ونەر • 07 قاراشا، 2018

الماتىدا ديريجەر تولەپبەرگەن ابدىراشەۆتى ەسكە الۋ فەستيۆالى باستالدى

311 رەتكورسەتىلدى

مادەنيەت جانە سپورت مينيسترلىگىنىڭ قولداۋىمەن 7-30 قاراشا ارالىعىندا جامبىل اتىنداعى قازاق مەملەكەتتىك فيلارمونياسىندا قازاقستان رەسپۋبليكاسىنىڭ مەملەكەتتىك اكادەميالىق سيمفونيالىق وركەسترىنىڭ (قر ماسو) قاتىسۋىمەن، قازاقستاننىڭ حالىق ءارتيسى، مەملەكەتتىك سىيلىقتىڭ لاۋرەاتى، پروفەسسور تولەپبەرگەن ابدىراشەۆتىڭ 70 جاس مەرەيتويىنا ارنالعان حالىقارالىق كلاسسيكالىق مۋزىكا فەستيۆالى وتەدى.

وسى ايتۋلى شارانىڭ مارتەبەسىن بيىكتەتىپ، ارىپتەس-دوسىن، ۇستاز-تالىمگەرىن ەسكە الۋ ءۇشىن الەمگە ايگىلى اكادەميالىق دەڭگەيدەگى كاسىبي مۋزىكانتتار، دارىندى تۇلعالار الماتىعا ارنايى شاقىرىلدى. بۇگىنگى تاڭدا مەملەكەتتىك اكادەميالىق سيمفونيالىق وركەستر ۇجىمىن باسقاراتىن ت.ابدىراشەۆتىڭ شاكىرتى قانات وماروۆ: «بۇل فەستيۆال ماەسترونىڭ شىعارماشىلىق جانە اعارتۋشىلىق ەڭبەگىنە تارتۋ بولماق. بەتحوۆەننىڭ، برامستىڭ، شوپەننىڭ، مالەردىڭ، راحمانينوۆتىڭ جانە شوستاكوۆيچتىڭ شىعارمالارىنىڭ باسىن قوساتىن كونتسەرتتىك باعدارلاما ۇسىنامىز. كوپشىلىكتىڭ كوڭىلىنەن شىعاتىنىنا سەنەمىن»، - دەدى.

فەستيۆالگە لا سكالا جانە پاريج وپەراسىمەن، گەۆاندحاۋس وركەسترىمەن، درەزدەن مەملەكەتتىك كاپەللاسىمەن بىرگە قىزمەت ەتكەن ميحايل يۋروۆسكي، رەسەيدىڭ حالىق ءارتيسى، ياروسلاۆ اكادەميالىق سيمفونيالىق وركەسترىنىڭ كوركەمدىك جەتەكشىسى جانە باس ديريجەرى ل.سوبينوۆ، ي.ارحيپوۆا سىيلىقتارىنىڭ لاۋرەاتى مۋراد اننامامەدوۆ، ماسكەۋ كونسەرۆاتورياسىنىڭ فورتەپيانو كافەدراسىنىڭ مەڭگەرۋشىسى، ماسكەۋ سىيلىعىنىڭ لاۋرەاتى (2011) جانە جاپونيا «كۇن شىعىس» وردەنىنىڭ كاۆالەرى ميحايل ۆوسكرەسەنسكي، قازاقستاننىڭ حالىق ءارتيسى، مەملەكەتتىك سىيلىقتىڭ لاۋرەاتى، قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا، بەلگىلى قازاقستاندىق پيانيست، كوپتەگەن حالىقارالىق كونكۋرستاردىڭ لاۋرەاتى، 2011 جىلى گەرمانيانىڭ «Deutscher Pianistenpreis» كونكۋرسىندا ۇزدىك پيانيست بولىپ تانىلعان امير تەبەنيحين، قازاقستاننىڭ ەڭبەك سىڭىرگەن قايراتكەرى قانات وماروۆ سياقتى الەمدىك دەڭگەيدەگى ديريجەرلار مەن ورىنداۋشىلار قاتىسادى.

تولەپبەرگەن ابدىراشەۆ ن.تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترىنىڭ، قازاق وپەرا جانە بالەت تەاترىنىڭ، قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىنىڭ، 1979-1982 جىلدارى قازاقستاننىڭ مەملەكەتتىك اكادەميالىق سيمفونيالىق وركەسترىنىڭ كوركەمدىك جەتەكشىسى ءارى باس ديريجەرى بولدى.   

1977 جىلى باتىس بەرليندە وتكەن «گەربەرت فون كارايان قورى» حالىقارالىق ديريجەرلەر كونكۋرسىندا قۇرمەت ديپلومىن العان.  بۇكىلوداقتىق «لەنين كومسومولى» سىيلىعىنىڭ لاۋرەاتى،  قازاقسسر «ەڭبەك سىڭىرگەن قايراتكەرى»، قازاقستاننىڭ حالىق ءارتيسى، مەملەكەتتىك سىيلىقتىڭ يەگەرى، جاڭاقورعاننىڭ «XX عاسىر ادامى» اتاندى. ول كوپتەگەن تالانتتى جاستاردى تاربيەلەدى. وقۋشىلارى اراسىندا ق.احمەتوۆ، ج.جۇمابەكوۆ، ا.بورىباەۆ، ا.ءاابدىنۇروۆ، ە.احمەدياروۆ، ا.ورازعاليەۆ، ە.نۇرتازين، ق.وماروۆ سياقتى اتاقتى ديريجەرلار بار.  ماەسترونىڭ كاسىبي شەبەرلىگىن الەم جۇرتى مويىنداعان. اقش، انگليا، گەرمانيا، كورەيا، تۇركيا جانە باسقا دا ەلدەردىڭ سيمفونيالىق وركەسترلەرىمەن ونەر كورسەتكەن.

ايگۇل احانبايقىزى،

«ەگەمەن قازاقستان»

الماتى

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار