وبلىس اكىمىنىڭ ورىنباسارى مارات جۇندىباەۆ وبلىس اكىمى ارحيمەد مۇحامبەتوۆتىڭ قۇتتىقتاۋىن جەتكىزدى. قازاقستاننىڭ ەڭبەك ەرى سايران بۇكانوۆ جاستاردى ولار ءۇشىن مەملەكەتتىڭ جاساپ وتىرعان جاعدايىن, مۇمكىندىگىن دۇرىس پايدالانۋعا شاقىردى.
«ۇلكەن بولىپ قالۋ ءۇشىن عالامدا, ۇلكەن ارمان كەرەك ەكەن ادامعا», دەگەن مۋحتار شاحانوۆتىڭ ءسوزىن وزدەرىڭە تەمىرقازىق ەتىپ ۇستانىڭدار. ۋاكىت تەز وتەدى, ۋاكىتتى دۇرىس پايدالانىڭدار. ءبىلىم الىڭدار, ەڭبەك ەتىڭدەر. ءوز حالقىڭنىڭ ءداستۇرىن, ءتىلىن بىلمەسەڭ وتانىڭنىڭ پاتريوتى بولمايسىڭ. ءۇش ءتىلدى دە ۋيرەنىڭدەر, ومىردە ءبارى كەرەك» - دەدى سايران بالكەن ۇلى.
اسكەري قىزمەتكەر دەنيس ياكوۆ قازاق ءتىلىن قالاي ۇيرەنگەنىن جاستارمەن ءبولىستى. «مەنىڭ ەرەكشە ىقىلاسىم بولدى, نيەت بولعان جەردە جەڭىسكە جەتۋگە تولىق مۇمكىندىك بار. ءبىر سىرىمدى ايتا كەتەيىن, مەن شىمكەنتتە ەڭ جاقىن دوسىم بار, ول ماعان قازاق ءتىلىن, مەن وعان ورىس ءتىلىن ۇيرەتتىم» - دەدى دەنيس.
وبلىستاعى ءتىل ۇيرەتۋ ورتالىعىندا تۇرعىندار سۇرانىسىنا قاراي بارلىق ءتىل ۇيرەتەدى. فورۋمعا كاتىسۋشىلار قوستانايداعى ءوندىرىس ورىندارىن, مەكتەپتەردى, بيزنەس ورىندارىن ارالادى.
ءنازيرا جارىمبەت,
«ەگەمەن قازاقستان»
قوستاناي
