگتە القالى باس­قوسۋعا ازىرلىك بارىسى جايلى بايانداپ بەردى. 

ونىڭ ايتۋىنشا, فورۋم مەملەكەتتەر اراسىنداعى ەكىجاقتى ىسكەرلىك باي­لانىس­تاردىڭ تىڭ جولدارىن ىزدەس­تىرۋ­گە سەرپىن بەرەدى. حالىقارالىق شارانىڭ شىمىلدىعى جاڭادان بوي كوتەرگەن تەننيس ورتالىعىندا اشىلادى. وندا ورنالاساتىن تۋريستىك كورمە اسە­رلى گوللوگرافيالىق شوۋ تۇرىن­دە ۇيىم­داستىرىلىپ, قوس ەل تارا­پىنان ەكسپوناتتار, سونداي-اق تۋريس­تىك ونىم­دەرمەن قاتار ەكولوگيالىق, سپورت­تىق, ەمدىك-ساۋىق­تىرۋ, تاعى باسقا تۋريزم قىزمەتتەرى ۇسىنىلادى. ەلى­مىزدەگى تۋريستىك الەۋەتى جوعارى, تابيعاتى شۇرايلى وڭىرلەر مەن نىساندار تانىس­تىرىلادى. ولاردىڭ قاتارىندا رەسپۋب­ليكالىق ماڭىزعا يە يمان­تاۋ-شالقار كۋرورتتىق اي­ماعى, قاراساي مەن اعىن­تاي باتىر­لاردىڭ مەموريالدىق كەشەنى, بوتاي قونىسى بار.

حالىقارالىق «ماككەنزي» كومپانياسى يمانتاۋ-شال­قار كۋرورتتىق مەكەنىن جاڭ­عىرتۋدىڭ كەشەندى جوسپارىن ازىرلەپ قويىپتى. «ۆ2ۆ» فورماتىندا قوس تاراپتىق كەزدەسۋلەر, ۇزدىك ينۆەست-جوبالاردىڭ تانىستىرىلىمى, گۋبەرناتورلار مەن اكىمدەردىڭ قاتىسۋىمەن اۋقىمدى پلەنارلىق وتىرىستار وتەدى. 

ەكىنشى كۇنى فورۋم شەڭ­بە­رىن­­­دەگى ىسكەرلىك كەزدەسۋ­لەر وقۋ­­شىلار سارايىندا جال­­­­­عا­­­سا­­دى. قازاقستان رەس­پۋب­­­لي­­كا­سىنىڭ پرەزيدەنتى ن.نازارباەۆ پەن رەسەي فەدە­را­تسيا­سىنىڭ پرە­زي­دەنتى ۆ.ءپۋ­تيندى عيمارات­تىڭ باس الا­ڭىندا 17 تىلدە سوي­لەيتىن «تhespian» ەسىمدى دراما­لىق اكتەر-روبوت قارسى الادى. ول ەكى تىلدە سالەمدەسىپ, شارا­نىڭ ماڭىز­دىلىعىن تۇ­سىن­دىرەدى. ۇلكەن زالعا ۇلكەن بەي­نە­قابىرعا مەن ەكى LED-ەكران قويىلادى. IT-كابينەتتەرى زاماناۋي تەحنيكالارمەن جابدىقتالعان. مەملەكەت باسشىلارىنىڭ قاتىسۋىمەن ءتۋريزمدى دامىتۋدىڭ ىشكى-سىرتقى مۇمكىن­دىكتەرى, الداعى باعىتتارى تالقىلانىپ, بىرقاتار ماڭىزدى شەشىم قابىلدانادى. مينيسترلىكتەر, ۆەدومستۆولار, تۋريستىك كومپانيالار تاجىري­بەلەرىمەن الماسىپ, ارىپتەستىكتى ودان ءارى دامىتۋعا ارنالعان مەمو­راندۋمدارعا قول قويادى. 

داۋرەن جانداربەك ۇلى شاھار ءبىر مىڭعا جۋىق فورۋم مەيماندارىن قازاق­­ستان­دىقتارعا ءتان قوناقجاي­لى­لىق­پەن قارسى الۋعا ساقاداي-ساي ەكەنىن جەتكىزدى. كوشەلەر اباتتاندىرىلىپ, «جاس وركەن» شاعىن اۋدانى, بىرەگەي مادەني, سپورت عيماراتتارى بوي كوتەردى. ولاردىڭ ىشىندە امبە­باپ تەننيس كورتى مەن IT-ورتا­لىق قونىستانعان وقۋشىلار سارايى ەڭ ايتۋلىسى سانالادى. سوڭعىسىن تولىققاندى جاب­دىقتاۋ ءۇشىن 2 ميلليارد تەڭگە قاراجات جۇمسالدى. جيىرماعا جۋىق مەيرامحانا مەن قوناقۇي اعىمدىق جانە كۇردەلى جون­دەۋ­دەن ءوتتى. تاسجولداردى قالپىنا كەل­تىرۋگە 4 ميلليارد تەڭگە جۇم­سالدى. ەكى دەمالىس كەشەنى سالىندى. تەاترلارمەن, مۋزەيلەردە مادەني باعدارلامالار تاماشالانادى.

«الداعى شارانىڭ نەگىزگى ماقساتى – تۋريستىك سالاداعى ءوزارا ءىس-قيمىلدى كەڭەيتۋ, ونىڭ ىشىندە ىسكەر توپتار مەن مەم­­لەكەتتىك قۇرىلىمدار ار­اسىن­داعى كووپەراتسيالىق باي­لا­نىس­تاردى تەرەڭدەتۋ ارقى­لى ءتۋريزمنىڭ تۇرلەرىن وركەن­دەتۋ, تۋريستىك يندۋسترياعا ينۆەس­تيتسيالاردىڭ قۇيىلۋىن ىنتالاندىرۋ», دەدى د.جانداربەك ءسوزىنىڭ سوڭىندا.

ءومىر ەسقالي,

«ەگەمەن قازاقستان»

سولتۇستىك قازاقستان وبلىسى