بۇل سەنبى كۇنى تۇندە سيتسيلياداعى كاستەلداچيا قالاسىندا بولعان.
اپات كەزىندە ءۇي ىشىندە بولماعان وتباسىنىڭ ءۇش مۇشەسى عانا ءتىرى قالدى: بالالاردىڭ اكەسى ءبىر بالاسىن الىپ سىرتقا شىعىپ كەتكەن, ال 10 جاسار بالا اعاشقا ءمىنىپ ۇلگەرىپ, امان قالدى.
سيتسيليانىڭ باسقا اۋداندارىندا تاعى ءۇش ادام كوز جۇمدى, ولاردىڭ كولىكتەرى قاتتى سۋ اعىنى كەزىندە شايىلىپ كەتكەن.
يتاليانىڭ باسقا ايماقتارىندا قولايسىز اۋا-رايى مەن جاۋىن-شاشىن سالدارىنان 17 ادام قازا تاپتى.
ۆەنەتو پروۆينتسياسىنىڭ سولتۇستىك ايماعىنداعى بەللۋنو قالاسىنىڭ ماڭىندا ەڭ قاتتى قيراۋلار ورىن الدى, وندا داۋىلدىڭ سالدارىنان كوپتەگەن اعاشتار قۇلادى.
ەلدىڭ التى وڭىرىندە – سولتۇستىكتەگى ۆەنەتودان, وڭتۇستىكتەگى سيتسيليا مەن ساردينيا ارالدارىنا دەيىن اۋا رايىنىڭ قولايسىزدىعى تۋرالى ەسكەرتۋ ساقتالادى.
EURONEWS-ءتىڭ حابارلاۋىنشا, يتالياداعى اپات قۇرباندارىنىڭ سانى 30 ادامعا جەتتى.
ۆەنەتسيانىڭ تاريحي بولىگىنىڭ 75%-ى ء الى كۇنگە دەيىن سۋ استىندا, ونىڭ ىشىندە الەمگە ايگىلى اۋليە ماركا الاڭى دا بار.
ايتا كەتەيىك, الدىڭعى جەكسەنبىدە قولايسىز اۋا رايى يتاليانىڭ كوپتەگەن اۋداندارىنا جەتىپ, قاۋىپتىلىكتىڭ «قىزىل» (ەڭ جوعارى) دەڭگەيى ەلدىڭ سولتۇستىگىندەگى بىرنەشە وبلىستاردا جاريالانعانىن تۋرالى حابارلاعانبىز.
