جۋىردا ولاردىڭ قاتارىن ءۇندىستاننان كەلگەن 46 ازامات تولىقتىردى. مەديتسينا جوعارى مەكتەبىنىڭ ديرەكتورى اسەت ىزدەنوۆتىڭ ايتۋىنشا ءۇندىستان رەسپۋبليكاسىنىڭ اۋماعىندا سقمۋ مەديتسينالىق ماماندىقتار بويىنشا كادرلار ازىرلەيتىن جوعارى وقۋ ورنى رەتىندە تىركەلىپتى. ەندى ەكىتاراپتىق كەلىسىمگە وراي 150-گە جۋىق ستۋدەنتتىڭ تەرىسكەيدە ءبىلىم الۋىنا شەشىم قابىلدانىپتى. ولاردىڭ العاشقى توبى ات باسىن تىرەپ, جايلى جاتاقحانالارعا ورنالاستىرىلىپتى.
«قازىر جالپى مەديتسينا ماماندىعى بويىنشا 108 ستۋدەنت ءدارىس الادى. ءۇندىستاننان كەلگەن ستۋدەنتتەر قازاقستاندا ءبىلىم العانى ءۇشىن جىلىنا 850 مىڭ تەڭگە مولشەرىندە قاراجات تولەيدى. بۇل جەرگىلىكتى جاستار تولەيتىن اقىعا قاراعاندا 30 پروتسەنتكە كوپ. ول جاقتا بولاشاق دارىگەرلەردى دايارلايتىن جوعارۋ وقۋ ورىندارى تاپشى, ءارى وقۋ قۇنى 5-10 ەسە قىمبات كورىنەدى», دەيدى ءا. ىزدەنوۆ.
«فيزيولوگيا, اناتوميا جانە مورفولوگيا», «گيستولوگيا جانە جاسۋشالىق بيولوگيا» جاڭا يننوۆاتسيالىق زەرتحانالارى قۇرىلادى. 3د ستيمۋلياتورلار – وقىتۋ باعدارلامالارى, مەديتسينالىق وقۋلىقتار ساتىپ الىنادى. بۇل ماقساتتارعا ۋنيۆەرسيتەت بيۋدجەتىنەن 100 ميلليون تەڭگە بولىنگەن. جاتاقحانالارمەن, بىلىكتى ۇستازداردارمەن قامتاماسىز ەتىلگەن.
ءۇندىستاننىڭ دجايپۋر-رادجيستان قالاسىنان وسىندا ارمان قۋىپ كەلگەن امير كحان بەس جىل ءبىلىم الۋعا قۋانا كەلىسىپتى. مۇمكىندىك بولىر جاتسا, سولتۇستىكتە قالۋعا نيەتتى.
ستۋدەنتتەرگە جەرگىلىكتى ۇستازدار مەن يوردانيادان ارنايى شاقىرتىلعان وقىتۋشىلار ء دارىس وقيدى. جاقىن ارادا ءۇندىستان رەسپۋبليكاسىنان تاعى 100 ستۋدەنت كەلەدى دەپ كۇتىلۋدە.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
