قازاقستاندى تسيفرلاندىرۋ جونىندەگى ەلباسىنىڭ ستراتەگياسى شەڭبەرىندە دەنساۋلىق ساقتاۋ سالاسىن جاڭا تەحنولوگيالارعا وتكىزۋ ءۇشىن Samsung موبيلدىك قۇرىلعىسى Damumed كەشەندى مەديتسينالىق اقپارات جۇيەسىمەن جابدىقتالعان. باعدارلامالىق قامتاماسىز ەتۋدى وتاندىق كومپانيا, «دامۋ» اقپاراتتىق تەحنولوگيالار ورتالىعى ءوز جاۋاپكەرشىلىگىنە العان.
جۇيەگە رەسپۋبليكانىڭ دەنساۋلىق ساقتاۋ مينيسترلىگى پورتالى, 700-دەن استام مەديتسينالىق ۇيىمدار, 825 000 قولدانۋشى ەنگىزىلگەن. وندا 65 ميلليوننان استام قۇجات ساقتالعان.
پلانشەتتەرى دارىگەرلەرگە, مەدبيكەلەرگە, فارماتسەۆتتەرگە جانە باسقا دا مەديتسينالىق قىزمەتكەرلەرگە ارنالعان. الدىن-الا ەندىرىلگەن باعدارلامالىق قامتاماسىز ەتۋ قۇرىلعىسى كوپتەگەن جۇمىستى جەڭىلدەتىپ ءارى جەدەلدەتەدى, تۋىنداعان ماسەلەلەردى ءتيىمدى شەشۋدە جانە ارتىق قاعاز جۇمىستارىنان قۇتىلۋعا سەپتىگىن تيگىزەدى.
ماسەلەن, دارىگەر ەمدەلۋشى تۋرالى مالىمەتتى پلانشەتكە ەنگىزەدى. ناتيجەسىندە اقپارات جالپى جۇيەدە ساقتالادى. بۇل جۇيەدەگى اقپارات باسقا دا مەديتسينالىق ۇيىمدار ءۇشىن قولجەتىمدى بولماق. بۇرىن مەديتسينالىق كارتانىڭ نەمەسە دارىحاناعا بارار جولدا جوعالعان دارىگەر نۇسقاۋى, كوپتەگەن قيىندىقتار تۋعىزاتىن. الايدا, كوپ ۇزاماي بۇل قۇجاتتاردىڭ ەش قاجەتى بولمايدى. قاجەتتى اقپاراتقا قول جەتكىزۋ ءۇشىن, ارنايى بق ورناتىلعان پلانشەت پەن عالامتور جەتكىلىكتى.
قالاسىنىڭ اكۋشەرلىك, گينەكولوگيا جانە پەريناتولوگيا عىلىمي ورتالىعىنىڭ باسشىسى دينارا ميرزاحمەتوۆا 1 شىلدەدەن باستاپ كلينيكا دەنساۋلىق ساقتاۋ سالاسىن تسيفرلاندىرۋ بويىنشا پيلوتتىق جوباعا قاتىسا باستاعاندىعىن جانە قاعازدان زاماناۋي اقپاراتتىق تەحنولوگيالارعا كوشكەندىگىن حابارلادى. .
«مىسالى انەستەزيولوگتار وتا جاساۋ كابينەتىندە ناركوز كارتاسىن پلانشەتتە جۇرگىزەدى. بۇل ارينە ستاتسيونارلى كومپيۋتەرگە ەندىرۋدەن الدەقايدا ىڭعايلى», دەدى ول.
بىرىڭعاي اقپاراتتىق جۇيە ەمدەلۋشىلەر ءۇشىن دە قولايلى. ولار جسن-ن ەندىرۋ ارقىلى وزدەرىنە قاجەتتى اقپاراتتى كورە الادى. مىسالى, ءوز دەنساۋلىعى تۋرالى اقپاراتتى كورەدى نەمەسە قاي ەمحاناعا تىركەلگەندىگىن بىلە الادى.
ارينە, بۇل جاعدايدا قۇپيا مالىمەتتەردىڭ ساقتالۋى تۋرالى سۇراقتار تۋىندايدى. اقپاراتتار قانشالىقتى قورعالعان؟ بۇل ساۋالعا Samsung بىلاي جاۋاپ بەرەدى: «پلانشەتتەردە الدىڭعى قاتارلى شەشىم - اقپاراتتىق قورعانىس KNOX ورناتىلعان. ول زيانكەستەردەن كونتەنتتەردى كوپدەڭگەيلى, ياعني, باعدارلامالىق جانە اپپاراتتىق قورعانىسپەن قامتاماسىز ەتەدى. بۇل پلاتفورما شەت ەلدەردە ۇكىمەتتىك, ونىڭ ىشىندە قورعانىستا جانە ۆەدومستۆولاردا قولدانىلادى. سوندىقتان, جۇيەنىڭ سەنىمدى قورعانىستا ەكەندىگىن بىلۋگە بولادى».
Samsung ءوزىنىڭ يننوۆاتسيالىق شەشىمدەرى ارقىلى دەنساۋلىق ساقتاۋ مينيسترلىگى, «دامۋ» اقپاراتتىق تەحنولوگيالار ورتالىعى جانە «ايالا» قورىمەن ىنتىماقتاستىقتا بىرگە جۇمىس ىستەپ, دەنساۋلىق ساقتاۋ سالاسىن دامىتۋدا بەلسەندى قولداۋ كورسەتىپ كەلەدى. بۇعان دەيىن كومپانيا قازاقستانعا الدىڭعى قاتارلى كورەيالىق كارديولوگتاردىڭ كەلۋىنە كومەكتەسكەن ەدى. ولار مۇندا جۇرەك الماستىرۋ بويىنشا قيىن وتالار جاسادى جانە جەرگىلىكتى ماماندارمەن ءوز تاجىريبە الماسقان بولاتىن. ودان باسقا, Samsung ونكولوگيالىق اۋرۋعا شالدىققان بالالار اۋرۋحاناسىندا ينتەراكتيۆتى «اقىلدى» سىنىپتار اشتى. كىشكەنتاي ەمدەلۋشىلەر مەكتەپكە بارا الماسا دا, ءوز قاتارلاستارىنان قالىپ قويماي, ساباقتارىن جالعاستىرۋعا مۇمكىندىك الدى.
