حالىقارالىق ساراپشىلار: قازاقستاننىڭ يننوۆاتسيالىق تەحنولوگيالار سالاسىنداعى الەۋەتى زور

جان-فرانسۋا گوتە كانادادان قازاقستاننىڭ يننوۆاتسيالىق تەحنولوگيالار, ستارتاپ جوبالار سالاسىندا دامۋىنا كومەكتەسۋ ماقساتىندا كەلگەن.

ء«بىز بۇل جەردە قازاقستانعا ات-تەحنولوگيالار سالاسىن دامىتۋعا كومەكتەسۋ ءۇشىن كەلدىك. ءبىز قازاقستاندى اقش-پەن, ەۋروپامەن بايلانىستىرا الامىز, باسقا ەلدەردە جيناعان تاجىريبەمىزبەن بولىسە الامىز, ءسويتىپ, باسقا ەلدەردىڭ كومپانيالارى سياقتى قازاقستاننىڭ دامۋىنا جاردەمدەسە الامىز», — دەدى جان-فرانسۋا گوتە.

بۇل ورايدا ول بۇگىنگى تاڭدا قازاقستاننىڭ يننوۆاتسيالىق تەحنولوگيالار سالاسىندا زور الەۋەتى بار ەكەنىن اتاپ ءوتتى.

«مۇندا قازاقستاننىڭ ات سالاسىندا وركەندەۋىنە مۇمكىندىك بەرەتىن ينجەنەرلىك جانە اقپاراتتىق جوبالار كوپ», — دەدى ج. گوتە.

بەلگىلى كاسىپكەر, Priceline.com, ColorJar جانە LLC, the Idea Accelerator كومپانيالارىنىڭ نەگىزىن سالۋشى جانە تەڭ يەسى دجەفف حوففمان ءوز كەزەگىندە سوڭعى بەس جىل ىشىندە ات-يندۋستريا, جاڭارتىلاتىن ەنەرگيا كوزدەرى, ءبىلىم بەرۋ سالالارىندا قازاقستاندىق ستارتاپەرلەرگە كەڭەس بەرگەنىن ايتتى.

«مەن بۇرىن قازاقستاندا بولعانمىن, بۇل مۇندا ءبىرىنشى كەلۋىم ەمەس. سول كەزدە جەرگىلىكتى كاسىپكەرلەرمەن كەزدەسىپ, الماتىعا بارعانمىن. كاسىپكەرلەرمەن اڭگىمەلەسۋ بارىسىندا مەن كوپتەگەن جاقسى يدەيالاردى ەستىدىم. ال بۇگىن قازاقستانداعى كاسىپكەرلىكتىڭ اينالاسىندا ەكوجۇيە قۇرۋدى جالعاستىرۋ ماقساتىندا وسىندامىن», — دەدى دجەفف حوففمان.

اتاپ ايتقاندا, ول يندۋستريالىق تەحنولوگيالار سالاسىندا قازاقستاندىق جانە امەريكالىق جوبالاردىڭ ودان ارعى كووپەراتسيالارى بويىنشا جۇمىستار جالعاستىرىلاتىنىن ايتتى.

سونىمەن قاتار, د. حوففمان Digital Bridge فورۋمىنىڭ اتالمىش سالانى ودان ءارى دامىتۋداعى ءرولىن اتاپ ءوتتى.

«قازىر مەن ناقتى جۇمىس ىستەپ تۇرعان جوبالاردى اتاپ بەرە المايمىن, سوندىقتان Digital Bridge فورۋمى اسا ماڭىزدى, سەبەبى, مۇندا ءبىز تالانتتى ونەرتاپقىشتارمەن جانە ءوز ءىسىن جاڭا باستاعان كاسىپكەرلەرمەن تانىسا الامىز», — دەدى د. حوففمان.