...جاقسىلىعىن جەتكىزەدى
مال بورداقىلاۋ الاڭدارى ارتىپ كەلەدى
بۇرىندارى ءۇيدىڭ ۇلكەندەرى «وقىماساڭ مال باعاسىڭ» دەپ, ساباعىنا سالعىرت قاراعان بالالارىنا, نەمەرەلەرىنە ەسكەرتۋ جاسايتىن. قازىر مال باققاننىڭ ايى وڭىنان تۋىپ تۇر. كىمنىڭ مالى كوپ, كىم مال ۇستايدى, سونىڭ تۇرمىستىق تا, قارجىلىق تا جاعدايى جاقسى. ويتكەنى بۇگىن ەت پەن ءسۇت ونىمدەرىنە دەگەن سۇرانىس كۇن ساناپ ارتىپ وتىر.
اۋىلشارۋاشىلىعىنىڭ ءبىر تارماعى سانالاتىن مالشارۋاشىلىعىن دامىتۋعا ارنالعان مەملەكەتتىك باعدارلامالاردى, نەسيەلىك جەڭىلدىكتەردى سايرام اۋدانىنىڭ شارۋالارى ۇتىمدى پايدالانىپ كەلەدى. اۋدانداعى مالشارۋاشىلىعىن دوڭگەلەتىپ وتىرعانداردىڭ دەنى ءىرى قارانى بورداقىلاۋمەن اينالىسادى. ءسۇت اۋلالارىن اشىپ جاتقاندار دا جەتەرلىك. ماسەلەن, جىل باسىنان اۋداندا 73 بىرلىك10-15 باستىق شاعىن مال بورداقىلاۋ ورىندارى اشىلعان. ال اۋدانداعى وسىنداي 913 الاڭدا ءبىر مەزەتتە 32-33 مىڭ باس مال بورداقىلانۋدا.
جالپى, وتكەن جىلدىڭ سايكەس كەزەڭىمەن سالىستىرعاندا ءىرى قارا مال باسى 25,4%-عا, جىلقى 14,3%-عا, قوي مەن ەشكى 19,3%-عا ارتقان. بيىلعى جىلدىڭ باسىنان ءتىرى سالماقتا 15,895 مىڭ توننا ەت, 75,0 مىڭ توننا ءسۇت جانە 9,479 ملن دانا جۇمىرتقا وندىرىلگەن.
جالپى, اۋداننىڭ دامۋ كونتسەپتسياسىندا اۋىلشارۋاشىلىعى سالاسى بويىنشا 2018 جىلعا جوسپارلانعان 6 جوبانىڭ 4 جوباسى ىسكە اسىپ وتىر.
داۋرەن دۇيسەباەۆ,
سايرام اۋدانى اكىمى باسپاسوز قىزمەتىنىڭ قىزمەتكەرى
تۇركىستان وبلىسى
...سەنىم ارتادى
قۇلشىنىسىن ارتتىراتىنى ءسوزسىز
وقۋ جىلى باستالعالى دا ءبىراز بولدى. بيىلعى وقۋ جىلىنىڭ باستى ەرەكشەلىگى – بەرىلەتىن ءبىلىمنىڭ بارلىعى تاجىريبەگە بارىنشا جاقىن بولماق جانە قاعازباستىلىق جويىلماق. ەلباسى مەكتەپ مۇعالىمدەرىنىڭ الدىنا – وقۋ پروتسەسىن جەتىلدىرۋ, وقۋ تاجىريبەگە جاقىن بولۋى ءتيىس, وقۋشىلار العان بىلىمدەرىن ءىس جۇزىندە پايدالانا الۋى كەرەك دەگەن ماسەلەلەردى قويىپ وتىر.
مەكتەپ باعدارلامالارىنا, ونىڭ ىشىندە 5-7 سىنىپتارعا «ولكەتانۋ» كۋرستارىنىڭ ەنگىزىلۋى – ءاربىر وقۋشىنىڭ ءوز تۋعان جەرىنىڭ وتكەن تاريحىن, كورنەكتى تۇلعالارىن بىلۋگە قۇلشىنىسىن ارتتىراتىنى ءسوزسىز. الايدا, اۋىل مەكتەپتەرىندە «تسيفرلى قازاقستان» باعدارلاماسى اياسىندا, جاراتىلىستانۋ تسيكلى باعىتىندا وقۋشىلارعا اعىلشىن ءتىلىن مەڭگەرتۋ ماسەلەلەرىن شەشۋگە كوپتەگەن كەدەرگى بار ەكەنى بەلگىلى. ويتكەنى تولىققاندى ماتەريالدىق-تەحنيكالىق بازا بولماي, ناتيجە تالاپ ەتۋ دە ۇزاققا سوزىلارى زاڭدىلىق. سوندىقتان شالعايداعى مەكتەپتەر وقۋشىلارىنىڭ دا بىلىمدەرىن تاجىريبەمەن ۇشتاستىرا الاتىندىعىن ۇمىتپاعان ابزال.
تاعى ءبىر جاعىمدى جاڭالىق – وقۋشى سانىنا قاراي مەكتەپتەرگە قوسىمشا قارجى ءبولىپ, ۇستازدارعا سىياقى رەتىندە ۇلەستىرىلمەك. دەمەك, مۇعالىمنىڭ باستى ماسەلەلەرى جۋىردا شەشىلمەك, ال شاكىرتتەرىمىزدىڭ جاعدايلارى دا وڭىنان جۇزەگە اسادى دەپ سەنەمىز.
