مەكسيكالىق ساۋل الۆارەستەن جەڭىلگەننەن كەيىن جەرلەسىمىز بارلىق اتاعىنان ايىرىلىپ قانا قويماي, حالىقارالىق ۇيىمداردىڭ ۇزدىكتەر تىزىمىندە دە ءبىراز تومەندەدى. مىسالى, كۇنى كەشەگىگە دەيىن IBF رەيتينگىندە ءتورتىنشى ورىندا تۇرعان GGG قازىرگى كەزدە 11-ءشى ساتىعا سىرعىپ ءتۇستى. وسى جايسىز جاڭالىقتى ەستىگەندە قازاقستاندىق جانكۇيەرلەردىڭ دە كوڭىلدەرى ءبىراز جابىرقاپ قالدى. ويتكەنى, گەننادي گولوۆكيندى تەك قانا ۇزدىكتەر قاتارىنان كورۋگە ءبىزدىڭ كوزىمىز ۇيرەنىپ قالعان.
IBF رەيتينگىندە ازىرگە كوشباسشى جوق. ال «توپ-10» بوكسشىنىڭ قاتارىنا مىنا ساڭلاقتار ەنىپ وتىر:
2. دجەك كۋلكاي (25-3, 13 كو – ەكۆادور/گەرمانيا).
3. مارتين ميۋررەي (37-4-1, 17 كو – ۇلىبريتانيا).
4. سەرگەي دەرەۆيانچەنكو (12-1, 10 كو – ۋكراينا).
5. كاميل شەرەمەتا (18-0, 4 كو – پولشا).
6. داۆيد لەمە (40-4, 34 كو – كانادا).
7. ريوتا مۋراتا (14-2, 11 كو – جاپونيا).
8. پاتريك ۆويجيتسكي (12-0-1, 4 كو – گەرمانيا).
9. دجەيسون ۋەلبورن (24-6, 7 كو – ۇلىبريتانيا).
10. روب برانت (24-1, 16 كو – اقش).
عالىم سۇلەيمەن,
«ەگەمەن قازاقستان»
