مۇندا ەلباسىمىزدىڭ ءوزى جازعان كىتاپتارىمەن قاتار, مەملەكەت باسشىلارى جانە قازاقستاندىق اۆتورلار تارتۋ ەتكەن قولتاڭبالى كىتاپتار, پرەزيدەنتتىڭ جوعارى مەملەكەتتىك ناگرادالارىنىڭ جيناعى, سونىمەن قاتار نۇرسۇلتان ءابىش ۇلىنىڭ شەت تىلدەرگە اۋدارىلعان ەڭبەكتەرى, مۋزەي ەكسپوناتتارى مەن ارحيۆ قۇجاتتارى قويىلعان. ءتىپتى ەلباسىنىڭ اتا-اناسى تۇتىنعان زاتتار دا كورمە اجارىن اشىپ تۇر. بۇل مەكەمە كىتاپحانا, مۋزەي, ارحيۆ قىزمەتىمەن تىكەلەي اينالىسسا دا, قىزمەت باعىتى بىلايعى كوپشىلىك كىتاپحانالاردان مۇلدە وزگەشە. قىزمەت اۋقىمى وتە كەڭ. الايدا ونى كورۋ مۇمكىندىگىنە كوبىنە استانالىقتار مەن ونىڭ قوناقتارى عانا يە بولىپ كەلگەنى جاسىرىن ەمەس. سوندىقتان وتكەن جىلدان باستاپ ەلباسى كىتاپحاناسى ەلىمىزدىڭ وبلىستارىندا «ن.نازارباەۆ: ءداۋىر, تۇلعا, قوعام» دەگەن تاقىرىپتا قازاقستاننىڭ تۇڭعىش پرەزيدەنتى – ەلباسى كىتاپحاناسىنىڭ كوشپەلى قور كورمەسىن وتكىزە باستادى. الدىمەن ءوز جۇمىسىن الماتى مەن شىمكەنتتە باستاعان كورمە وسى جىلدىڭ 18 قىركۇيەگىنەن بەرى جۇمىسىن اتىراۋدا, وبلىستىق ش.ساريەۆ اتىنداعى كوركەم سۋرەت جانە قولدانبالى ساندىك ونەر مۋزەيىندە جالعاستىرىپ جاتىر. ءبىر اي ۋاقىتتان بەرى كورمەنىڭ باستى قىزمەت كورسەتۋشىسى بولىپ وتىرعان مۋزەي ۇجىمى بۇل مادەني وقيعاعا ۇلكەن دايىندىقپەن كەلدى. وسى مەرزىم ىشىندە كورمەنى ءجۇز مىڭعا جۋىق كورەرمەن تاماشالادى. بۇل كورمەدەن نۇرسۇلتان ءابىش ۇلىنىڭ اۋىل بالاسىنان باستاپ ەلباسىنا اينالۋىنا دەيىنگى ءومىر جولى تۋرالى ارحيۆتىك قۇجاتتار, فوتو-بەينە ماتەريالدار, مۋزەيلىك ەكسپوناتتار ورىن الىپ وتىر. كورمەگە بىرنەشە عاسىر بۇرىنعى جادىگەرلەر دە قويىلعان. سونىڭ ءبىرى – قازاق-جوڭعار شاپقىنشىلىعىندا ەل قورعاعان شاپىراشتى بولەك باتىردىڭ دۋلىعاسى. بولات مەتالل مەن تابيعي تاستاردان ناقىشتالعان بۇل جادىگەر ءحVىى عاسىرعا تيەسىلى ەكەن.
تولەگەن ورىنباسار ۇلى,
اتىراۋ وبلىستىق ش.ساريەۆ اتىنداعى كوركەم سۋرەت جانە قولدانبالى ساندىك ونەر مۋزەيىنىڭ باسشىسى