گ.توقمۋرزينا,
قاراباۋ ورتا مەكتەبىنىڭ مۇعالىمى
اتىراۋ وبلىسى,
قىزىلقوعا اۋدانى
...قىنجىلىسىن ايتادى
قاراپ تۇرىپ كورشىلەرىمنەن ۇيالدىم...
تۇنەۋكۇنى ءۇيىمنىڭ جانىندا ءبىر ساعاتتىڭ ىشىندە 2 توبەلەس بولدى. جولعا تالاسقان جۇرگىزۋشىلەر كولىكتەرىنەن تۇسە قالىپ ءبىر-ءبىرىن تۇيگىشتەدى. ءبارى – قازاقتار!
تاياق جەگەندەر كىناسىز. جول ەرەجەسىن بۇزعاندار ونىسىمەن قويماي, جولاۋشىلار تاسىپ جۇرگەن مومىن سورلىلاردى ۇردى دا تاستادى... ەكى رەت بەبەۋلەپ پوليتسيا مەن جەدەل جاردەم كەلىپ كەتتى. قاراپ تۇرىپ كورەي, ورىس كورشىلەرىمنەن ۇيالدىم...
قۇدايدىڭ قارا جولىنا, كەڭ دالاسىنا سىيماي ءجۇرىپ, قۇدايسىز جەلىدە وتىرىپ الىپ باسقانى ەمەس, قازاقتى, قازاقتىڭ ءسۇت بەتىنە شىققان قايماعىن, مومىنىن, ءىس باسىنداعى ىسكەرىن تۇرتپەكتەپ, وسەكتەپ, «سۇرىنسە ەكەن» دەگەن پيعىلدى تىيماستان – ەلدى, جەردى ساقتاپ قالايىق دەيسىزدەر... ول بولمايدى, اعايىن!
دۇنيەنى اللا وزگەرتەدى. ءبىز پاقىر ءوزىمىزدى ءوزىمىز وزگەرتە الماي جۇرگەن جوقپىز با؟!. وزگەرەيىك!..
قانات ەسكەندىروۆ
الماتى
...ريزاشىلىعىن بىلدىرەدى
شالعاي اۋىلدا امبۋلاتوريا اشىلدى
ءبىراز بۇرىن الماتى وبلىسى پانفيلوۆ اۋدانىنىڭ شولاقاي اۋىلىندا 50 ورىندىق دارىگەرلىك امبۋلاتوريا پايدالانۋعا بەرىلگەن بولاتىن. وعان «نۇرلى جول» باعدارلاماسى اياسىندا قازىنادان 210 ملن تەڭگە ءبولىنىپتى. عيماراتتىڭ اشىلۋ سالتاناتىنا اۋدان اكىمى كەلىپ, تۇرعىنداردى جاقسى جاڭالىقپەن قۇتتىقتاپ, ەمحانا باسشىسىنا جەدەل جاردەم كولىگىنىڭ كىلتىن تابىستادى. ەمحاناداعى قۇرال-جابدىقتاردىڭ بارلىعى جاڭا ءارى زاماناۋي. مامانداردى الدىن الا ارنايى كۋرستاردان وتكىزدى. ال شولاقاي اۋىلىندا 5 مىڭنان اسا تۇرعىن بار. بۇعان دەيىن شولاقايلىقتار كىشكەنتاي دارىگەرلىك پۋنكتكە بارىپ قارالاتىن, ءتىپتى اۋدان ورتالىعىنا سابىلاتىن. ەندى مىنە ەل وسى ءبىر يگىلىكتى ءىستىڭ شاپاعاتىن كورىپ وتىر.
سامال قابىشەۆا
الماتى وبلىسى
...باتاسىن بەرەدى
قايىرىمدى ءىس جالعاسىن تابادى
وتكەن جىلى ماڭعىستاۋ اۋدانى جاستارىنىڭ باستاماسىمەن قايىرىمدىلىق جۇيەلى ۇيىمداستىرىلعان ەدى. بيىل بۇل ءۇردىس جالعاسىن تاۋىپ, اۋداندىق ورتالىق مەشىتتىڭ نايب يمامى مەن اۋداندىق جاستار ورتالىعىنىڭ باسشىسى «جاقسىلىق جاسايىق!» اكتسياسى بويىنشا شەتپە اۋىلىنداعى تۇرمىسى تومەن جاندارعا, جالعىزباستى قارتتارعا, مۇگەدەك جانداردىڭ ۇيلەرىنە ارنايى بارىپ, ازىق-ت ۇلىك جانە اقشالاي كومەك كورسەتتى.
ارنايى ەلەنىپ جاسالعان ساۋاپتى ىسكە مۇقتاج جاندار اق تىلەكتەرىن جاۋدىرىپ, باتاسىن بەردى. وسىنداي ساۋاپتى باستاماعا ۇلگى بولعان نايب يمام مەن اۋدان جاستارىنىڭ يگى شاراسى ءوڭىر بويىنشا كەڭىنەن جاسالىپ وتىرعانى – كوڭىل قۋانتاتىن جايت.
«دىنىمىزدە مۇقتاجدىڭ قاجەتىن وتەپ, جەتىم-جەسىرگە قامقور بولۋ, جاعدايى تومەن ادامدارعا كومەك قولىن سوزۋ قايىرلى ءىس بولىپ تابىلادى. پايعامبارىمىز مۇحاممەد (س.ع.س.) حاديسىندە بىلاي دەيدى: «سۋ وتتى قالاي سوندىرسە, ساداقا دا ءدال سولاي كۇنالاردى جويادى» دەپ مۇقتاجدىڭ قاجەتىن وتەۋگە ۇندەگەن.
قالامپىر قۇلمىراتوۆا
ماڭعىستاۋ وبلىسى
