ءتۇن ىشىندە تىنىشتىقتى بۇزۋ, سپيرتتىك ىشىمدىك تۇتىنۋ كورسەتكىشىنىڭ ارتۋى دا سەبەپ. قىلمىستىڭ ءورشۋى دە بايقالعان.
ال, قوعامدىق قاۋىپسىزدىك, تۇرعىنداردىڭ تىنىشتىعى - بارىنەن قىمبات.
مىسالى, وتكەن جىلى الكوگول ءونىمىن ساۋدالاۋدىڭ ءوڭىر بويىنشا 379 فاكتىسى انىقتالعان. قوعامدىق ورىنداردا ماس كۇيىندە پايدا بولعانى ءۇشىن 6248 ادام جاۋاپكەرشىلىككە تارتىلىپتى. ىشىمدىككە تاۋەلدى جانە ناشاقور 200 ادام ءماجبۇرلى تۇردە ەمدەلۋگە جىبەرىلگەن بولسا, 36 مىڭنان استام ادام ۋاقىتشا بەيىمدەۋ ورتالىقتارىنا جەتكىزىلگەن.
- ال, وبلىس ورتالىعىندا پوليتسياعا 148 شاقىرتۋ تۇسكەن «اراي», «گاماردجوبا», «بارسى», ەكىباستۇزدا «اپەلسين», «ۆەرونا», «ششەكي» جانە اقسۋدا «ارارات» ءدامحانالارى, «سۇلتان» مەيرامحانالارى جالپى كريمينوگەندى سيپاتقا يە. بۇل ءدامحانالاردىڭ جۇمىس ۋاقىتتارىن قىسقارتۋعا قاتىستى شەشىم قابىلداۋعا وبلىستىق ءماسليحات تاراپىنان كەلىسىم قاجەت, دەيدى دەپارتامەنت باسشىسىنىڭ ورىنباسارى يۋري كولەسنيكوۆ.
سوندىقتان, وبلىستاعى قالالاردا, اۋدان ورتالىقتارىندا تۇرعىن ۇيلەرگە جاقىن نەمەسە تۇرعىن ۇيدە ورنالاسقان ويىن-ساۋىق ورىندارىنىڭ جۇمىسىن 23.00-گە دەيىن, قالعان نىسانداردىڭ جۇمىسىن 01.00-گە دەيىن قىسقارتۋ ۇسىنىلدى.
فاريدا بىقاي,
«ەگەمەن قازاقستان»
پاۆلودار
