باسىم سالالاردىڭ ءبىرى – اۋىل شارۋاشىلىعى سالاسىندا جەتىستىكتەر از ەمەس. قوعامدىق مال باسىنىڭ مولايعانى بايقالادى. قۇرىلىس جۇمىستارىنىڭ كولەمى 57,5 ميلليارد تەڭگەگە جەتىپ, 85 456 شارشى مەتر تۇرعىن ءۇي پايدالانۋعا بەرىلگەن. ورتاشا ەڭبەكاقى 7 پروتسەنتكە ءوسىپ, 107 مىڭ تەڭگەنى قۇراعان.
الايدا, قول جەتكەن جەتىستىكتەرگە قاراماستان تۇرعىندار ءبىرىنشى كەزەكتە تۇتىناتىن ازىق-ت ۇلىك تاعامدارىمەن قاتار اقىلى قىزمەتتەر دە قىمباتتاپ وتىر. ستاتيستيكا دەپارتامەنتى باسشىسىنىڭ ورىنباسارى قۋانىشبەك قاليجانوۆتىڭ ايتۋىنشا, جەمىستىڭ باعاسى 13,2 پروتسەنتكە وسكەن. سونداي-اق, ەت, ءسۇت ونىمدەرىنىڭ دە باعاسى ءبىراز جوعارىلاعان. اقىلى قىزمەتتەر بويىنشا سۋ, كارىز جۇيەسى باعاسى 8,5 پروتسەنتكە ارتقان. تاراتۋ جەلىلەرى بويىنشا تاسىمالداناتىن گازعا – 6,6, ورتالىق جىلۋعا -6,3, ەلەكتر ەنەرگياسىنا جانە ىستىق سۋعا – 5,1 پروتسەنت قوسىلعان.
وبلىستان تىس جەرلەرگە قونىس اۋدارۋشىلار قاتارىنىڭ دا ازاياتىن ءتۇرى كورىنبەيدى. ولاردىڭ سانى بەس مىڭ ادامنان اسىپ جىعىلادى. كوبى رەسەيدە تۇرۋدى قولايلى كورگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
