كونفەرەنتسيا جۇمىسىنا «نۇر وتان» پارتياسى ورتالىق اپپاراتىنىڭ حاتشىسى قانىبەك جۇماشەۆ, «نۇر وتان» پارتياسى جامبىل وبلىستىق پارتياسىنىڭ توراعاسى, وبلىس اكىمى اسقار مىرزاحمەتوۆ, پارتيا وبلىستىق فيليالى ساياسي كەڭەسىنىڭ, ساياسي كەڭەسى بيۋروسىنىڭ مۇشەلەرى, پارتيا تاراز قالالىق, اۋداندىق فيليالدارىنان سايلانعان دەلەگاتتار, ەتنومادەني بىرلەستىك جەتەكشىلەرى, ۇەۇ توراعالارى, باق جەتەكشىلەرى, ساياسي پارتيالار, جەرگىلىكتى اتقارۋشى جانە قۇقىق قورعاۋ ورگاندارىنىڭ باسشىلارى قاتىستى. كونفەرەنتسيا بارىسىندا فيليالدىڭ سوڭعى ەكى جىلدا اتقارعان جۇمىستارى كەڭىنەن تالقىلانىپ, باستاۋىش پارتيا ۇيىمدارىنىڭ بەلسەندىلىگىن ارتتىرۋ, ىشكىپارتيالىق ءتارتىپتى نىعايتۋ, پارتيا اكتيۆىنىڭ جاۋاپكەرشىلىگىن ارتتىرۋ مىندەتتەرى العا قويىلدى.
كونفەرەنتسيادا «نۇر وتان» پارتياسى جامبىل وبلىستىق فيليالى توراعاسىنىڭ ءبىرىنشى ورىنباسارى ەرقانات مانجۋوۆ پارتيا وبلىستىق فيليالىنىڭ ەكى جىلدا اتقارعان جۇمىستارى مەن جەتىستىكتەرى جانە الدا تۇرعان مەجەلى مىندەتتەرى جونىندە باياندادى. بۇگىنگى تاڭدا وبلىس بويىنشا 337 باستاۋىش پارتيا ۇيىمىندا 69039 پارتيا مۇشەسى بار. پارتيا مۇشەلەرى قاتارىنا بەلسەندى جاستار, ءوندىرىس سالاسىنداعى جاس ماماندار, شاعىن جانە ورتا بيزنەس وكىلدەرى, سپورتشىلار مەن مادەنيەت سالاسىنىڭ وكىلدەرى توپتاستىرىلعان. سونىمەن قاتار, جيىن بارىسىندا اعىمداعى جىلدىڭ شىلدە ايىنان بەرى پارتيانىڭ 20 باستاماشىل جوباسىنىڭ دا قولعا الىنعانى ايتىلدى. اتالعان جوبالاردىڭ ىشىندە باستاۋىش ۇيىمداردىڭ جۇمىسى مەن ەسەپتىلىگىن تسيفرلاندىرۋعا كوشىرۋگە باعىتتالعان «پارتيانىڭ اۆتوماتتاندىرىلعان دەرەكقورى», «ە-جارنالار», «ە-تالداۋ», «ە-قۇجات اينالىمى», «بالالارعا ارنالعان تەگىن ءىت سىنىپتار» سىندى جاڭا فورماتتاعى جوبالارى بار. بۇگىنگى تاڭدا تاراز قالاسى مەن اۋدانداردا بالالارعا ارنالعان تەگىن 12 ءىت سىنىپتار اشىلعان. اتالعان سىنىپتاردا 1300 وقۋشى ءبىلىم الۋدا. سونىمەن قاتار, «ارداگەرلەردى ارداقتايىق», «كەدەرگىسىز كەلەشەك», ء«ساتتى قادام» سىندى الەۋمەتتىك ءمانى زور جوبالار تۋرالى دا ايتىلدى.
كونفەرەنتسيا بارىسىندا پارتيا وبلىستىق فيليالى باقىلاۋ-تەكسەرۋ كوميسسياسىنىڭ توراعاسى جارىلقاسىن ايتاقوۆ اتقارىلعان جۇمىستار بويىنشا ەسەپ بەرسە, پارتيا وبلىستىق فيليالىنىڭ پارتيالىق باقىلاۋ كوميسسياسى توراعاسىنىڭ ورىنباسارى باقىت ءالمۇراتوۆ, پارتيا وبلىستىق فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ توراعاسى باحتيار الداشوۆ باقىلاۋ جۇمىستارىنىڭ ناتيجەلەرىنە توقتالدى. سونىمەن قاتار, جيىندا «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىنىڭ ىسكە اسىرىلۋىن باقىلاۋ جونىندەگى وبلىستىق قوعامدىق كەڭەستىڭ جۇمىسى تۋرالى دا ايتىلدى.
كونفەرەنتسيادا پارتيا مەركى اۋداندىق فيليالىنىڭ توراعاسى, اۋدان اكىمى مەيىرحان ومىربەكوۆ, پارتيا جۋالى اۋداندىق فيليالى توراعاسىنىڭ ءبىرىنشى ورىنباسارى انار احمەتوۆا, پارتيا جامبىل اۋداندىق فيليالى «جەتىتوبە» باستاۋىش پارتيا ۇيىمىنىڭ ءتورايىمى سامال بايكەەۆا جانە وبلىستىق «جاس وتان» جاستار قاناتىنىڭ توراعاسى ءۋاليحان بولاتبەك ەسەپتى كەزەڭدەگى اتقارىلعان جۇمىستاردىڭ ناتيجەسىن باياندادى. بۇدان كەيىن «نۇر وتان» پارتياسى ورتالىق اپپاراتىنىڭ حاتشىسى قانىبەك جۇماشەۆ پارتيا تاراپىنان اتقارىلىپ جاتقان جۇمىستارعا توقتالدى. «ەلباسى, «نۇر وتان» پارتياسىنىڭ توراعاسى نۇرسۇلتان نازارباەۆتىڭ تاپسىرماسىمەن ەلىمىزدە ەكونوميكالىق, ساياسي جانە الەۋمەتتىك جاڭعىرۋ جۇمىستارى جۇزەگە اسىرىلۋدا. ءبىزدىڭ ساياسي ۇيىم وسى وزگەرىستەردىڭ ەشقايسىسىنان دا قالىس قالماي, اۋىلداردا ورىندالۋىنا زەر سالاتىن بولادى. پارتيانىڭ ءوز ىشىندە دە اۋقىمدى جاڭعىرتۋ جۇمىستارى باستالدى», دەدى ءوز سوزىندە قانىبەك بەكبولات ۇلى.
كونفەرەنتسيا جۇمىسىن پارتيا وبلىستىق فيليالىنىڭ توراعاسى, وبلىس اكىمى اسقار مىرزاحمەتوۆ قورىتىندىلاپ, مەملەكەتتىك باعدارلامالاردى جۇزەگە اسىرۋدا پارتيا مۇشەلەرى الدىڭعى شەپتە تۇرۋى كەرەكتىگىن ايتىپ, ءتيىستى باسشىلارعا ناقتى تاپسىرمالار بەردى. سوڭىندا پارتيا وبلىستىق فيليالى ساياسي كەڭەسىنىڭ قۇرامى سايلانىپ, ساياسي كەڭەستىڭ العاشقى وتىرىسى ءوتتى. ساياسي كەڭەس وتىرىسىندا پارتيا وبلىستىق فيليالى ساياسي كەڭەسى بيۋروسىنىڭ جاڭا قۇرامى سايلاندى.
حاميت ەسامان,
«ەگەمەن قازاقستان»
جامبىل وبلىسى
