ەرلەر سايىسىندا 81 كيلو سالماق دارەجەسىندە ازيا چەمپيونى ايدار قازوۆ كۇش سىناستى. بيىل ەل بىرىنشىلىگىندە وتە جاقسى ناتيجە كورسەتىپ, التىن تۇعىرعا كوتەرىلگەن قانداسىمىز تورتكۇل دۇنيەنىڭ مىقتىلارى باس قوسقان دودادا قالىڭ توپتىڭ اراسىندا قالىپ قويدى. قازوۆتىڭ قوسسايىستاعى كورسەتكىشى – 331 (145+186) كيلو. ناتيجەسى – 19 ورىن.
بۇل سالماقتا التىن جانە قولا جۇلدەنى قىتايدىڭ قوس ساڭلاعى – ليۋي سياوتسزيۋن مەن دايۋن لي ولجالاسا, مىسىرلىق احمەد ماحمۇت كۇمىسكە قول سوزدى.
ايەلدەر اراسىندا 64 كيلو سالماقتا باق سىناعان اسەم سادىقوۆا مەن كارينا گوريچەۆا «ۆ» توبىنداعى باسەكەدە ءبىرىنشى جانە ەكىنشى ورىنداردى ءوزارا بولىسكەنىمەن, ولاردىڭ ەڭسەرگەن سالماقتارى جالپى ەسەپتە ۇزدىكتەر قاتارىنان كورىنۋ ءۇشىن جەتكىلىكسىز بولدى. ناتيجەسىندە اسەم – جەتىنشى, كارينا – سەگىزىنشى ورىندى قاناعات تۇتتى. وسى ورايدا, جۇلقىپ كوتەرۋ جاتتىعۋ بويىنشا 107 كيلولىق زىلتەمىردى كوتەرگەن كارينا گوريچەۆانىڭ كىشى قولا مەدالدى ەنشىلەگەنىن ايتا كەتۋگە ءتيىسپىز.
ال جارىس قورىتىندىسى بويىنشا قوسسايىستاعى بارلىق جۇلدە سارى قۇرلىق وكىلدەرىنە بۇيىردى. اتاپ ايتساق, قىتايلىق دەن ۆەي – التىن, سولتۇستىككورەيالىق ريم ۋن سيم-كۇمىس جانە تايلاندتىق راتتاناۆان ۆامالۋن – قولا مەدالدى يەمدەندى.
عالىم سۇلەيمەن,
«ەگەمەن قازاقستان»
